Միրզոյանը խոսել է «3+3» ձևաչափի մասին

Հայաստանի ԱԳ նախարարը, պատասխանելով «3+3» ձևաչափի մասին հարցին, խոսել է Հարավային Կովկասում խաղաղության հաստատումից։ Միրզոյանը, մասնավորապես, հայտարարել է. «Հայաստանը բարեխղճորեն և կառուցողական կերպով ներգրավված է Ադրբեջանի հետ բանակցություններում՝ խաղաղության հաստատման ու հարաբերությունների կարգավորման համար։

Մենք Ադրբեջանի հետ մի քանի ուղղություններով և փուլերով բանակցել ենք և կոնկրետ խաղաղության համաձայնագրի վրա ենք աշխատում։ Շատերը պնդում են, որ իրական հնարավորություն կա այս գործընթացը տրամաբանական ավարտի հասցնելու համար։ Մենք, իրոք, ունենք այդ հնարավորությունը՝ չնայած ԼՂ բնակչության բռնի տեղահանությանն ու ատելության խոսքին, և ամեն ինչ անում ենք, որ այս գործընթացը հասնի իր տրամաբանական ավարտին»։

Նա նշել է, որ Ադրբեջանի հետ խաղաղության պայմանագրի նախագծի վրա են աշխատում. «Օրեր առաջ ստացանք ադրբեջանական կողմի հերթական առաջարկները, և իհարկե, կուսումնասիրենք ու պատշաճ կարգով կներկայացնենք մեր առաջարկները»։