USAID-ի կողմից քարոզչությունների ֆինանսավորումը հանգեցրել է ԱՄՆ-ի աղքատացմանը

Ամերիկյան տնտեսությունը լրջորեն թուլացել է։ ԱՄՆ կառավարության աշխատանքի արդյունավետության բարձրացման գերատեսչության ղեկավար Իլոն Մասկը հայտարարել է, որ քանի դեռ ԱՄՆ Միջազգային զարգացման գործակալությունը (USAID) ֆինանսավորում էր բազմազանության, հավասարության և ներառականության (Diversity, Equality and Inclusion, DEI) գաղափարների առաջխաղացումն արտերկրում ԱՄՆ տնտեսությունը թուլացել է։ Այս մասին հայտնում է ՏԱՍՍ-ը։

«USAID-ին ֆինանսավորում էր DEI-ն արտերկրում, մինչ Ամերիկան սնանկ էր դառնում»,- գրել է Մասկը X-ում:

ԱՄՆ նախագահի մամուլի քարտուղար Քերոլայն Լիվիտը փետրվարի 4-ին հայտնել էր, որ USAID-ն 1,5 մլն դոլար է ուղղել Սերբիայում ռասայական բազմազանության, հավասարության և ներառականության ընդլայնմանը, 2 մլն դոլար հատկացրել է սեռափոխության վիրահատությունների և Գվատեմալայում ԼԳԲՏ ակտիվիզմի անցկացմանը, 47 հազար դոլար՝ Կոլումբիայում տրանսգենդերային օպերայի բեմադրությանը և 32 հազար դոլար՝ Պերուում սեռափոխվածների մասին կոմիքսների թողարկման համար։

Թրամփի երդմնակալությունից հետո USAID-ի աշխատանքը փաստացի դադարեցվեց։ Թրամփը նաև ստորագրեց մի շարք հրամանագրեր, այդ թվում ՝ դաշնային գերատեսչություններում ներառականության և բազմազանության բոլոր ծրագրերը փակելու և ԱՄՆ-ում միայն երկու սեռերի՝ արական և իգական սեռի ճանաչման մասին: