ԱՄՆ նախկին փոխնախագահ Քամալա Հարիսին համեմատել են «հարբած մորաքրոջ» հետ․ New York Post

ԱՄՆ նախկին փոխնախագահ Կամալա Հարիսը քննադատության թիրախ է դարձել ամերիկյան ԶԼՄ-ներում Նյու Յորքում մյուզիքլի դերասանների առջև ունեցած ելույթից հետո, որի արդյունքում քաղաքական գործչին համեմատել են «հարբած մորաքրոջ» հետ՝ նրա խոսքի անհամապատասխանության համար:

Անցած հանգստյան օրերին Հարիսն ամուսնու հետ Նյու Յորքում ներկա է եղել Բրոդվեյի շոուին, որտեղ նաև դերասանների առջև ելույթ է ունեցել, որը New York Post թերթը բնութագրել է որպես «Բառային աղցան»:

«Երբ մենք մտածում ենք նման պահերի մասին, երբ տեսնում ենք, որ ինչ-որ բան խլում են, բայց եկեք ընդունենք, գիտեք, բնությունը չի հանդուրժում դատարկությունը։ Որտեղ կա թափուր աշխատատեղ, Եկեք լրացնենք այն: Տեղեկացրեք մեզ, որ իրականությունն այն է, որ մեր երկրի առաջընթացը կապված էր իրավունքների ընդլայնման, այլ ոչ թե դրանց սահմանափակման հետ»,- հայտարարել է Հարիսը, սակայն ներկաներից ոչ ոք չի կարողացել հասկանալ, թե ինչ է ուզում ասել ԱՄՆ նախկին փոխնախագահը:

Նա շարունակել է իր խոսքը՝ մատնանշելով զգոն լինելու անհրաժեշտությունը՝ «այդ իրավունքները պահպանելու համար»:

«Մենք պետք է պարզ աչքեր ունենանք։ Եվ դա չի նշանակում, որ մենք ամեն ինչում գեղեցկություն չենք տեսնում։ Այդ բոլոր բաները գոյակցում են, բայց ես կարծում եմ, որ մենք պայքարում ենք ինչ-որ բանի համար, այլ ոչ թե ինչ-որ բանի դեմ»,- նշել է քաղաքական գործիչը։

Պարբերականը գրում է, որ Հարիսի ելույթն անհասկանալի էր և նրանում ոչ մի հստակություն չկար։