iPhone օգտագործող քաղաքական գործիչներին, ակտիվիստներին և լրագրողներին սպառնում է Pegasus վիրուսով լրտեսում

iVerify ընկերության մասնագետները հայտարարել են, որ Pegasus վնասակար ծրագիրը կարող է օգտագործվել նաև iPhone-ի սովորական օգտատերերին լրտեսելու համար։ Այս մասին ասում է 9to5Mac հրատարակությունը։

Ըստ տեղեկությունների՝ Pegasus-ը լրտես վիրուս է, որը ստեղծվել է իսրայելական NSO Group ընկերության կողմից և օգտագործվում է iPhone-ից օգտվող քաղաքական գործիչներին, ակտիվիստներին և լրագրողներին լրտեսելու համար։ 2024 թվականի կեսերին iVerify ընկերությունը թողարկել է հավելված՝ Pegasus-ի առկայությունը Apple-ի սարքերում որոշելու համար, այսպիսով, նրանց հաջողվել է բացահայտել վիրուսով վարակվելու մասշտաբները։

Զեկույցում ասվում է, որ iVerify-ի ծրագրով սկանավորված 3 հազար iPhone-ներից 7-ում հայտնաբերվել են վիրուսի հետքեր: Մինչև 2024 թվականի վերջը Apple-ի սկանավորված հեռախոսների թիվը գերազանցել է 18 հազարը։ Հետազոտողները հայտնաբերել են նոր վարակված սարքեր և հաշվարկել են, որ վարակված iPhone-ների մասնաբաժինը կազմել է 0,25%: 1000 ստուգված սարքերի վրա հայտնաբերվել է վարակման 2,5 դեպք։ iVerify-ում ամփոփել են, որ աշխարհում վարակված iPhone-ների իրական մասնաբաժինը մոտ է 0,15% ցուցանիշին։

Անվտանգության մասնագետները եկել են այն եզրակացության, որ Pegasus-ն օգտագործվում է ոչ միայն հայտնի անձանց լրտեսելու համար, այլ վիրուսը հայտնաբերվել է նաև սովորական օգտատերերի սմարթֆոններում: Հետազոտողներն ամփոփել են, որ Pegasus-ի միջոցով իրականացվող սմարթֆոնների կոտրումներն ապագայում ազդեցություն կունենան հասարակության լայն շերտերի վրա:

Հետևեք մեզ նաև Telegram-ում