Այս պահին համաեվրոպական բանակ ստեղծելն անհնար է․ Մակրոն

Ֆրանսիայի նախագահ Էմանուել Մակրոնը հայտարարել է, որ ԵՄ ընդհանուր բանակի ստեղծման շուրջ կոնսենսուսն այս պահին անհնար է:

«Միգուցե ընդհանուր բանակը պետք է լինի մեր նպատակը, բայց մեր քաղաքական համակարգերն այսօր շատ տարբեր են։ Կլինի՞ այսօր կոնսենսուս, ես այդպես չեմ կարծում»,- ասել Է նա։

Միևնույն ժամանակ, նա նշել է, որ շատ է խոսել բրիտանական և այլ գործընկերների հետ խաղաղ համաձայնագրի կնքումից հետո անվտանգության երաշխիքների նպատակով Ուկրաինա զինվորականներ ուղարկելու մասին: Նրա խոսքով՝ այս պահին այդ հարցը դրված չէ, բայց նման հավանականությունը չի բացառվում։