Իտալիայի առաջնության պատմության թոփ-5 տուգանային իրացնողները (տեսանյութեր)

Ո՞վ է այժմ Իտալիայի առաջնությունում ամենալավն իրացնում տուգանային հարվածները: Առաջինն, ում մասին մտածեցիք, հավանաբար, Անդրեա Պիրլոն է: Իսկ ովքե՞ր են Իտալիայի առաջնության պատմության տուգանային հարվածներ իրացնող լավագույն ֆուտբոլիստները…

Ջանֆրանկո Ձոլա. 20 գոլ

«Յուրաքանչյուրն իր գաղտնիքներն ունի, սակայն ես նախընտրում եմ լինել երրորդ մարդը, ում պտտեցրած գնդակները դարպասի հենց դատարկ անկյունում են հայտնվում: Եթե ես վազեցի 45 աստիճանի անկյան տակ, գնդակը պետք է պտույտ գործի». Ձոլան իսկապես հազվադեպ էր դեպի դարպասապահի անկյունը հարվածում:

Դարպասապահները հարվածից հասկանում էին, թե որ կողմ է գնդակն ուղղում Ջանֆրանկոն, բայց որևէ բան անել չէին կարողանում: Մինչև «Չելսի» տեղափոխվելը, Ձոլան տուգանայիններ էր իրացնում «Նապոլիում», «Պարմայում», իսկ Լոնդոնից հեռանալուց հետո նաև «Կալյարիում»: «Սթեմֆորդ Բրիջում» Ձոլան 7 մրցաշրջանում ավելի քան 10 գոլ է խփել (այդ թվում` Չեմպիոնների լիգայի ¼ եզրափակչի` «Բարսելոնայի» դեմ խաղում), և հնարավոր է` առաջատարը լիներ այս աղյուսակում, եթե Անգլիա չտեղափոխվեր:

Ռոբերտո Բաջո, 20 գոլ

Իտալական ֆուտբոլի երկու լեգենդները կիսում են 4-րդ հորիզոնականը: Բաջոն ինչ-որ առումով ռեկորդակիր է, սակայն նա տուգանային հարվածներ է կատարել 6 ակումբների կազմում. «Ֆիորենտինա», «Յուվենտուս», «Միլան», «Ինտեր», «Բոլոնիա», «Բրեշիա»: Բաջոն մոտեցել է Ձոլայի ոճին` խաղացել դարպասապահների հետ: Հարվածել է նրանց պաշտպանած անկյանը, գնդակն անցկացրել ֆուտբոլիստների կազմած պատի միջով, հաջողություն է ունեցել շեշտակի գոլերի դեպքում, երբ դարպասապահները սպասել են գնդակին: «Բրեշիայի» կազմում Բաջոն գոլ է խփել նույնիսկ անկյունայինից: Որոշ գնդակներ նա կորցրել է գոլից առաջ գնդակի խաղարկման ժամանակ:

Ալեսանդրո դել Պիերո, 22 գոլ

«Յուվենտուսի» նախկին ավագն անընդհատ կատարելագործում էր իր հարվածներն ու չդադարեց դա անել անգամ Ավստրալիայում: Որևէ մեկը չէր զարմանում, երբ Ալեսանդրոն շարունակում էր տուգանայիններն իրացնել «Սիդնեյի» կազմում: Կասկած չկա` նա Հնդկաստանում էլ չի կանգնի: 18 տարիների ընթացքում դել Պիերոն 281 գնդակ է խփել «Յուվենտուսի» կազմում, որոնցից 42-ը` տուգանային հարվածներով: Հետաքրքիրն այն է, որ աջլիկ դել Պիերոն տուգանայիններն իրացնում է նաև ձախ ոտքով: Նա տարբեր տեխնիկական մեթոդներ է օգտագործում. Բաջոյի և Ձոլայի պես, մեծ հեռավորությունից գնդակը բաց է թողնում առանց այն պտտեցնելու: Այս ամենից բացի դել Պիերոն Իտալիայի ռեկորդակիր է բոլոր մրցաշարերի տուգանային հարվածների առումով: Նա 42 նման գոլ է խփել «Յուվեի» կազմում, իսկ 6-ը` հավաքականի:

Անդրեա Պիրլո, 26 գոլ

Պիրլոն չի թաքցնում, որ ուսումնասիրել է ֆուտբոլի պատմության մեջ տուգանային հարվածները լավագույնս իրացնող Ժունինյո Պերնամբուկանոյի տեխնիկան: Բրազիլիայում կայացած Մունդիալից առաջ նրանք նույնիսկ լուսանկարվել են: Ժունինյոյի` «Լիոնի» կազմում 100 տուգանային հարվածներից 44-ը գոլով է ավարտվել:

«Գաղտնիքը երեք մատներով խփելու մեջ է»,-պատմում է Պիրլոն իր ինքնակենսագրականում:

Մաեստրոն, Ժունինյոյի տեխնիկան յուրացնելով, կատարելագործել է իր գոլերի վիճակագրությունը: «Միլանում» անցկացրած 10 տարիների ընթացքում Պիրլոն Ա Սերիայում 10 գոլ է խփել տուգանայինից: «Յուվենտուսում» անցկացրած 4 տարիների ընթացքում նա 11 գնդակ միայն առաջնությունում է խփել: Նրա ակտիվում ընդհանուր հաշվարկով տուգանայինից խփած 44 գնդակ կա: Անցյալ մրցաշրջանում նա 4 գոլ է խփել Ա Սերիայում, երկու անգամ հաջողության է հասել Եվրոպա լիգայի խաղերի ժամանակ և մեկ անգամ էլ Իտալիայի հավաքականի կազմում: Պիրլոն խոստովանում է, որ ցանկանում է շրջանցել «Սամպդորիայի» ներկայիս մարզիչ Սինիշա Միխայիլովիչի: Դա հեռավոր երազանք չէ ու կարող է իրականանալ արդեն ընթացիկ մրցաշրջանում:

Սինիշա Միխայիլովիչ, 28 գոլ

Սինիշայի անվան դիմաց ամբողջ կարիերայի հաշվարկով տուգանայինից խփած ավելի քան 70 գոլ կա: Նա գոլ է խփել այն բոլոր ակումբների կազմերում, որտեղ խաղացել է: Բացի այդ նա ավելի քան 100 փոխանցում է կատարել ստանդարտ դիրքերից կատարած հարվածների ժամանակ: Նա այս հնգյակում միակ ձախլիկն է: Նա խփում էր ցանկացած անկյունից ու ցանկացած հեռավորությունից:

«Ես հաճախ փորձել եմ հենց անկյուններից խփել»,-ասել է Միխայիլովիչը: Ցանկացած հարցման կամ քվեարկության պարագայում այս ֆուտբոլիստը համալրում է ֆուտբոլի պատմության տուգանայիններ հարվածները լավագույն իրացնողների ցուցակը:

 

Հետևեք մեզ նաև Telegram-ում