Ռուբիոն Հորմուզի հարցը համարել է Իրանի հետ բանակցությունների առաջնահերթությունը

ԱՄՆ պետքարտուղար Մարկո Ռուբիոն հայտարարել է, որ Միացյալ Նահանգները պատրաստ է բանակցություններ սկսել Իրանի միջուկային ծրագրի շուրջ, եթե Թեհրանը վերաբացի Հորմուզի նեղուցը։

ԱՄՆ նախագահ Դոնալդ Թրամփը ավելի վաղ հայտարարել էր, որ Իրանի հետ բանակցությունները ընթանում են կառուցողական՝ նշելով, որ ինքը հանձնարարել է բանակցողներին չշտապել համաձայնության հասնելու հարցում, քանի որ ժամանակը Վաշինգտոնի օգտին է։

«Նեղուցը պետք է անհապաղ վերաբացվի, և այդ դեպքում մենք, համաձայնեցված պարամետրերի շրջանակներում, շատ լուրջ բանակցություններ կվարենք հարստացման, բարձր հարստացված ուրանի և երբեք միջուկային զենք չունենալու նրանց պարտավորության վերաբերյալ», – ասել է Ռուբիոն New York Times-ին տված հարցազրույցում։

Հրապարակումը նաև, հղում անելով անանուն ամերիկացի պաշտոնյայի, հայտնել է, որ «սկզբունքային համաձայնություն կա Հորմուզի նեղուցը վերաբացելու համաձայնագրի վերաբերյալ՝ Իրանի կողմից բարձր հարստացված ուրանը վերացնելու պարտավորության պայմանով»։

Հետևեք մեզ նաև Telegram-ում