AM | RU
USD
EUR
RUB

Նախագահ Սարգսյան. «Պայքարենք՝ հային հայ պահելու համար, որպեսզի դիմագրավենք ուծացման վտանգը»

 

Նախագահ Սերժ Սարգսյանն այսօր մասնակցել է ՀՀ գիտությունների ազգային ակադեմիայում հրավիրված «Համաշխարհային հայկական կոնգրես» հասարակական կազմակերպությունների միջազգային միության երկրորդ հերթական համագումարին: Այս մասին տեղեկացնում են ՀՀ Նախագահի մամուլի ծառայությունից: 

Հանրապետության ղեկավարը համագումարում հանդես է եկել ելույթով, ողջունել մասնակիցներին և մաղթել արգասաբեր աշխատանք:

Նա մասնավորապես ասել է. 

«Վեհափա՛ռ Տեր,

Հարգելի՛ տիկնայք և պարոնայք,

Սրտանց ողջունում եմ «Համաշխարհային հայկական կոնգրես» հասարակական կազմակերպությունների միջազգային միության երկրորդ համագումարի մասնակիցներին քաղաքամայր Երևանում: Ուրախ եմ տեսնելու բազմաթիվ հին ծանոթների և ընկերների, որոնք հայրենիք են ժամանել աշխարհի տարբեր ծայրերից՝ համահայկական խնդիրների օրակարգը ճշտելու, այդ հարցերը բաց քննարկելու ցանկությամբ:

Ուրախ եմ նաև նոր դեմքեր տեսնելու առիթով: Վստահ եմ, որ մեր ծանոթությունը և բարեկամությունը մեծ ապագա է ունենալու: Վստահ եմ, քանի որ մեզ միավորում են շատ կարևոր արժեքներ ու զգացմունքներ: Դրանք արժեքներ են, որոնք թույլ են տվել հայ ժողովրդին անցնելու պատմության քառուղիներով՝ պահպանելով մեր տեսակը՝ հայի տեսակը: Եվ մենք դեռ հազարամյակներ ունենք առջևում, որոնք անցնելու ենք միասին:

Բոլորիդ սրտանց ուզում եմ ասել՝ բարո՛վ եք եկել Հայաստան, բարո՛վ եք եկել Հայրենիք:

Սիրելի՛ բարեկամներ,

Սփյուռքը համախմբելու յուրաքանչյուր նախաձեռնություն անհրաժեշտ է խրախուսել և փայփայել: Մենք սակավաթիվ ենք, ուստի և պետք է պայքարենք յուրաքանչյուր հայի համար: Պայքարենք՝ հային հայ պահելու համար, որպեսզի դիմագրավենք ուծացման վտանգը: Հենց դրա համար էլ մենք պետք է խրախուսենք ազգային ինքնակազմակերպման և փոխադարձ օգնության բոլոր հնարավոր մեխանիզմները:

Պետք է նշեմ, որ այդ առումով մենք՝ որպես ժողովուրդ, կարողացել ենք որոշակի հաջողություններ արձանագրել: Դրանք հաջողություններ են, որոնք ոմանց հանգիստ չեն տալիս: Բայց այդ ամենը մենք անում ենք ոչ թե ուրիշներին գրգռելու, այլ մեր տեղական և համազգային բնույթի հարցերը լուծելու համար:

Այսօր աշխարհի չորս կողմերում գոյություն ունեն բազմաթիվ և բազմաբնույթ հայկական հասարակական կազմակերպություններ: Հենց նրանց շնորիվ այսօր մենք կարող ենք խոսել հայկական համաշխարհային քաղաքացիական հասարակության մասին:

Դա քաղաքացիական հասարակություն է, որտեղ առկա են և՛ քաղաքական, և՛ բարեգործական, և՛ մշակութային, և՛ մասնագիտական, և՛ բոլոր հնարավոր տեսակների կազմակերպություններ: Եվ նրանց բոլորի հաջողություններով կարելի է միայն հպարտանալ:

Այս քաղաքացիական հասարակության շրջանակներում ոչ մեկին տրված չէ ճշմարտության, իմացության կամ արդարության մենաշնորհը: Բայց կարևոր է, որ բոլորը ձգտեն միավորվել այդ սկզբունքների շուրջ, և ոչ սեփական տեսակետի պարտադրանքի շուրջ: Քաղաքացիական հասարակության ամբողջ ուժն իր բազմազանության մեջ է, և մենք պետք է ամեն ինչ անենք, որ այդ բազմազանությունը խրախուսենք և պահպանենք:

Հայոց պետությունն էլ այս հարցում հանդես չի գալիս պարտադրողի դերում: Համոզված եմ, որ ո՛չ պետությունն է կարող փոխարինել քաղաքացիական հասարակությանը, և ո՛չ էլ քաղաքացիական հասարակությունը՝ պետությանը: Պետությունը և քաղաքացիական հասարակությունը ուժեղ են փոխադարձաբար իրար լրացնելով, իրար ամրապնդելով, իրար զորակցելով:

Սիրելի՛ բարեկամներ,

Աշխարհի շատ ժողովուրդների ներկայացուցիչներ ապրում են իրենց հայրենիքից դուրս: Բայց հայերի պարագայում այդ իրավիճակը ազատ ընտրության և ավելի լավ կյանք փնտրելու պատճառով չի ստեղծվել: Հայերն այլ երկրներում են հայտնվել ցեղասպանության և հայրենազրկման արդյունքում:

Մոտենում է Հայոց ցեղասպանության 100-րդ տարելիցը: Մեր ժողովրդի դեմ կատարված հանցագործությունը դեռևս պիտի ստանա իր արժանի գնահատականը: Դա համազգային խնդիր է, որին, վստահ եմ, դուք կանդրադառնաք ձեր աշխատանքի ընթացքում: Հայոց պետությունը և հայկական համաշխարհային քաղաքացիական հասարակությունը ասելիք ունեն այս խնդրի շուրջ:

Եվ դա մեր օրակարգի միակ հարցը չէ: Մենք պաշտպանեցինք Արցախը մեզ պարտադրված պատերազմում: Այժմ ժամանակն է հաստատել արդարությունը դիվանագիտության դաշտում: Այստեղ ևս մենք աշխատում ենք ձեռք ձեռքի տված:

Այսօր Սիրիայի մեր եղբայրները և քույրերը հայտնվել են ծայրահեղ դժվար կացության մեջ: Մենք զորակից ենք մեր հայրենակիցերին և հնարավոր բոլոր միջոցներով աջակցում և աջակցելու ենք նրանց:

Այս խնդիրներով մեր համազգային օրակարգը չի սահմանափակվում: Շատ բան ենք արել, բայց դեռ ավելին ունենք անելու:

Վստահ եմ՝ անելո՛ւ ենք: Եվ մեզնից յուրաքանչյուրն անձամբ ասելիք և անելիք ունի:

Համագումարի մասնակիցներին մաղթում եմ արգասաբեր աշխատանք և, իհարկե, հիշարժան օրեր Երևանում:

Շնորհակալություն»:

 

Լրահոս
Սերբիայի վարչապետը կարծում է, որ Կոսովոյի հարցը կարելի է լուծել բացառապես փոխզիջման միջոցով Միքայել Մինասյանի «նուրբ» ակնարկը Փաշինյանին Մեկ օրում Սիրիա է վերադարձել ավելի քան 1400 փախստական «ՄԱԿ-ի Գլխավոր ասամբլեայի շրջանակում Ռոհանիի և Թրամփի միջև հանդիպում չի նախատեսվում»․ Իրանի ԱԳՆ «Իմ քայլը» ՍԴ նախագահի դեմ գործընթաց է սկսում Ալեն Ղևոնդյան. «Վանեցյանի պաշտոնազրկումը միանշանակ ազդելու է վարչապետի հեղինակության վրա» Արշավիր Ղարամյան. Վանեցյանը լավագույներից է Վանեցյանի ներսից տեսածը Նիկոլի իշխանության տապանաքարն է դառնալու. Նարեկ Սամսոնյան Փաշինյանը չպատասխանեց` «մարտի 1»-ի տուժածների չափով աջակցություն կտրամադրվի՞ զոհված զինծառայողների ընտանիքներին, թե` ոչ Պաշտպանությունից՝ հարձակում և հակառակորդի ոչնչացում. Հայաստանում աննախադեպ ծավալի զորավարժություն կանցկացվի (տեսանյութ) Արմեն Մինասյան. Վանեցյանի ելքը «հեղափոխական» վարչակազմից լուրջ ցուցիչ է «հընթացս ընթացող» հեղափոխությունը բնութագրելու համար Ես միայն պատվարժան սպայի եմ տեսնում, որ ահասարսուռ բաների մասին է ահազանգում. Քաղաքագետ Արթուր Վանեցյան. «ՀՀ ԱԱԾ տնօրենի պաշտոնից հրաժարականի դիմում ներկայացնելու որոշում եմ կայացրել» Վարչապետը ստորագրել է ԱԱԾ տնօրեն Արթուր Վանեցյանի՝ աշխատանքից ազատելու միջնորդագիրը Բարձրագույն դատական խորհուրդն ընդունել է Վենետիկի հանձնաժողովի պատվիրակությանը ԱԺ ընտրությունները կարող են 2022 թ. շատ ավելի շուտ լինել. քաղտեխնոլոգ ԱԺ նախագահը ցանկանում է ազդել Ռ.Քոչարյանի գործով առաջին ատյանի դատարանի վրա. Կարծիք Վարչապետ Նիկոլ Փաշինյանի ասուլիսը Վանաձորում. Ուղիղ Քո ի՞նչ գործն է ՍԴ-ի մասին Նիկոլի պրիմիտիվ քարոզչական փուչիկները ԱԺ դահլիճ բացթողնելը. Աշոտյանի կոչը Միրզոյանին ԱԺ-ն առաջին ընթերցմամբ ընդունեց ԱԱԾ և ոստիկանության պետերի պաշտոնները քաղաքական համարելու ԼՀԿ օրինագիծը «Ադեվադը» դիմել է ՀՔԾ՝ ՀՀ գլխավոր դատախազի և ՀՀ ոստիկանապետի նկատմամբ քրեական գործ հարուցելու խնդրանքով Ինչո՞ւ է ԵՊՀ մամուլի խոսնակը դատի տվել համալսարանի ղեկավարությանը ԱԺ նախագահի հայտարարությունը՝ ՍԴ-ում ստեղծված վիճակի մասին (Տեսանյութ) Վահե Հովհաննիսյան. Եթե վաղը Քոչարյանն ազատ չարձակվի, կնշանակի, որ երկրի ռեպրեսիվ մեքենան միացված է Արթուր Ղազինյան. Փաշինյանին ոչինչ չի մնում, քան զորքը մտցնել Ամուլսար Նոր տեղեկություններ Մանվել Գրիգորյանի նկատմամբ բռնությունների մասին. Տեսանյութ Ռոբերտ Քոչարյանը պետք է անհապաղ ազատ արձակվի. Տեսանյութ Ողբերգական վթար` Երևան-Մեղրի ավտոճանապարհին. Կան զոհեր և տուժածներ ՕՐՎԱ ԽՈՐՀՈՒՐԴԸ: Սեպտեմբերի 16 Օդի ջերմաստիճանը կբարձրանա Մերձարևելյան տարածաշրջանի անվտանգությունը հատուկ նշանակություն ունի Իրանի, ՌԴ-ի և Թուրքիայի համար. Ռոհանի Ամերիկյան ԶԼՄ-ներն անդրադարձել են «աշխարհը գրաված» ռուսական զենքին Այսօր Հայ Առաքելական եկեղեցին տոնում է Խաչվերացը ՕՐՎԱ ԽՈՐՀՈՒՐԴԸ: Սեպտեմբերի 15 Հրապարակվեցին «Ամուլսարն առանց հանքի» նախաձեռնության պահանջները. ՏԵՍԱՆՅՈՒԹ Ի պաշտպանություն Ամուլսարի քայլերթի մասնակիցներն Ազատության հրապարակում են. ՈՒՂԻՂ Սեպտեմբերի 16-ին էլեկտրաէներգիայի անջատումներ կլինեն Երևանում և 8 մարզում Զոհրաբ Մնացականյանն ընդունել է Ֆրանսիայի Ազգային Ժողովի պատգամավորներին «Ո՞վ... ե՞ս...», կամ հիշողության թարմացման օպերացիա Լևոն Շիրինյանի հետ Քայլերթ Երևանի քաղաքապետարանի դիմացից՝ ի պաշտպանություն Ամուլսարի. ՈՒՂԻՂ
Խմբագրի ընտրություն
website by Sargssyan