AM | RU
USD
EUR
RUB

Նոր Մանաշիդ գյուղի գյուղապետ. մեր բնակչության 50%-ը երեխաներ են

 

Քարվաճառի շրջանի Նոր Մանաշիդ գյուղ հասնելն այնքան էլ հեշտ գործ չէ: Գյուղը հիմնական ճանապարհից վերեւ է մոտավորապես 5 կմ, հասարակական տրանսպորտ չի աշխատում: Բայց դրա փոխարեն Նոր Մանաշիդի այցելուների մասին մտածում են գյուղի գյուղապետը, դպրոցի տնօրենը: Հենց գյուղապետ Հրայր Սարգսյանի մեքենայով էլ գյուղ հասանք: Բարձրանում ես, բարձրանում, ու թվում է, թե արդեն ամպերին ես հասնելու, բայց փոխարենը սարերում ծվարած մի գյուղ ես հասնում, հասնում ես Նոր Մանաշիդ: Համայնքը հիմնադրվել է 2001 թվականին. գյուղի հիմնադիր գյուղապետը Բագրատ Բուդաղյանն էր:

Ներկայիս գյուղապետը' Հրայր Սարգսյանը, գյուղում բնակվում է 2004-ից, իսկ համայնքի ղեկավար է 2011թ. հոկտեմբերից: «Համայնքի զարգացումը շատ արագ չի ընթանում, բայց համեմատած Շահումյանի շրջանի մյուս համայնքերի հետ, Նոր Մանաշիդն ավելի արագ է զարգանում: Դպրոցում ավելանում է աշակերտների ու ուսուցիչների թիվը», մեր հետ զրույցում նշեց գյուղապետը:

«2004-ին համայնքում մի մեքենա կար, հիմա համարյա բոլորն էլ սեփական մեքենա ունեն, կամ էլ համայնքի մեքենան է բնակիչներին սպասարկում», շարունակում է Հ. Սարգսյանը: Ինչպես նշեց գյուղապետը, համայնքում կա մոտ 100 բնակիչ, որի 50%-ը երեխաներ են: «Եւ սա մեր համար հպարտություն է», ժպտում է գյուղապետը:

Գյուղում բազմազավակ ընտանիքներ կան: Երեք բազմազավակ ընտանիքների համար տուն կառուցվել է. գյուղապետը հույս ունի, չորրորդ, հինգերորդ բազմազավակ ընտանիքները շատ չեն ուշանա: Իսկ հուսալու հիմք կա. համայքնում հիմնականում երիտասարդ ընտանիքներ են ապրում: Գյուղապետը վստահ է, որ եթե համայնքում ավելի շատ տներ լինեին, հաստատ ավելի շատ մարդիկ կգային ապրելու, քանի որ համայնքի դիրքն էլ է շատ հարմար:

Գյուղապետի կարծիքով, թեեւ որեւէ հասարակական տրանսպորտ գյուղը չի սպասարկում, տրանսպորտի կարիք բնակիչներն առանձնապես չունեն, քանի որ համայնքին տրամադրված մեքենան սպասարկում է բնակիչներին: «Իսկ խանութ չկա զուտ այն պատճառով, որ բնակչությունը քիչ է: Եթե շատ խիստ զգացվեր, հաստատ կբացվեր», համոզված է պարոն Սարգսյանը: Իսկ այ բուժկետի կարիք գյուղում հաստատ կա: Գյուղապետը բուժկետ բացելու ծրագիր է ներկայացնել վարչակազմին եւ հույս ունի, որ եկող տարի համայնքը բուժկետ կունենա:

«Բացի բուժկետը, ներկայացրել ենք նաեւ ակումբ եւ համայնքապետարան բացելու ծրագրեր»: Նոր Մանաշիդում տարբեր շինարարական աշխատանքների ժամանակ հայտնաբերվում են հայկական խաչքարեր, որոնք թուրքերն օգտագործել են որպես շինանյութ: Ծրագիր կա նաեւ գյուղում այգի հիմնել, այդ խաչքարերը հավաքել, ցայտաղբյուր կառուցել եւ մի փոքրիկ հուշահալիր հիմնել, իսկ այգին կլինի նաեւ ժամանցի կենտրոն գյուղի բնակիչների համար:

Մեր հետ զրույցում Նոր Մանաշիդ գյուղի ուսուցիչ Արայիկ Ղազարյանը կարծիք հայտնեց, որ պետությունը պետք է հատուկ քաղաքականություն վարի այս տարածքի համար. այն մարդիկ, ովքեր կցանկանան այստեղ որեւէ գործ սկսել, պետք է հարկերից ազատ լինեն: «Հենց դա էլ պետք է խթան հանդիսանա, որ մարդիկ մնան այստեղ, ամրանան այստեղ, իսկ եթե պետությունը նպատակաուղղված քաղաքականություն չվարի, չենք կարող»:

Նոր Մանաշիդն ապրում է սարերի մեջ կորած, Նոր Մանաշիդի բնակիչներն ապրում են այնտեղ, որտեղ կարծես թե էլ կյանք չպետք է լիներ, ապրում են իրենց կյանքով, իրենց աշխարհում եւ շնորհակալ են լինում նրանց, ովքեր գալիս են ու թեկուզ միայն իրենցով հետաքրքրվում…

Թամարա Գրիգորյան

Լրահոս
Ինչպիսի եղանակ է սպասվում Հայաստանում Դոլարի, եվրոյի և ռուբլու փոխարժեքը՝ տարադրամի փոխանակման կետերում ՀՀ սուվերեն տարածքից հայ զինվոր է առևանգվում. Աննա Գրիգորյան ՊՆ-ն հաստատում է՝ հակառակորդը կրակ է բացել Խաչիկի ուղղությամբ, պատասխան կրակից հետո լռեցվել է Հակառակորդը մոտ 10 րոպե ինտենսիվությամբ կրակ է բացել Խաչիկ գյուղի ուղղությամբ Կրակոցներ՝ Գեղարքունիքի մարզում․ հայտնաբերվել է «Կալաշնիկով»-ի 25-ից ավելի պարկուճ Զոհվածի հորը ծեծողին էլ պարգեւատրեց. «Հրապարակ» Որ ճանապարհներն են կապելու Թուրքիան Ադրբեջանին․ «Հրապարակ» Դատախազի տեղակալները դիմումներ կգրեն. կմնա միայն մեկը. «Ժողովուրդ» Երևանի և 7 մարզերի որոշ հասցեներում մի քանի ժամ լույս չի լինի Պաշտպանության մասին աղմկահարույց օրենքն արտահերթ նիստով արագ կընդունվի. «Հրապարակ» Իշխան Սաղաթելյանը մեկնել է Եվրոպա. նա բարձր մակարդակի 10-ից ավելի հանդիպում է ունենալու «Հրապարակ» «Ի պաշտպանություն ՀՀ Սահմանադրության»․ այսօր, ժամը 11։00-ին երթ է լինելու Հայաստանը նշում է Սահմանադրության օրը Մի շարք համայնքներում կդադարեցվի ջրամատակարարումը Հայաստանում երկրաշարժ է տեղի ունեցել Ինչպիսի եղանակ է սպասվում Հայաստանում Դոլարի, եվրոյի և ռուբլու փոխարժեքը՝ հայաստանյան բանկերում Ահազանգեր են ստացվել, որ Ռուսաստանի և Չինաստանի դեսպանատներում ռումբեր են տեղադրված ԱԱԾ բացահայտած «դավաճանական գործակալական ցանցի» 2-րդ կալանավորված զինծառայողն է ազատ արձակվել «3+3» ձևաչափով հաջորդ հանդիպումը տեղի կունենա Իրանում․ Բայրամով Կոտայքի մարզում 8-ամյա տղան պատահական կրակոցից մարմնական վնասվածք է ստացել Իշխանությունը չունի սոցիալական հենարան, բայց սա մեխանիկորեն չի ենթադրում ընդդիմության հաջողություն Գեղարքունիքում 44-ամյա վարորդը վրաերթի է ենթարկել հորեղբոր 13-ամյա թոռանը. վերջինս մահացել է ՈւՂԻՂ. Ակցիա Բաղրամյան-Դեմիրճյան խաչմերուկում Որոշել եմ վայր դնել պատգամավորի մանդատս․ Արթուր Ղազինյան Արցախի լինել-չլինելու հարցն է դրված, կառուցվող նոր ճանապարհը շատ մեծ վտանգներ է պարունակում Բրիտանական զինված ուժերը թուլացել են Ուկրաինային զենք մատակարարելու պատճառով Զոհվածների մեջ որդուն փնտրող հայրը նրան ողջ է գտել Երևանում 50 Cent-ին մատանի են նվիրել, ինչ է խորհրդանշում այն Կիևը բալիստիկ հրթիռներով հարվածել է ՌԴ Բելգորոդի և Կուրսկի բնակելի թաղամասերին Երբ կվճարվի հուլիս ամսվա կենսաթոշակը Դոլարի, եվրոյի և ռուբլու փոխարժեքը՝ տարադրամի փոխանակման կետերում Ինչպիսի եղանակ է սպասվում Հայաստանում Նիկոլի իշխանության կողմից հալածվելը պատիվ է. Իշխան Սաղաթելյան Հուլիսի 4-ին Երևանի և 7 մարզերի որոշ հասցեներում մի քանի ժամ լույս չի լինի Ինչպիսի եղանակ է սպասվում Հայաստանում Իրանում 9 բալ ուժգնությամբ երկրաշարժ է եղել․ կան զոհեր Երևանում հետխորհրդային շրջանում առաջին անգամ կառուցվել է տրոլեյբուսային երթուղու նոր ուղեհատված «Ես կվերադառնամ»․ 50 Cent-ը Երևանից լուսանկար է հրապարակել
Խմբագրի ընտրություն
website by Sargssyan