AM | RU
USD
EUR
RUB

Ինչո՞ւ են menu.am-ն ու gg-ն ապագայի կազմակերպություններ, իսկ ВТБ բանկը` անցյալի

 

Սոցիալական ցանցերը ձևավորել են մի իրականություն, որտեղ ամեն օգտատեր կարող է ազդել հարյուրավոր ու հազարավոր մարդկանց կարծիքի վրա: Իսկ սոցիալական ցանցերում ծրագրավորված գործելու դեպքում հնարավոր է հասնել այնպիսի լսարանի, որպիսին չունեն ավանդական լրատվամիջոցները:

Բիզնեսների դեպքում սոցիալական ցանցերը նոր իրականություն են ձևավորել, որտեղ հաճախորդի կարծիքը հաշվի չառնելը, հաճախորդին վատ սպասարկելը կամ մանիպուլացնելը կործանարար ազդեցություն կարող է ունենալ:

Արդյունքում ժամանակակից ընկերությունները «ստիպված» են լսել հաճախորդին, հաշվի առնել նրանց պահանջներն ու դժգոհությունները:

Այսպիսով սոցիալական ցանցերը բիզնեսի համար ստանձնել են յուրահատուկ ֆիլտրի կարգավիճակ։ Ֆիլտրեր, որտեղով անցնելիս ընկերությունները կամ պետք է լսեն հաճախորդի կարծիքը, կատարելագործվեն ու զարգանան կամ էլ աշխատելով նախկին սկզբունքներով` սննկանան:

Մի քանի օրինակ հայկական իրականությունից

ВТБ բանկ

Վերջերս հայտնաբերեցի, որ ВТБ բանկը ապառիկներ տրամադրելուց մոլորեցնում է հաճախորդներին, նշելով տարեկան տոկոսադրույքի մասին, բայց չմանրամասնելով, թե փաստացի տոկոսադրույքն ինչքան է ավել նշված տոկոսադրույքից: Եթե ապառիկի տարեկան տոկոսադրույքը 22 տոկոս է, ապա փաստացիով վերածվում է 30, 40 կամ 60 տոկոսի: Փաստացի տոկոսադրույքը վերցնում են այլ «պահանջվող» ծախսերի միջոցով: Օրինակ, գանձում են սպասարկման ծախս, որն ավելի մեծ է ստացվում, քան տոկոսադրույքն ու մայր գումարը: Իմ հետ խոսելիս ընկերության վարկային մասնագետը ավել գումար վերցնելը հիմնավորեց այն փաստով, որ օրենքը չի թույլատրում 24 տոկոսից ավել վարկ տրամադրել, այդ պատճառով իրենք «այլ ճանապարհներով» են ստանում այդ գումարը:

Շատ չկենտրոնանալով ВТБ բանկի մանիպուլացիոն քաղաքականության վրա՝ նշեմ, որ իմ հետ կապված դեպքի մասին գրեցի իմ ֆեյսբուքյան էջում, ինչի արդյունքում գրառումս տարածեցին ևս մոտ 150 օգտատերեր, թեմային անդրադարձան նաև մի քանի էլեկտրոնային լրատվամիջոցներ ու մեկ հեռուստաընկերություն:

Արդյունքում ВТБ բանկից իմ գրառման տակ պաշտոնական ոչ մի պատասխան չհնչեց, և միայն մի քանի օրից զանգեցին և եկան հանդիպման: Հանդիպման ընթացքում շատ բարեհամբյուր ձևով փորձեցին պնդել, որ «թակարդ ընկնողն է մեղավոր, ոչ թե թակարդ դնողը»: Չհնչեց ոչ մի ներեղություն, ոչ մի խոսք փոխհատուցման մասին, իսկ խնդրահարույց ապառիկի պայմանագիրը, չնայած խոստումներին, այդպես էլ չցուցադրեցին:

menu.am ու gg

menu.am-ում կա մի սկզբունք, ըստ որի ցանկացած դժգոհ հաճախորդից անհրաժեշտ է ներողություն խնդրել ու փոխհատուցում տրամադրել, անկախ նրանից, թե դժգոհ հաճախորդի բողոքն օբյեկտիվ է, թե ոչ, մեղավորը menu.am-ն է, թե՞ մատակարար ընկերությունը: Արդյունքում փոխհատուցում են ստանում բոլորը, ով որևէ պատճառով դժգոհել է menu.am-ից կամ մատակարարներից ու իր դժգոհությունը հասցրել է ընկերությանը:

Մի քանի օր առաջ menu.am-ի հաճախորդներից մեկը Ֆեյսբուքի իր էջում դժգոհել էր, որ menu.am-ը պատվերը կատարելու համար իրենից անձնական տվյալներ էր պահանջել: Չնայած անձնական տվյալներ պահանջելը ոչ թե menu.am-ի, այլ մատակարար կազմակերպության պահանջն էր, իսկ menu.am-ը զուտ միջնորդ էր հանդիսանում` menu.am-ի համահիմնադիր Վահան Քերոբյանն անձամբ մեկնաբանել էր հաճախորդի գրառումն ու ներողություն էր խնդրել, ինչպես նաև փոխհատուցում էր առաջարկել:
Արդյունքում դժգոհ հաճախորդը շնորհակալություն հայտնեց ուշադրության համար ու հրաժարվեց փոխհատուցումից:

Նման պրակտիկա կա նաև gg-ում, որտեղ փոխհատուցում է տրվում բոլոր դժգոհ հաճախորդներին, անկախ նրանից, որ մեղավորը gg-ի գործընկեր վարորդներն են, թե՞ gg-ն: Բացի այդ gg-ի հիմնադիրներն ու մենեջերները ժամանակ առ ժամանակ անդրադառնում են բոլոր խնդրահարույց իրավիճակներին կամ տեսանյութերով կամ էլ մեկնաբանություններով:

Հիմա ես շարունակում եմ պատմել ВТБ բանկի հետ իմ շփման փորձի մասին գրեթե բոլոր սեմինարների ու հանդիպումների ժամանակ: Իսկ իմ սեմինարներին ամեն ամիս մասնակցում են 100-150 գործարար ու մարքեթինգի պատասխանատու: Հիմա կարող եք ասել, բայց դա ոչ մի նշանակություն չունի, քանի որ ВТБ-ն շարունակում է շահույթ ստանալ ու զարգանալ: Այո, համամիտ եմ, նրանք շարունակում են իրենց գործունեությունը, բայց դա զուտ իներցիայի ու որոշակի լծակների հաշվին: Իներցիայի ուժը ժամանակի ընթացքում կթուլանա, քանի որ բիզնես աշխարհն արդեն փոխվել է և դա իրենց կաշվի վրա զգում են արդեն բոլոր ընկերությունները:

Հիշեցնեմ, որ menu.am-ը հիմնադրվել է մոտ 3 տարի առաջ ու հիմա արդեն դարձել է ոլորտի առաջատար ինչպես Հայաստանում, այնպես էլ Վրաստանում, ստացել է հարյուրավոր հազար դոլարների ներդրում, պատրաստվում է մտնել իրանական ու բելառուսական շուկա և այլն: gg-ն հիմնադրվել է մոտ 1,8 տարի առաջ, հիմա արդեն ՀՀ-ում ոլորտի առաջատարն է, գործում է ինչպես Երևանում, այնպես էլ ՀՀ մարզերում ու Թբիլիսիում և պատրաստվում է մտնել իրանական շուկա:

Վահրամ ՄԻՐԱՔՅԱՆ
Չոր մարքեթինգ կուրսի հիմնադիր

 

Լրահոս
Ահաբեկիչները տեսանյութերում նշում են, որ շարունակելու են ահաբեկչական գործողությունները այլ երկրներում ևս. Արման Թաթոյան ՊԲ-ն հրապարակել է ևս 43 զոհի անուն Իրանի տարածքում անօդաչու է ընկել. IRNA Որ դեպքում Մոսկվան կկարողանա հակաահաբեկչական գործողություն իրականացնել ԼՂ-ում Բաքվի բռնապետը Իրանի ներսում ստեղծել է հակաիրանական և հակահայկական ուղղվածության պանթյուրքական խմբեր. Ոսկանյան Ակցիա՝ ԵՄ դեսպանատան առջև՝ Արցախի ճանաչման պահանջով «Ադրբեջանն Էրդողանի աշխարհաքաղաքական հավակնությունների համար դառնում է ուրիշի շահերի սպասարկման գործիք»․ ռուս ռազմական փորձագետ Հայոց սահմանը պահող նորօրյա հերոսները Դաշնակցության համար շարունակում է անընդունելի մնալ տարածքներ խաղաղության դիմաց բանաձևը. ՀՅԴ «Իրանը չի ընդունում ահաբեկիչների ոճով մարդկանց գլխատումը»․ Իրանի ԱԳՆ Հայաստանում հաստատվել է կորոնավիրուսով վարակվելու 1234 դեպք «ԼՂ-ում պատերազմ չէ, այլ հայ ազգի վերացում». ռուս պատգամավոր Հյուսիսային թևում հակառակորդը կիրառում է ավիացիա և հրետանի. ՊՆ խոսնակ Արցախի ՊԲ-ն խոցել է թուրքական արտադրության Bayraktar TB2 տեսակի ԱԹՍ․ ՏԵՍԱՆՅՈՒԹ Արցախա-ադրբեջանական հակամարտության գոտում իրադրությունը եղել է հարաբերական կայուն-լարված Ֆրանսիայի Վիեն քաղաքը ճանաչել է Արցախի Հանրապետությունը. «Դիզակ թերթ» Ադրբեջանում թալիշների և լեզգիների դեմ նախատեսվում են լայնածավալ պատժիչ գործողություններ․ Talyshistan Times «Իրատես». Համացանցում ավելացել են ադրբեջանական քարոզչական նյութերը «Փաստ»․ Հասարակության համախմբումն ու ռեսուրսների արդյունավետ կիրառումն առաջնային նշանակություն ունեն «Ժողովուրդ»․ Ալիևին աջակցում են Էրդողանի ջիհադիստ դաշնակիցները Սիրիայից․ Եվրախորհրդարանում Շվեդիայի ներկայացուցիչ «Հրապարակ». Զոհրաբ Մնացականյանն ԱՄՆ-ում հնարավոր է եռակողմ հանդիպում ունենա «Հրապարակ». Ռազմական դրությամբ պայմանավորված՝ հարկային արտոնություն կսահմանվի «Փաստ». Ինչ ներքին հարցեր է փորձում լուծել Ալիևը «Փաստ». Թուրքիայի նկատմամբ տնտեսական բոյկոտը նոր ծավալներ կստանա Արցախի ՊԲ-ն ծանր մարտեր է մղում հարավային ուղղությամբ` Իշխանաձորի հատվածում. Արցախի նախագահի մամուլի խոսնակ ՕՐՎԱ ԽՈՐՀՈՒՐԴԸ: Հոկտեմբերի 20 Հայաստանի և Արցախի ԱԳ նախարարները դեսպաններին են ներկայացրել Արցախի դեմ Ադրբեջանի ագրեսիայի հետևանքները (տեսանյութ) ԱՄՆ պետքարտուղարը Վաշինգտոնում առանձին հանդիպումներ կունենա Հայաստանի և Ադրբեջանի ԱԳ նախարարների հետ Հակառակորդի հենակետերի և շարասյան ոչնչացումը (Տեսանյութ) Մենք հայ ժողովրդի կողքին ենք, որի հետ կիսում ենք եվրոպական և քրիստոնեական ինքնությունը. «Առաջ Իտալիա» խմբակցության ղեկավար Քննարկել ենք Արցախում տիրող իրավիճակը. Շարմազանով Նիկոլ Փաշինյանը կրկին հանդիպում է արտախորհրդարանական ուժերի հետ Փաշինյանն ու Ալիևը պատրաստակամություն են հայտնել հանդիպել Մոսկվայում Տեղի է ունեցել ՀՀ Անվտանգության խորհրդի արտահերթ նիստ Հոկտեմբերի 17-ին Մարտունիում հրթիռակոծության հետևանքով մեկ քաղաքացի է սպանվել. ՄԻՊ Իրանի պաշտպանության նախարարը հայտարարել է ՌԴ-ի հետ իրանական օդուժի զարգացման համաձայնագրի մասին «Իրական գազաններ». Ովքե՞ր են Lեռնային Ղարաբաղի դեմ կռվող վարձկանները Ոչնչացվել է ադրբեջանական ծանր հրետանու բրիգադի շտաբի պետը Մնացականյանը ֆրանսիացի գործընկերոջը տեղեկացրել է՝ Ադրբեջանը շարունակում է լայնամասշտաբ ռազմական ագրեսիան Հունական բանակը պատրաստ է Միջերկրական ծովի արևելյան հատվածում դիմակայել Թուրքիայի ցանկացած «սադրանքի»․ լրատվամիջոցներ
Խմբագրի ընտրություն
website by Sargssyan