Պանաման միջազգային օգնությամբ օֆշորների մասին տեղեկությունների հետաքննություն կսկսի
Նմանատիպ
Պանամայի իշխանությունները միջազգային օգնության կդիմեն երկրի տարածքում գործող օֆշորային ընկերությունների վերաբերյալ աշխարհի զանգվածային լրատվամիջոցներում հրապարակված տեղեկությունների առնչությամբ հետաքննություն անցկացնելիս: Այս մասին, ինչպես տեղեկացնում Է «Արմենպրես»-ը, ասված Է ե րկրի գլխավոր դատախազության հայտարարության մեջ, որը հրապարակվել Է ապրիլի 4-ի երեկոյան (Երեւանի ժամանակով ապրիլի 5-ի առավոտյան):
«Արդարադատության նախարարության գլխավոր դատախազությունն ընդգծում Է իր կողմնակցությունը փոխադարձ իրավաբանական օգնության պայմանագրերի եւ համաձայնագրերի կատարմանը եւ կկատարի բոլոր անհրաժեշտ պահանջները միջազգային համագործակցության համար, որպեսզի տեղեկատվություն ստանա այլ իրավասություններից»,-հաղորդված Է փաստաթղթում:
Գերատեսչությունում նշել են հրապարակված տեղեկատվության «աննախադեպ ծավալն ու բարդությունը» եւ ընդգծել, որ «գործի կդնեն բոլոր միջոցները» հետաքննության անցկացման համար: Լրագրողական հետաքննությունների միջազգային կոնսորցիումը (ICIJ), որը գտնվում Է Վաշինգտոնում, հրապարակել Է 11,5 միլիոն փաստաթղթեր աշխարհի գործող եւ նախկին ղեկավարների օֆշորային հաշիվների մասին տվյալներով:
Հրապարակումները հիմնված են Պանամայի Mossack Fonseca ընկերությունից տեղեկատվության արտահոսի վրա, որն իրավաբանական օժանդակություն Է ցույց տալիս օֆշորներում ընկերությունների գրանցման հարցում, հաղորդել Է ՏԱՍՍ-ը:
Հետևեք մեզ նաև Telegram-ում