Վրաստանը փորձում է ՌԴ-ի հետ հարաբերությունները դուրս բերել փակուղուց. Կվիրիկաշվիլի

Վրաստանը փորձում է ՌԴ-ի հետ հարաբերությունները դուրս բերել փակուղուց. Կվիրիկաշվիլի

Վրաստանի իշխանությունները պրագմատիկ քաղաքականություն են վարում, որպեսզի Ռուսաստանի հետ կարգավորեն հարաբերությունները առեւտրական, հումանիտար եւ մյուս ոլորտներում: Այդ մասին, ինչպես տեղեկացնում է «Արմենպրես»-ը, ասել է վարչապետ Գեորգի Կվիրիկաշվիլին՝ Ստրասբուրգում ելույթ ունենալով Եվրոպայի խորհրդի խորհրդարանական վեհաժողովի նիստում:

«Մենք փորձում ենք ռուս-վրացական հարաբերությունների փակուղուց դուրս գալ պրագմատիկ քաղաքականություն իրականացնելու միջոցով»,- ասել է Կվիրիկաշվիլին, որի ելույթը հեռարձակել է Վրաստանի Հանրային հեռարձակողի Առաջին ալիքը:

Նա նաեւ կարեւորել է Վրաստանի տարածքային ամբողջականության խնդրի լուծումը:

Հետևեք մեզ նաև Telegram-ում