Ադրրբեջանը, Վրաստանը եւ Թուրքիան որոշել են միասին ապահովել նավթային խողովակաշարերի անվտանգությունը
Նմանատիպ
Ադրբեջանը, Թուրքիան եւ Վրաստանը պայմանվորվել են համատեղ ապահովել նավթագազախողովակաշարերի անվտանգությունը:
Այս մասին, ինչպես հաղորդում է «Արմենպրես»-ը, ադրբեջանական Գաբալա (Կուտկաշեն) քաղաքում երեք երկրների պաշտպանության նախարարների միջեւ երեկ տեղի ունեցած հանդիպման արդյունքներով հայտարարել է Թուրքիայի ՊՆ ղեկավար Իսմեթ Յըլմազը:
«Երեք երկրների նախարարները քննարկել են նավթային եւ գազային խողովակաշարերի անվտանգությունը համատեղ ապահովելու հարցը եւ դրա մասին համաձայնություն է ձեռք բերվել», -ասել է Յըլմազը հանդիպումից հետո կազմակերպված մամուլի ասուլիսում:
Գաբալայում մայիսի 15-ին անցկացված արդեն 4-րդ հանդիպման ժամանակ Վրաստանի, Ադրբեջանի եւ Թուրքիայի ՊՆ ղեկավարները հայտարարել են, որ մտադիր են խորացնել պաշտպանության ոլորտում եռակողմ համագործակցությունը:
Երեք երկրների ԶՈւ մարտունակությունը մեծացնելու համար նպատակահարմար է ճանաչվել համատեղ զինավարժանքների անցկացումը, ռազմական կրթության ոլորտում համագործակցության կազմակերպումը, կիբեռանվտանգության ոլորտում կապերի զարգացումը:
Հետևեք մեզ նաև Telegram-ում