AM | RU
USD
EUR
RUB

«Կալաշնիկով»-ի վստահելի գործընկերն ու փամփուշտների արտադրության մեջ մրցակից չունեցողը. «Ասպար Արմս»-ը 10 տարեկան (լուսանկարներ)

 

  Տարածաշրջանում փամփուշտների արտադրության մասով մրցակից չունեն 

«Ասպար Արմս»-ը 10 տարեկան է,  ԼՂՀ փոխվարչապետ Արթուր Աղաբեկյանը շատ լավ է հիշում ընկերության «ծննդոցը», ինքն այդ ժամանակ  ՀՀ պաշտպանության փոխնախարար էր. 

«Հիշում եմ 2005 թվականը, երբ Արամը՝ իմ լավ ընկերը, եկավ իմ կաբինետ իր ընկերոջ Վահեի հետ և առաջարկեց, թե հաշվի առնելով, որ ԶՈՒ-ում եղած զենքը մաշված է, արցախյան պատերազմ անցած, իրենք ի վիճակի են կազմակերպել դրանց վերանորոգում-արտադրությունը՝ շուկա հանելու որպես հուշանվեր:  Ես շատ ոգևորվեցի և ասեցի՝ դիմեք, դա կքննարկենք պաշտպանության նախարարությունում: Երկու էջի  վրա ձևակերպեցին իրենց մտահղացումը, նախարարությունում  դրեցինք շրջանառության և ամեն տեղ մերժում ստացանք, թե նպատակահարմար չէ: Հետո այնպես ստացվեց, որ Հայաստան այցելեցին ՌԴ պաշտանության ներկայացուցիչներ  և փոխնախարարների համար որպես հուշանվեր բերեցին մեկական ՊՊՇ տիպի ավտոմատ՝ երկրորդ հայրենականին մասնակցած: Ես դա ցույց տվեցի և ասեցի՝ տեսեք ՌԴ-ում այդ գաղափարը վաղուց աշխատում է, բայց նորից մերժվեց:  Եվ տղաները որոշեցին այդ գաղափարն ինքնուրույն իրականացնել. սկզբում բացվեց հրաձգարան՝ խորհրդային տարիներին պոլիտեխնիկի հրաձգարանի բազայի վրա: Տասը տարի առաջ բացմանը, որը մայիսի 28-ին էր, ոչինչ չունեին ցուցադրելու և տղաներն ամեն մեկը տնից իր զենքը բերեց, ես էլ պաշտպանության նախարարից  ստացած իմ զենքը, որ ցուցադրենք, թե խանութն ու ու հրաձգարանն արդեն բաց են: Հետագայում «Ասպար Արմս»-ը մեծ դեր վերցրեց իր վրա, թե ուսուցման առումով, թե կարևորագույն նշանակության ռազմավարական խնդիրների լուծման՝ ՀՀ-ում և Արցախում: Արցախում տղաները հիմնադրել են  «Հայդուկ» հրաձգային ակումբը, որն իր խոսքն ասել է Արցախում: Միշտ հորդորել եմ տղերքին, որ տղա երեխաները փոքր ժամանակ խաղալիքներից նախընտրում են զենքը, բայց հետո մեծանում են և կորում է զենքի նկատմամբ նրանց հետաքրքրությունը: «Ասպար Արմս»-ը կարողացավ  սեր, ճիշտ վարվելակերպ ներարկել զենքի հանդեպ: Հրաձգարանում գրանցված են հազարավոր երիտասարդներ, որոնք գալիս են մրցումների, ստանում նոր գիտելիքներ և որպես պրոֆեսիոնալներ ծառայում»:

/disc/04-06-16/6b4513cbaa0121e5d38669ab6c876aa3.jpg

«Ասպար Արմս»-ի տնօրեն Սամվել Մարգարյանն իրենց տասնամյա ձեռքբերումներից առանձնացնում է ընկերության հանդեպ  հաճախորդների վստահությունը, երկրորդ՝ ՀՀ պաշտպանության նախարարության հետ համագործակցությունը, որն արդեն երկար տարիներ է, երրորդ՝ հանդիսանում է Ռուսաստանի Դաշնության «Կալաշնիկով» կոնցեռնի ներկայացուցիչը, նաև՝ տարածաշրջանային սպասարկման կենտրոնն է այստեղ: Ի դեպ, «Կալաշնիկով» կոնցեռնում  ««Ասպար Արմս»-ին համարում են  վստահելի գործընկեր:

/disc/04-06-16/7afd724000c5338faab466fa2fb30ad1.jpg

Ավելին՝ «Ասպար Արմս»-ը տարածաշրջանում փամփուշտների արտադրության մասով մրցակից չունի.«Դրանք շատ ճշգրիտ են, ինչը հնարավոր  է եղել ստանալ մեր վարպետների մասնագիտական կարողությունների շնորհիվ: Մեր փամփուշտներն ունեն դրսից գնորդներ, կարևոր երկրներ են, բայց չենք գաղտնազերծի նրանց հիմա: 10-ը տարի առաջ այստեղ անմխիթար վիճակ էր, բայց փոքր տեսականուց սկսեցինք և այսօր աճել, դարձել ենք այն, ինչ կանք: Ինչպես նշվեց՝ կարողացել ենք պետության կողմից ստանալ տարբեր տիպի լիցենզիաներ՝ մարտական և քաղաքացիական զենքերի արտադրության համար:  Առաջիկայում աշխատելու ենք ավելի եռանդուն, կլինեն նորություններ»:

Հիշեցնենք, որ 2015-ին ՀՀ կառավարությունը հինգ տարով երկարաձգեց «Ասպար Արմս» ՍՊԸ-ին տրված մարտական զենքի արտադրության լիցենզիայի գործողության ժամկետը: 2012 թվականից մինչ նախորդ տարի ընկերությունն ըստ պաշտոնական տվյալների, կատարել է մարտական զենքի արտադրության 83 մլն 500 հազ. դրամի պայմանագրային աշխատանքներ:

«Ասպար Արմս»-ի տասնամյակին նվիրված արարողությանը, որին ներկա էին ՀՀ բարձրաստիճան պաշտոնյաներ, ընկերության բարեկամ, ընկեր  Հանրային ռադիոյի գործադիր տնօրեն Արման Սաղաթելյանը նկատում է՝ տասը տարի առաջ ասված մեր բոլոր մաղթանքները 100 տոկոսով իրականացել են:

««Ասպար Արմս»-ի հիմնական նվաճումը ես կբաժանեմ երկու մասի՝ տղաների շնորհիվ մենք ոչ միայն չենք զիջում աշխարհում հայտնի արտադրություններին, այլև առաջ ենք, թեպետ ունենք նվազ ռեսուրսներ, տնտեսական սահմանափակ հնարավորություններ: Այսօր կա ապացույց, որ ի վիճակի ենք արտադրել որակյալ և էժան զենք ՀՀ ԶՈՒ-ի համար, երկրորդ՝ ստեղծվել է միջավայր է, որպեսզի ընդհանուր անցյալ, նույն արժեհամակարգ ունեցողները, պատերազմով  անցածները շփվեն իրար հետ, ճանաչեն»,-շեշտում է Սաղաթելյանը:

Հոբելյանական հավաքին ընկերության ձեռքբերումների առարկայական ապացույցներն էին ներկայացված:

/disc/04-06-16/c5564c8d6ca564f62fba81d1e889f784.jpg

/disc/04-06-16/7cf195ffeb1eff373ead2e5df045dcc3.jpg

«Ասպար Արմսում» գործում են զենքի վերանորոգման, արդիականացման, գեղարվեստական ձևավորման արտադրամասեր, որտեղ աշխատում են լավագույն զինագործ վարպետները։

/disc/04-06-16/9ca688d95c5cf6c03d2dc89600595950.jpg

Զենք գնած հաճախորդի ցանկության դեպքում տեղի վարպետները կարող են զենքի վրա տեղադրել օպտիկական նշանոց, անհրաժեշտության դեպքում փոխել խզակոթը, լույս տեղադրել և այլ տարատեսակ ծառայություններ մատուցել։

/disc/04-06-16/d98e37f1b38e9fe2b3def73203c25b99.jpg

Հայաստանում լավագույն զինագործը համարվող  Ռուբեն Մինասյանը թվարկում է իր ձեռքի տակով անցած զինատեսակները և վստահեցնում՝ ՀՀ ՊՆ-ի բոլոր պատվերները կարողանում են կատարել, օրինակ՝ անձայն զենքեր, որոնք 300 մ հեռավորությամբ ճշգրիտ կրակում են:

/disc/04-06-16/966235111f308a8d6139d3350210f8d8.jpg

Վարպետն ասում է, որ հրազենի մեջ նորություն հնարավոր չէ անել՝ գիշերային սարք, նշանոցներ, լավ փամփուշտներ: Ի դեպ, նշանոցներն այստեղ չեն արտադրվում. «Արտադրվում են խլացուցիչները,  փողերն է փոխվում, պոչերը: Ինչ վերաբերում է, թե որքանով են զենքերն այնուհետ կատարում իրենց խնդիրը, ասեմ՝ եթե խնդիրը դրած է դիվերսիոն խմբերի համար՝ անձայն,  գիշերային սարք, որը թույլ է տալիս գիշերն աշխատել, ապա 80 տոկոսով»:

Նշենք, որ քաղաքացիական և ծառայողական զենքերի ներկրմամբ, վաճառքով, ինչպես նաև հայրենական զենքի արտադրությամբ զբաղվող «Ասպար Արմս» ՍՊԸ -ն հիմնադրվելուց կարճ ժամանակ անց ձեռք է բերել զենքերի արտադրությամբ զբաղվող աշխարհահռչակ զինագործական ընկերությունների` Ֆաբարմ Իտալիա, Վերնեյ Կարոն Ֆրանսիա, Բերետա Գրուպպ, որի մեջ ընդգրկված են զենքերի արտադրությամբ զբաղվող մոտ մեկ տասնյակ հանրահայտ ընկերություններ, միակ պաշտոնական ներկայացուցիչը լինելու վստահությունը ողջ տարածաշրջանում։

Անդրադառնալով օրվա առիթին, հավելենք, որ այն նշանավորվել է նաև Արցախի եւ Հայաստանի ուժային կառույցների  միջև հրաձգության մրցումներով: Թիմային մրցման արդյունքներով առաջին տեղում ՀՀ ԱԱԾ-ի թիմն էր, երկրորդը՝ ՀՀ ՊՊԾ-ի, երրորդը՝ ԼՂՀ ԱԱԾ-ի: Կազմակերպվեց նաև անհատական մրցություն, իսկ հաղթողները հանդիսավորությամբ պարգևատրվեցին ռազմական հուշանվերներով: 

 /disc/04-06-16/d0da3040b9a8f9e734098094fe97a2e6.jpg

/disc/04-06-16/cadd242dea45465bf96800a69d86a522.jpg

/disc/04-06-16/7f1b8939e68665ac322ed9be82864e1a.jpg

 /disc/04-06-16/b74a97adfc1f6528d52fb46773ad6441.jpg

Լրահոս
Թուրք զինվորալկաններն Իդլիբում հրետակոծում են սիրիական և ռուսական ինքնաթիռները (տեսանյութ) Մարտի 1-ը քաղաքական խաղաքարտ է Նիկոլ Փաշինյանի իշխանության ձեռքին, որն անընդհատ շահարկվում է․ Նարեկ Սամսոնյան (տեսանյութ) Ո՞ւմ դրոշը ծածանվեց Ռեյխսթագի վրա, որևէ մեկը դա չի մոռանա․ Վլադիմիր Պուտին Հայաստանում մահացած քաղաքացու՝ կորոնավիրուսով վարակված լինելու հանգամանքը հերքվել է Կորոնավիրուսից մահացել է Վատիկանում Իրանի նախկին դեսպանը Երևանի փոքր կենտրոնում գործում է նոր և գերժամանակակից ավտոկայանատեղի 7 մարդ ովքեր մեր բոլորի պետությունը վեր դասեցին փողից ու ցմահ թոշակի գայթակղիչ առաջարկից Երանի նրան, ով հիշատակ ունի Սուրբ Էջմիածնում ՍԴ դատավորներից որեւէ մեկը վաղ կենսաթոշակի անցնելու դիմում չներկայացրեց Իրանի փոխնախագահի մոտ կորոնավիրուս է ախտորոշվել Վարչապետ Նիկոլ Փաշինյանն ընդունել է Վրաստանի պաշտպանության նախարարին Հռոմի պապը հիվանդացել է նախօրեին կորոնավիրուսով մարդկանց աջակցություն հայտնելուց հետո. ԼՈՒՍԱՆԿԱՐՆԵՐ «Կորոնան» ադրբեջանում ծաղկունք է ապրում. 100 մահ կա՞ Իտալիայում կորոնավիրուսից մահացածների թիվը հասել է 14-ի Դավիթ Տոնոյանն առանձնազրուց է ունեցել Վրաստանի պաշտպանության նախարարի հետ Քո ապրած գործը դեռ երկար է ծառայելու սերունդներին՝ ապրեցնելով քեզ… ԱԳ նախարարը ջանասիրաբար «դզում ու փչում» է Փաշինյանի հետևից. Արմեն Աշոտյան ԲԴԽ-ն վերականգնեց դատավոր Արայիկ Մելքումյանի լիազորությունները, նա ընդգրկվեց դատավորների ռեզերվում Բակո Սահակյանը կորոնավիրուսի տարածման կանխարգելմանն ուղղված աշխատանքների շուրջ խորհրդակցություն է հրավիրել Մահացել է հուշարձանագետ Սամվել Կարապետյանը Թուրքիան դադարեցրել է օդային հաղորդակցությունը Նախիջևանի հետ Վերականգնվել է Մարտիրոս Սարյանի «Կոստանդնուպոլսի շները» կտավը «Աստղիկ» ԲԿ-ում երկկողմանի թոքաբորբով մահացածն Իրանի քաղաքացի չէ. կորոնավիրուսը 90 տոկոսով չի հաստատվի. տնօրեն Վերմիշյանն ազատվեց պաշտոնից ՀԾԿՀ-ն 10 մլն դրամով կտուգանի «Վեոլիա Ջուր» ընկերությանը «Գրիգոր Լուսավորիչ» ԲԿ-ում լարված իրավիճակ է, աշխատակցիներին ստիպում են ազատման դիմումներ գրել. Տեսանյութ Մենք շահագրգռված ենք, որ ՀՀ-ում լինի կայունություն, հասարակական կոնսենսուս. ՌԴ դեսպանը՝ Ռ. Քոչարյանի, Ս. Սարգսյանի, Հ. Թովմասյանի գործերի մասին «Հարգանք ունեցեք ընդդիմադիր գործունեության նկատմամբ». պատգամավորը վարչապետին հիշեցրել է անցյալը Մեծ Այրումում արտակարգ իրավիճակ է.բնակիչները փակել են պոչամբար տանող ճանապարհը (լուսանկարներ) ԼՀԿ-ն դատական հայց է ներկայացրել ընդդեմ Լևոն Զուրաբյանի Փայտանյութի արտահանումը ԵԱՏՄ անդամ չհանդիսացող պետություններ կարգելվի Վաղ կենսաթոշակի մասին օրենքից մինչև հանրաքվե Ներխուժում ենք խոսքի ազատության սահմանափակումների աննախադեպ փուլ. Երվանդ Վարոսյան Ջրհեղեղ և 5,9 մագնիտուդով երկրաշարժ Ինդոնեզիայում. կան զոհեր, հազարավոր բնակիչներ լքել են իրենց տները. Լուսանկարներ Ճանապարհային երթևեկության հիմնախնդիրները և դրանց լուծման ուղիները խորագրով ԱԺ լսումները. Ուղիղ Անպատժելիության մթնոլորտը շարունակում է մնալ նաև հեղափոխությունից հետո. Նինա Կարապետյանց «ՁԻԱՀ կանխարգելման կենտրոնի» աշխատակիցները պահանջում են կասեցնել կենտրոնը «Նորք» ինֆեկցիոն հիվանդանոցին միացնելու որոշումը Վահագն Վերմիշյանն ազատվեց Քաղաքաշինության կոմիտեի նախագահի պաշտոնից Եթե մի բան չեմ արել, հո չեմ սպասելու դատվելուն, 5 ամիս է՝ չեմ կարողանում պարզել, թե ով է իմ դեմ ցուցմունք տվել. Ալիկ Սարգսյան Կառավարության նիստը՝ ուղիղ. օրակարգում է նաև Վահագն Վերմիշյանին Քաղաքաշինության կոմիտեի նախագահի պաշտոնից ազատելու հարցը
Խմբագրի ընտրություն
website by Sargssyan