Վրաստանը եւ ՌԴ-ն հավաստեցին հարաբերությունների բարելավումը շարունակելու պատրաստակամությունը
Նմանատիպ
Վրաստանը եւ Ռուսաստանը Պրահայում կայացած խորհրդակցությունում հավաստել են երկկողմ հարաբերությունների հետագա նորմալացմանն ուղղված պրագմատիկ քաղաքականությունը շարունակելու պատրաստակամությունը: Այդ մասին, ինչպես տեղեկացնում Է «Արմենպրես»-ը, ասված Է ՌԴ ԱԳ փոխնախարար Գրիգորի Կարասինի եւ Վրաստանի վարչապետի հատուկ ներկայացուցիչ Զուրաբ Աբաշիձեի հանդիպման արդյունքների վերաբերյալ Ռուսաստանի ԱԳՆ-ի մեկնաբանության մեջ:
Կարասինի եւ Աբաշիձեի հերթական աշխատանքային հանդիպումը դեկտեմբերի 19-ին տեղի Է ունեցել Չեխիայի մայրաքաղաքում:
«Ընդգծվել Է, որ վերջերս Ռուսաստանում եւ Վրաստանում անցկացված խորհրդարանական ընտրություններից հետո երկու կողմերը շահագրգռված են շարունակելու երկխոսությունը ռուս-վրացական կապերի ակտիվացման կոնկրետ հարցերի շուրջ այն բնագավառներում, որտեղ դիվանագիտական հարաբերությունների բացակայության պայմաններում հնարավոր Է առաջընթաց ապահովել, ներառյալ առեւտուրը, տրանսպորտը, մշակութային-հումանիտար ոլորտը»,-ասված Է ՌԴ ԱԳ նախարարության հաղորդագրության մեջ:
Ընդհանուր առմամբ նախարարությունում նշել են, որ «վերջին չորս տարում երկկողմ հարաբերությունների նորմալացման ուղղությամբ ձեռք բերված արդյունքները լավատեսություն են ներշնչում», հաղորդել Է ՌԻԱ Նովոստին:
Հետևեք մեզ նաև Telegram-ում