Վրաստանի Անվտանգության խորհրդի քարտուղար է նշանակվել Դավիթ Ռակվիաշվիլին
Նմանատիպ
Վրաստանի նախագահ Գեորգի Մարգվելաշվիլին հոկտեմբերի 24-ին կայացած հատուկ ճեպազրույցի ժամանակ վերաինտեգրացման պետնախարարի նախկին տեղակալ, ալպինիստ Դավիթ Ռակվիաշվիլիին նշանակել է Ազգային անվտանգության խորհրդի քարտուղար, տեղեկացնում է «Արմենպրես»-ը:
Ազգային ԱԽ-ի քարտուղարի պաշտոնը թափուր էր մնացել այն բանից հետո, երբ նախկին քարտուղար Իրինա Իմերլիշվիլին նշանակվեց Վրաստանի Սահմանադրական դատարանի դատավոր:
«Նա (Ռակվիաշվիլին) լուրջ փորձ ունի, եղել է վերաինտեգրացման պետնախարարի տեղակալ, մասնակցել է Ժնեւի բանակցություններին, միջադեպերի կանխման մեխանիզմին (ՄԽՄ): Ելնելով դրանից՝ նա լուրջ փորձ ունի ԱՄՆ-ի հետ, ինչպես նաեւ ռուսական կողմի հետ հարաբերությունների տեսակետից»,- ասել է Մարգվելաշվիլին:
Նախագահը նաեւ նշել է, որ Ռակվիաշվիլին իր սերնդի ամենաակնառու ալպինիստներից մեկն է:
Հետևեք մեզ նաև Telegram-ում