Արմեն Ամիրյանը հյուրընկալվել է Հմայակ Բդեյանին և պարգև հանձնել նրան
10/11/2016 11:26
Նմանատիպ
ՀՀ մշակույթի նախարար Արմեն Ամիրյանը նոյեմբերի 9-ին հյուրընկալվեց գեղանկարիչ, խեցեգործ, ՀՀ ժողովրդական նկարիչ Հմայակ Բդեյանի արվեստանոցում: Այս մասին տեղեկացրին ՀՀ մշակույթի նախարարության հասարակայնության հետ կապերի բաժնից:
ՀՀ նախագահի հրամանագրով ՀՀ անկախության 25-ամյակի կապակցությամբ Հմայակ Բդեյանը պարգևատրվել էր Մովսես Խորենացի մեդալով, որը վաստակաշատ արվեստագետին հանձնեց ՀՀ մշակույթի նախարարը:
Այնուհետև, Հմայակ Բդեյանը նախարարին ներկայացրեց վերջին շրջանի իր աշխատանքները, որից հետո կայացած ջերմ և մտերմիկ զրույցի ընթացքում քննարկեցին Վարպետի ստեղծագործական ծրագրերը, խոսեցին արդի մշակութային անցուդարձի, մասնավորապես, կերպարվեստի ոլորտի խնդիրների շուրջ:
Հետևեք մեզ նաև Telegram-ում