AM | RU
USD
EUR
RUB

Քաղաքական անհեռատեսություն, թե՞ հերթական ֆարս

 

Գագիկ Ծառուկյանի վերադարձը քաղաքականություն, կամ իր խոսքերով ասած քաղաքական էջի բացումը, սկզբնական շրջանում բավականին տպավորիչ ստացվեց: Ազդարարվեց լայն կոնսոլիդացիայի ձևավորում իր անձի շուրջ:

Մի կողմ թողնելով անձնակենտրոն մոտեցումը՝ խոշոր հաշվով հայաստանյան քաղաքական ներկապնակում դա նորություն չէ, հույս էր արթնանում, որ կստեղծվի քաղաքական լուրջ բևեռ, լուրջ հակակշիռ՝ իշխանություններին մշտապես զգոն պահելու համար: Առհասարակ քաղաքական խոշոր միավորները նպաստում են քաղաքական լճացումների վտանգի չեզոքացմանը և հակառակը՝ որքանով մասնատված է լինում քաղաքական համակարգը, այնքանով էլ դառնում է վերահսկելի, կառավարվող ու դադարում է քաղաքական լուրջ գործոն հանդիսանալուց:

Գագիկ Ծառուկյանը քաղաքական էջի վերաբացման սկզբնական շրջանում հավակնում էր ու իր գործողություններով կարծես հայտ էր ներկայացրել քաղաքական լուրջ բևեռ հանդիսանալու «տիտղոսին»: Հատկանշական է նաև այն, որ այդ «լայն կոնսոլիդացիան» ընդգրկելու էր գաղափարական բազմաբևեռ մի շերտ, իր մեջ ներառելով իրարից միանգամայն տարբեր, նույնիսկ հակադիր գաղափարներ կրող ուժեր: Բազմաբևեռությունն արտահայտվում էր ոչ միայն քաղաքական գաղափարների բազմազանությամբ, այլև նույնիսկ արտաքին քաղաքական մոտեցումների տարբերության առումով:

Ընդ որում, ժամանակին «Հանրապետություն» միավորումից հետո, դա կարծես լինելու էր նորանկախ Հայաստանի պատմության մեջ հաջորդ խոշոր միավորումը:

Սակայն Հայաստանում միշտ ցանկանում ենք ավելի լավ, բայց ստացվում է ինչպես միշտ: Իդեմս ՌԱԿ-ի ու ՍԴՀԿ-ի՝ կորցնելով երկու ավանդական կուսակցությունների վստահությունը՝ Գագիկ Ծառուկյանը ոչ միայն հօդս ցնդեցրեց լայն կոնսոլիդացիոն պրոցեսը, այլև խոշոր հաշվով կարծես վերադառնալու է գրեթե այն միակ ուժի վրա հենվելով, որով և հեռացել էր: Այլ խոսքով ասած՝ նրա մուտքը քաղաքականություն լայն դաշինքի բացակայության պայմաններում նրան վերածելու է հերթական կուսակցական ղեկավարի, որը ԲՀԿ-ով մուտք գործելով խորհրդարան, փաստելու է զուտ իր խորհրդարանական շարքային ֆրակցիա հանդիսանալու իրողությունը, առանց որևէ լուրջ ակնկալիքների ու հնարավորության:

Բացի այդ զրկվելով ավանդական կուսակցությունների օժանդակությունից, նա զրկվում է նաև սփյուռքի անմիջական օգնությունից: Գաղտնիք չէ, որ օրինակ ՍԴՀԿ-ն աշխարհասփյուռ կառույց է, որը մի տանիքի տակ է միավորում արտերկրում ապրող մեր բազմահազար հայրենակիցների ու միայն քաղաքական անհեռատեսությունը կարող է նպաստել նմանատիպ հզոր աջակցությունից զրկվելուն:

Ուզում եմ հեռու մնալ այն մտքից, որ Ծառուկյանի ողջ երազանքը, սոսկ մի մանդատ ունենալն էր, կամ ինչ որ մի ֆրակցիայի ղեկավար լինելու ցանկությունը: Եթե դա էր լինելու ողջ պատմության հանգուցալուծումը, ապա դրա համար ոչ հեռանալ էր պետք, ոչ էլ վերադառնալ: Պարզապես պետք էր ժամանակին հրաժարվել ամբիցիաներից, ինչի դրսևորումն էլ տեղի է ունենում այսօր, համախմբման ներուժը ոչնչացնելու համատեքստում:

Սակայն կարելի է ենթադրել, որ Գագիկ Ծառուկյանը պարզապես չտիրապետելով քաղաքական գործունեության ողջ խորությանը, հերթական անգամ զոհ է գնում ոմանց նեղ անձնական, քաղաքական նպատակներին, ոմանց կուլիսային գործունեությանն ու խարդավանքներին: Իսկ խարդավանքների նպատակը մեկն է՝ փոշիացնել համագործակցության լայն ասպարեզը, փոխարենը պահպանել հնարավորինս մեծ ազդեցություն, թեկուզ ոչ մեծ միավորի վրա:

Սովորաբար իրավաբաններն ասում են, հանցագործին պետք է փնտրել այնտեղ, ում ձեռք էր տալիս այդ հանցագործությունը: Եթե Ծառուկյանը ցանկություն ունի գտնելու այդ խարդավանքների հեղինակներին, ապա կարծում եմ գտնելը դժվար չի լինի, քանի որ լայն կոնսոլիդացիայի փոշիացումը ձեռնտու էր բացառապես ԲՀԿ-ին, որն էլ ներկայումս ստանձնում է միահեծան դերակատարում այժմյան դաշինքում:

Թեպետ ներկայիս դաշինքը արդեն իսկ զավեշտի է վերածվում, որովհետև ըստ էության, Ծառուկյանը այժմ դաշինք է կազմում իր սեփական կուսակցության հետ:

Ներկայումս Գագիկ Ծառուկյանն ունի երկու ճանապարհ՝ կրկին վերսկսել լայն կոնսոլիդացիոն գործընթացը, դրա համար դեռ ժամանակ կա, և իր անձնական վերահսկողությամբ հասցնել ավարտին, կամ խորհրդարան մուտք գործել սոսկ որպես ԲՀԿ ղեկավար:

Առաջին դեպքում նա պահպանում է քաղաքական լուրջ բևեռ դառնալու իրական հնարավորությունը, երկրորդ դեպքում իսպառ կորցնում քաղաքականության վրա ազդեցություն ունենալու գրեթե վերջին շանսը:

Բայց հաշվի առնելով դեպքերի զարգացման ընթացքը, ցավոք պետք է փաստենք, որ առաջին տարբերակը սոսկ մեր բարի ցանկությունն է: Իրականում որևէ լայն կոնսոլիդացիա տեղի չի ունենա, եթե առհասարակ նման նպատակ ի սկզբանե եղել է: 

Հերթական անգամ ստիպված ենք լինելու արձանագրել ողջ քաղաքական ֆարսը, որը մեր քաղաքական համակարգում սպառնում է վերածվել ավանդույթի:

Արման ԳՐԻԳՈՐՅԱՆ

Լրահոս
Լենա Նազարյանը շարունակում է մնալ քննադատությունների կիզակետում․ «Մեդիա պաշտպան» Իրականացվող տնտեսական քաղաքականությունը համադրելի չէ տնտեսական հեղափոխության հետ.ՏԶՆԿ նախագահ (տեսանյութ) Պաշտպան. Մանվել Գրիգորյանի նկատմամբ խոշտանգումն ակնհայտ է Նիկոլ Փաշինյանի և Գեորգի Գախարիայի համատեղ ասուլիսը.Ուղիղ Վիտալի Բալասանյանի մամուլի ասուլիսը. Ուղիղ միացում Արցախից Մենք ուզում ենք կանխարգելել տուբերկուլյոզի տարածումը Երևանում, որի մասին չեն մտածում մեր այրերը Բացահայտվել են բժշկասոցիալական փորձաքննության հանձնաժողովի նախագահի կողմից կաշառք պահանջելու և ստանալու դեպքեր.ԱԱԾ Շատ էի ցանկանում, որ լուրը համոզիչ ձևով հերքվեր, բայց... «168 ժամ»․ Այս պայմաններում մարդն ի՞նչ հույսով պետք է իր գումարները ներդնի տնտեսության մեջ «Փաստ». Փա­շի­նյա­նը չի կտրի «սու­պեր­վար­չա­պե­տա­կան» հա­մա­կար­գի ճյու­ղը, որի վրա նստած է «Իրատես». Ինչ են խոսել Նիկոլն ու «կիրթը» «Փաստ». Փաշինյանի թիմում շատ լուրջ տարաձայնություններ կան «Հրապարակ». Նորաշենի նախկին համայնքապետը դատական հայց է ներկայացրել Արարատի մարզպետի դեմ ՕՐՎԱ ԽՈՐՀՈՒՐԴԸ: Հոկտեմբերի 15 Համայնքապետի ԺՊ-ն արգելում է ինձ խոսել զինվոր որդիներիս հետ Արփինե Հովհաննիսյան. Վենետիկի հանձնաժողովի պաշտոնական կարծիքը և մանիպուլիացիաների հօդս ցնդելը Վարչապետ Փաշինյանի գլխավորությամբ ՊՆ վարչական համալիրում տեղի է ունեցել խորհրդակցություն ՍԴ դատավորներն ապացուցեցին, որ ոչ սրա-նրա դռան տակ վնգստացող են, ոչ էլ ամբոխից վախեցող. Վահագն Վարագյան Զոհրաբ Մնացականյանն ընդունեց Ֆրանսիայի խորհրդարանականների և քաղաքապետերի գլխավորած պատվիրակությանը ԼՂ հակամարտությունը ռազմական լուծում չունի. ՆԱՏՕ Թուրքիան և սիրիական զինված ընդդիմությունը հարձակում է գործում Մանբիջի դեմ. ԶԼՄ-ներ Շանս կա, որ շուտով կունենանք արդեն երրորդ կայացած պետական ինստիտուտը ՍԴ-ն մերժել է Հրայր Թովմասյանի լիազորությունները դադարեցնելու ԱԺ նախաձեռնությունը Տարեվերջին, երբ հայտնի է դառնում, որ ցուցանիշները «հեղափոխական» չեն, առաջանում է գործարարների շրջանում կոնսոլիդացիայի կարիք. փորձագետ Դատարանը կասեցրել է իր մարդուն համայնքապետի ժպ նշանակելու մասին Գարիկ Սարգսյանի որոշումը Պողոսին պետք է վերադաստիարակել՝ ստանալով Պետրոսի, «սպանել» Պողոսին, ասել է թե «ստանալ» Պետրոս «Սանիթեք» ընկերությունը սկսել է միջազգային արբիտրաժային դատարան դիմելու գործընթացը. հայտարարություն «Հասկացե՛ք, ձեզանից տարբերվող մարդիկ կան այս աշխարհում ու շատ». Հրայր Թովմասյան Մերկուրին կանցնի Արեգակի սկավառակի վրայով. դիտում աստղադիտարանից Էրդողանի խորհրդականը չի բացառել, որ Թուրքիայի ու Ասադի ուժերի միջև բախում կարող է տեղի ունենալ Ադրբեջանը ցանկանում է Արցախը՝ առանց բնիկ ժողովրդի. ԱԳՆ մամուլի խոսնակ Հրայր Թովմասյանը արձակուրդ է վերցրել իր լիազորությունների դադարեցման նախագծի քննարկումներին չմիջամտելու համար ԱԳՆ մամուլի խոսնակ Աննա Նաղդալյանի ճեպազրույցը. Ուղիղ Տիգրան Աբրահամյան. Համերաշխության դիսկուրսը՝ որպես անվտանգության ապահովման կարևոր երաշխիք Բողոքի ակցիաները շարունակական են լինելու. ավտոներկրող Բակո Սահակյանը հրավիրել է աշխատանքային խորհրդակցություն Վարդան Ոսկանյան. Սիրիայի շուրջ դեպքերը զարգանում են կայծակնային արագությամբ ՄԻԵԴ-ում Ռ. Քոչարյանի դիմումի քննության համար 17 դատավորներից բաղկացած հանձնաժողով է ստեղծվել Visa «ԲԱՐԵՐԱՐ». բարեգործական ծրագիրը նոր շունչ է ստանում Արա Զոհրաբյան. Ստամբուլյան կոնվենցիան չպետք է վավերացվի
Խմբագրի ընտրություն
website by Sargssyan