AM | RU
USD
EUR
RUB

«Բոլոր հարցերի պատասխանը կտանք մայիսի 1-ին, ժամը 19:00-ին, Ազնավուրի հրապարակում»

 

Առավոտ-ի Հարցազրույցը ՍԴՀԿ Հայաստանի վարչության նորընտիր ատենապետ Սեդրակ Աճեմյանի հետ

– Պարոն Աճեմյան, շատերի համար անակնկալ էր Ձեր՝ ՍԴՀԿ Հայաստանի վարչության ատենապետ ընտվելու փաստը: Դուք բնակվում եք Միացյալ Նահանգներում, դժվար չի՞ լինելու ղեկավարել հայաստանյան քաղաքական կուսակցություն:

– Նախ, որքան էլ ես բնակվել եմ Միացյալ Նահանգներում, օրենքով սահմանված կարգով ունեմ Հայաստանի Հանրապետության քաղաքացիություն, ինչով եւ հպարտ եմ: Սա՝ իրավական մասով: Քաղաքական առումով՝ ես երկար տարիներ զբաղեցրել եմ կուսակցական տարբեր պաշտոններ, սակայն բոլորն էլ գիտեն, որ ամեն անգամ առիթն օգտագործել եմ Հայաստանի մեր ընկերների կողքին կանգնելու համար: Ես հավատացած եմ, որ մեր բոլորիս աչքերն ու հայացքները պետք է հառված լինեն Հայաստանին, մենք բոլորս ամեն ինչ պետք է անենք մեր Հայրենիքում մեկ քար ավելի դնելու համար՝ անկախ ցանկացած օբյեկտիվ կամ սուբյեկտիվ դժվարություններից: Հնչակյան կուսակցությունն այդ առումով բացառություն չէ: Այո՛, մենք միասին ամեն ինչ պետք է անենք, որ մեր արդեն 131-ամյա քաղաքական ուժն իր գաղափարներն ու ծրագրերը Հայաստանում կյանքի կոչելու հնարավորություն ունենա: Իբրեւ ատենապետ՝ կկարողանա՞մ այդ հարցում օգտակար լինել. համենայնդեպս, ամեն ինչ կանեմ իմ ընկերների հետ միասին: Մի մոռացեք, որ Հնչակյան կուսակցությունը ոչ թե վերեւից ներքեւ, այլ ուղիղ հակառակ տրամաբանությամբ կառավարող քաղաքական կազմակերպություն է: Այսօր մեր առջեւ կան բազում մարտահրավերներ, որին կուսակցությունը պարտավոր է տալ համաչափ գնահատականներ:

– ՍԴՀԿ Հայաստանի կազմակերպության 11-րդ համագումարը թողեց բազում անպատասխան հարցեր՝ կապված առաջիկա քաղաքական վերաձեւակերպումների հետ: Առաջիկայում ընտրվելու է Հայաստանի Հանրապետության 4-րդ նախագահ, հետո՝ շուրջ մեկ ամիս անց, վարչապետ: Արդեն գրեթե պարզ է, որ նախագահ է դառնալու Մեծ Բրիտանիայում Հայաստանի Հանրապետության դեսպան Արմեն Սարգսյանը: Հնչակյան կուսակցությունում ի՞նչ կարծիք ունեն այս թեկնածուի մասին:

– Այստեղ ես պարտավոր եմ, հանուն անկեղծության, երկու փաստ նշել: Առաջինը՝ ցավոք, մեր կուսակցությունը խորհրդարանական չէ, ուստի զուտ քվեարկության առումով զրկված է որոշումների վրա ազդելու ցանկացած հնարավորությունից: Երկրորդ՝ պարոն Սարգսյանն ինքն է բազմիցս հայտարարել, որ դեռ չի որոշել իր վերջնական անելիքը: Նա անցկացնում է քաղաքական հանդիպումներ, եւ ՍԴՀԿ-ն նույնպես, բնականաբար, պատրաստվում է հանդիպել ՀՀ նախագահի թեկնածուի հետ: Ինչ վերաբերում է պարոն Սարգսյանի անձին, ապա պարզից էլ պարզ է, որ նա բավական բարձր միջազգային հեղինակություն, դիվանագիտական հսկայական փորձառություն ունեցող անձնավորություն է: Եվ կրկին բնական է, որ մենք պարտավոր ենք ընդունել պարոն Սարգսյանի այն դրական վարկանիշը, որ կա ե՛ւ արտասահմանում, ե՛ւ Հայաստանում: Մնացյալ առումներով, երբ մենք ծանոթանանք պարոն Սարգսյանի ծրագրերի հետ, ինչպես նաեւ կիսվենք մեր բազմաթիվ մտահոգություններով, այդ ժամանակ մեր կարծիքը հստակ կտանք:

– Քաղաքական կուլիսներում խոսվում է, որ Սերժ Սարգսյանը դառնալու է ՀՀ հաջորդ վարչապետը: Այդ հնարավորությունը նրան ընձեռում են սահմանադրական այն փոփոխությունները, որոնց, ի դեպ, ժամանակին Հնչակյան կուսակցությունը կողմ է արտահայտվել: Ինչպե՞ս եք վերաբերվում Սերժ Սարգսյանի՝ վարչապետի հնարավոր թեկնածությանը:

– Այո՛, մենք կողմ ենք արտահայտվել սահմանադրական բարեփոխումներին, կամ, այսպես արտահայտվեմ, մենք մշտապես եղել ենք խորհրդարանական կառավարման կողմնակից: Իհարկե, եղան բացեր, որոնք մեր սրտով էլ չէին, օրինակ՝ ռեյտինգային ընտրակարգը, որը, մեծ հաշվով, մեծամասնական ընտրակարգի խեղաթյուրված տարբերակն է: Սոցիալ-Դեմոկրատ Հնչակյան կուսակցությունը չոր կուսակցական ցանկերի կողմնակից է, որպեսզի ՀՀ քաղաքացին հնարավորություն ունենա քվեարկելու քաղաքական ուժի ծրագրերին, այլ ոչ թե անհատներին: Սա՝ իմիջիայլոց:

Ինչ վերաբերում է Սերժ Սարգսյանի՝ վարչապետ դառնալու հնարավորությանը, ապա նախ՝ Հնչակյան կուսակցությունը չէ, որ պետք է տա այս հարցի պատասխանը: Վարչապետ առաջադրելու սահմանադրական իրավունքը պատկանում է խորհրդարանական մեծամասնությանը: Երբ վարչապետի թեկնածուները պաշտոնապես առաջադրվեն, այն ժամանակ էլ մենք կտանք մեր պաշտոնական տեսակետը:

– Հնչակյան կուսակցությունը մշտապես խոսում է սոցիալական արդարության մասին, սակայն դեռեւս գործնական քայլեր կամ ճանապարհային քարտեզ հանրությունը չի տեսել: Կա՞ որեւիցե հստակ քայլ, որ դուք նախատեսում եք անել:

– Քաղաքական աշխատանքը միշտ չէ, որ պետք է երեւացող լինի, սակայն ես էլ համաձայն եմ, որ անհրաժեշտ է խոսել կոնկրետ գործողություններից: Երկրում առկա բազմաթիվ մարտահրավերների, մեր մտահոգությունների եւ դրանց լուծումների հնչակյան տարբերակները քննարկելու համար ՍԴՀԿ Հայաստանի վարչությունը հրավիրելու է հանրահավաք՝ մայիսի 1-ին, ժամը 19:00-ին, Շառլ Ազնավուրի հրապարակում: Այնտեղ էլ կխոսենք մնացյալի մասին: 

Լրահոս
«Ես չեմ ուզում, որ նիկոլիզմի դեմ պայքարողները նմանվեն իմքայլականներին․ Մհեր Մկրտչյան Արմեն Սարգսյանը միշտ լինելու է Շվեյցարիա՝ չեզոք, փափլիկ ու գոլ․ Նաիրա Զոհրաբյան Պուտինը ուղերձ է հղել Իրանի հոգևոր առաջնորդին Մայա Պողոսյանի հրապուրիչ կերպարը (լուսանկար) Ալիևը չի թաքցնում Սյունիքի և Վայոց Ձորի մարզերին տիրանալու ձգտումները. Նաիրի Հոխիկյան ««Եվրատեսիլից» հետո դա պռավալ էր ինձ համար»․ Արամ MP3–ն՝ ձախողման, կյանքի բարդ շրջանի, «32»–ի տղաների և Իվետա Մուկուչյանի հետ կոնֆլիկտների մասին Իրինա Այվազյանի նոր լուսանկարները Հայտնի է` ով է ներկայացնելու Ռուսաստանը «Միսս Տիեզերք 2021»-ում (լուսանկարներ) Սիլվա Հակոբյանի ջերմ լուսանկարը` դստեր հետ Այն, ինչ անում է Փաշինյանը Հայաստանի հետ, մեզ թուրքական վիլայեթի վերածելն է․ Միքայել Մինասյան Անդրանիկ Մակարյանից բացի որպես մեղադրյալ է ներգրավվել նաև զորամասի հրամանատարը Բաղրամյան պողոտայում դանակով զինված քաղաքացին մտել է վրան Մոսկվայում էքստրեմալները ցատկել են 52-րդ հարկանի շենքի տանիքից (տեսանյութ) Գորիս Կապան ճանապարհը վերջնականապես անցնում է թշնամուն Սերգեյ Բեզրուկովը հենց բեմում սրտի կաթված է ստացել COVID-19-ի և մարդու արյան խմբի միջև եղած կապը Բրիտանիայում նկատվել է «օդում լողացող նավ». ինչպե՞ս են բացատրում երևույթը գիտնականները Իվետա Մուկուչյանը ներկայացրել է «Կենացդ խմեմ» երգի տեսահոլովակը Սույն անձի պաշտոնի բարձրացումը վկայում է, որ այս շղթան մինչև ամենավերև է բարձրանում Ներկայացվել է հայկական արտադրության ձեռքի նռնականետի ՕԳ-7Վ մարտական կրակոցը (տեսանյութ) Քաղաքացիները Անդրանիկ Քոչարյանի շենքի մոտ դագաղ են դրել (տեսանյութ) Սահմանային միջադեպեր չեն արձանագրվել. ՊՆ «Այդ ամենը կեղծ տեղեկատվություն է». Պառավաքարի գյուղապետ Հաշվարկի հաշվիչն այլևս միացված է. Արշավիր Ղարամյան Տառապանքները պետք է դադարեն. Հռոմի պապին մտահոգում է քրիստոնյաների անվտանգության հարցը Նախագահի պահվածքն առնվազն տարօրինակ է, փորձում է երկու կողմերին գոհացնել. ՏԵՍԱՆՅՈՒԹ Մենք նոր պատերազմի վտանգ ունենք այս իշխանության չգնալու դեպքում. Բեքարյան Ադրբեջանցիները պահանջել են, որ հայ տղաները դուրս գան բարից․168.am Նախագահը «Հայրենիքի փրկության շարժման» ղեկավարների հետ հանդիպում է խնդրել Ոստիկանության գնդապետը սատարում է ԳՇ-ին և պահանջում Փաշինյանի հրաժարականը Նիկոլ Փաշինյանն ամենաայլանդակ ձևով է կեղծելու ընտրությունները. Միհրան Հակոբյան Նախագահը տեղում չէ, չի ընդունել զինվորականներին Սերժ Սարգսյանի օրորք հայկական շախմատը փայլել է. Սմբատ Լպուտյան Նիկոլ Փաշինյանի անվտանգության պատասխանատուն ընդդիմության հանրահավաքին. ՏԵՍԱՆՅՈՒԹ Արմեն Սարգսյանը վախեցավ կանգնել բանակի կողքին․ վախն արդարացում չէ. ՏԵՍԱՆՅՈՒԹ Հայկ Մարությանը հայտարարություն է տարածել Ե՞րբ Ադրբեջանը կկորցնի ամեն ինչ ստանալու հնարավորությունը. մանրամասնում է քաղաքագետը (տեսանյութ) Ալիևը լավ բռնել է Փաշինյանի կոկորդից ու նրա դեմ ունի փաստեր. Արփինե Հովհաննիսյան Վլադիմիր Պուտինը հրաժարվել է մեկուսանալ Իշխանությունների մոտ ցայտնոտային իրավիճակ է, և գնալով այդ վիճակը խորանալու է․ Ռուբեն Մխիթարյան (տեսանյութ)
Խմբագրի ընտրություն
website by Sargssyan