AM | RU
USD
EUR
RUB

Ապագա մեծ կենսաբանի մանկուց ծնված սերն ու կատարման ենթակա երազանքը

 

«Ես արդեն տեղում եմ»,-պայմանավորված ժամից մի քանի րոպե շուտ ստացածս զանգը վկայում էր զրուցակցիս ճշտապահության ու պատասխանատվության մասին... Սովորելն ու սովորեցնելը համատեղած ուսանողն անհրաժեշտ ամեն ինչի համար ժամանակ կարողանում է գտնել։ Երկրորդ աշխատավայրից հանդիպման վայր շտապած ապագա մեծ կենսաբանը Հայ-ռուսական սլավոնական համալսարանի բժշկակենսաբանական ֆակուլտետի բժշկական կենսաքիմիայի 5-րդ կուրսի ուսանող Էրիկ Արաբյանն է։

Էրիկի երթուղին կես տարի է, ինչ մեկ կանգառով ավելացել է։ Ա. Մարգարյանի անվան թիվ 29 դպրոցի շրջանավարտը նույն դպրոցում դասավանդելու առաջարկ ստանալուն պես՝ հաճույքով ընդունել է։ Մինչ այդ առհասարակ մանկավարժական փորձ չունենալով՝ Էրիկին կարճ ժամանակում հաջողվեց ոչ միայն իրենից մի քանի տարով փոքր պատանիներին գրավիչ դարձնել կենսաբանությունը, այլև հիանալի օրինակ ծառայել նրանց համար։ Տակավին երիտասարդ մանկավարժը խոստովանում է. «Մեծ հաճույքով եմ աշխատում աշակերտների հետ։ Այն ոգևորությունն ու դրական լիցքերը, որ ստանում եմ ամեն անգամ դասարան մտնելիս, անբացատրելի է»։

Դպրոցում՝ ուսուցիչներին, համալսարանում դասախոսներին հպարտանալու առիթներ Էրիկը սիրում է տալ։ Հանրապետական օլիմպիադաների բազմակի մասնակիցը երկու անգամ «Լավագույն ուսանող» մրցույթում է աչքի ընկել։ Նա «Լավագույն ուսանող-2015»-ին բժշկագիտության գծով երկրորդ մրցանակին է արժանացել, իսկ «Լավագույն ուսանող-2017»-ին առաջին պատվավոր տեղը զբաղեցրել՝ բնական գիտությունների գծով։

Ակտիվ կենսաբանը ոլորտի առջև դրված խնդիրներին ոչ միայն ծանոթանում, այլև փորձում է լուծում տալ արդեն երկու տարի։ ՀՀ ԳԱԱ մոլեկուլային կենսաբանության ինստիտուտի հակավիրուսային պաշտպանության մեխանիզմների հետազոտման խմբում Էրիկն ընդգրկվել է, երբ դեռևս երրորդ կուրսի ուսանող էր։ Պրպտող ու եռանդուն ուսանողին նկատել ու իր գլխավորած թիմում աշխատելու առաջարկ է արել հետազոտական խմբի ղեկավար Հովակիմ Զաքարյանը։

Թիրախային վիրուսը, որի դեմ այսօր պայքարում են խմբի անդամները՝ փորձելով գտնել ամենաօպտիմալ հակավիրուսային միջոցը, խոզերի աֆրիկյան ժանտախտի վիրուսն է։ «Այս հիվանդության դեմ առայժմ կիրառվող վակցինաներ ու հակավիրուսային նյութեր չկան։ Հիմա մենք նմանատիպ հակավիրուսային նյութերի ակտիվությունն ենք փորձում։ Վերջերս մեր խումբը հայտնաբերել է գենիստեին կոչվող նյութը, որն ազդում է վիրուսի ԴՆԹ-ի կրկնապատկման վրա»,-ասում է Էրիկը։ Խումբն ավելի արդյունավետ կկարողանար աշխատել, եթե  ձեռքի տակ ունենար հետազոտությունների համար անհրաժեշտ երկու սարքերը, որոնց արժեքը մոտավորապես 15 հազար ԱՄՆ դոլար է: Համենայնդեպս, նրանք լիահույս են, որ այդ հարցում պետությունը կաջակցի իրենց:

Խոզերի մոտ հանդիպող ու տնտեսությանը մեծ վնասներ հասցնող այս հիվանդությունը բուժելու համար, Էրիկի խոսքով, պետք է գտնել մատչելի նյութեր։ Թանկարժեք դեղանյութ հայտնաբերելն անիմաստ կլինի, քանի որ այն լայն կիրառություն չի կարող ունենալ։

Վիրուսների դեմ պայքարելու ցանկությունն Էրիկին «ուղեկցում» է վաղուց՝ միայն թե, ի սկզբանե ապագա կենսաբանի «թշնամիները» մարդկանց մոտ հանդիպող վիրուսներն էին։ Բնության ու մարդու հանդեպ սերը, որ նրա մասնագիտական կողմնորոշման հիմքում էին, մարդկային կյանքին սպառնացող հիվանդությունների հետ համատեղվել չէին կարող։ «Միշտ ցավ եմ զգացել, երբ հանդիպել եմ անբուժելի հիվանդությամբ տառապող մարդու՝ առավելևս փոքրիկի»,-ասում է Էրիկն ու հավելում։-Ես հավատացած եմ, որ հեռու չէ այն օրը, երբ այսօր անբուժելի կամ թերի բուժելի համարվող հիվանդությունները կբուժվեն»։

Նպատակասլացությունն ու եռանդը, որով այսօր աշխատում է ապագա կենսաբանը, հավատ են ներշնչում, որ, իրոք, հեռու չէ այն օրը, երբ մարդկանց համար մշակված հակավիրուսային նյութերի հայտնաբերողների շարքում կհայտնվի նաև Էրիկ Արաբյան անուն-ազգանունը։

Լիլիթ ՊՈՂՈՍՅԱՆ

Լրահոս
Մանրամասներ՝ հակառակորդի կրակոցից վիրավորված երեխայի վիճակից Կորոնավիրուսն ինքն իրեն չի անհետանա, այն պետք է ճնշվի. ԱՀԿ. CNN «Մեդիա պաշտպան»-ը՝ որպես դիտորդ, հանդես կգա Արցախի համապետական ընտրություններին Կորոնավիրուսի ահասարսուռ հետևանքներ է թողնելու ոչ միայն առողջապահական ոլորտում, այլև՝ տնտեսության. Աշոտ Գրիգորյան Հայ երիտաարդները Ֆրանսիայում դիմակներ, ձեռնոցներ ու սնունդ են բաժանում․ ՏԵՍԱՆՅՈՒԹ Իտալիայում կորոնավիրուսով վարակվածների թիվը գերազանցել է 100 000. CNN Պետերբուրգի իշխանությունները բնակիչների համար սահմանել են լիակատար մեկուսացման ռեժիմ. ТАСС Ադրբեջանական դիվերսիոն ներթափանցման փորձը հետ է շպրտվել. Շուշան Ստեփանյան Ոսկեվանում վիրավորված 15-ամյա տղայի կյանքին վտանգ չի սպառնում Ինչ են քննարկել Պուտինն ու Թրամփը Մարտի 31-ին «Սիբիր» ավիաընկերությունը կիրականացնի Մոսկվա-Երևան, Երևան-Մոսկվա չվերթները Վրաստանի ողջ տարածքում կարանտինային ռեժիմ է սահմանվում. կարգելվի ավտոբուսների և մետրոյի աշխատանքը. РИА Новости Ոսկեվան գյուղում ադրբեջանական գնդակից դպրոցական է բեկորային վիրավորում ստացել. համայնքապետ Ինչպես են Կադիրովին պաշտպանում կորոնավիրուսից Արսեն Բաբայանը պատգամավորներին առաջարկում է հաջորդ նիստին քննարկել ավելի կարևոր հարց Փաստահավաք խումբ. Կոչ ենք անում ՄԻՊ-ին ստուգել մեկուսացված անձանց պահելու հիմքերի, ռեժիմի, բողոքարկման իրավունքի ապահովումը Ուկրաինայի Գերագույն ռադան աշխատանքից հեռացրել է Առողջապահության և Ֆինանսների նախարարներին Արցախի ընտրատեղամասերում իրականացվում են ախտահանման աշխատանքներ. տեղեկատվական շտաբ (տեսանյութ) Ժողովրդավար երկրում նման նախաձեռնությունն ապագա չի կարող ունենալ. Երվանդ Վարոսյան Կորոնավիրուսով վարակված Լև Լեշչենկոյի ընկեր Վլադիմիր Վինակուրի կորոնավիրուսային թեստի պատասխանը հայտնի է Ոչ մի դեպքում թույլ չտալ ներքին պառակտում և թշնամանք՝ անկախ ընտրությունների արդյունքից. Արթուր Վանեցյան Արքայազն Չարլզը կորոնավիրուսով վարակվելուց հետո դուրս է եկել ինքնամեկուսացումից COVID-19-ը օդային ճանապարհով փոխանցվող վարակ չէ․ ԱՀԿ Թոմ Հենքսը կորոնավիրուսից ապաքինվելուց հետո պատմել է ինքնազգացողության մասին Երկրաշարժ Քարվաճառ քաղաքից 33 կմ դեպի հյուսիս-արևելք Ղազինյան. Հայաստանը միակն է ԵԽ-ում, որ օգտագործում է համաճարակը ընդդիմադիր մամուլի աշխատանքը սահմանափակելու համար Կառավարությունը մարդկանց պարտավորեցնում է օգտագործել իր ստեղծած հավելվածը, որպեսզի նրանց անձնական տվյալները ստանա. Մելոյան Զբոսաշրջության կոմիտեի նախագահ Սուսաննա Սաֆարյանի ասուլիսը՝ ուղիղ ԱԺ-ն առաջին ընթերցմամբ ընդունեց անձնական տվյալների պաշտպնության, հաղորդակցության ազատության և գաղտնիության իրավունքներին միջամտելու նախագիծը Հետ տարեք այս նախագիծը, չի կարելի կարևոր գործերը թողած՝ թիթեռ նկարել. Նաիրա Զոհրաբյան (տեսանյութ) Հայաստանում կորոնավիրուսից մահացածներին չեն հերձի Ինչ եղանակ է սպասվում առաջիկա օրերին Ռուսաստանում կորոնավիրուսով վարակման 302 նոր դեպք է գրանցվել. «ՌԻԱ Նովոստի» Աշխարհում գազի գնի փոփոխություն է տեղի ունենում. Երևանը կարող է քննարկումներ սկսել Մոսկվայի հետ Չինաստանի խոշոր արդյունաբերական ձեռնարկությունների 98,6 տոկոսը վերսկսել է աշխատանքը․ CGTN ՆԱՍԱ-ն հրապարակել է Յուպիտերի թարմ լուսանկարները (լուսանկարներ) Մարդիկ վարկեր ունեն, չգրանցված աշխատողները սովի են մատնվում. Էդմոն Մարուքյան (տեսանյութ) Կառավարության որոշմամբ կորոնավիրուսից տուժած ոլորտների մոտ 100 հազար աշխատողների կտրամադրվի աջակցություն Էրդողանը հայտարարել է, որ Թուրքիան կորոնավիրուսի պատճառով դադարեցնում է արտաքին չվերթները Փոխվարչապետ Մհեր Գրիգորյանի ասուլիսը՝ Կառավարության աջակցության փաթեթների մասին. ՈՒՂԻՂ
Խմբագրի ընտրություն
website by Sargssyan