«Հաղթանակը դժվարությամբ տրվեց ինձ». բռնցքամարտիկ Գոռ Երիցյանն իր հերթական հաղթանակի մասին
Նմանատիպ
Բռնցքամարտի Հայաստանի հավաքականի անդամ, պրոֆեսիոնալ բռնցքամարտիկ Գոռ Երիցյանի իր ունեցան մենամարտերից այս մեկն ամենաբարդն էր:
«Հաղթանակը դժվարությամբ տրվեց ինձ: Այսպիսի հակառակորդ չեմ ունեցել, տարօրինակ բռնցքամարտիկ էր: Չափից շատ դիմացկուն էր: Նա դիմացավ 8 ռաունդ և միայն վերջում նոկաուտով հաղթանակի հասա: Կարողացա 3-րդ ռաունդում նաև նոկդաունի ենթարկել նրան, բայց կրկին ոտքի կանգնեց: Սա իմ առաջին մենամարտն էր, որ ձգվեց մինչև 8-րդ ռաունդ: Այս մենամարտը ինձ համար իսկապես մեծ փորձ եղավ»,-«Արմենպրես»-ի հետ զրույցում շեշտեց Երիցյանը:
Հայ բռնցքամարտիկի խոսքով` մենամարտից առաջ ԱՄՆ-ում անցկացրած ուսումնամարզական հավաքը դրական մեծ ազդեցություն թողեց: «Բոլոր բռնցքամարտիկներն էլ երազում են ԱՄՆ-ում հավաք անցկացնելու և «սպարինգ մենամարտեր» ունենալու մասին: Մեզ այդ հնարավորությունը տվեցին ֆեդերացիայի նախագահ Արթուր Գևորգյանը և պրոումոթերական ընկերության ղեկավար Արամ Դավթյանը»,-փաստեց մարզիկը:
Առաջիկա մենամարտը, ըստ նախնական տեղեկությունների, կկայանա մայիսին:
Մոսկվայում կայացած պրոֆեսիոնալ մենամարտերի երեկոյին Հայաստանի երեք ներկայացուցիչներն էլ հաղթանակներ տարան: Արամ Ավագյանը հաղթեց Բուրգուտ Հաջիբոևին, Նարեկ Աբգարյանը` Բեկսուլթան Ռավշանովին, իսկ Գոռ Երիցյանը` Վրաստանը ներկայացնող Միքայել Ավագյանին: Երեք բռնցքամարտիկներն էլ պարտություն չեն կրել պրոֆեսիոնալ ռինգում:
Հետևեք մեզ նաև Telegram-ում