AM | RU
USD
EUR
RUB

Մուլտհերոսների ու երեխաների ընկերությունն իրական դարձնող տիկին Ալինան

 

Մանկության «փափուկ վկաները»

«Գտնված երազ», «Դե սպասիր», «Չեբուրաշկան և Կոկորդիլոս Գենան», «Մաշան և Արջը» ու այլ սիրված մուլտֆիլմերի հերոսները տիկին Ալինայենց տանը ծնվում, բայց այնտեղ կարճ ժամանակ են ապրում։ Փափուկ ու գունեղ խաղալիքներն անմիջապես գտնում են իրենց փոքրիկ տերերին ու՝ ոչ միայն։ Ալինա Գանջալյանի հեղինակած հերոսները երբեմն նաև չափահասների հետ են ընկերանում. «Մի անգամ մի տարեց կին, խաղալիքների մեջ նկատելով «Դե սպասիր»-ի հերոսներին, այնպես ոգևորվեց, որ չեմ կարող բացատրել։ Անմիջապես գնեց գայլն ու նապաստակը և ուրախ-ուրախ հեռացավ։ Սիրած մուլտֆիլմի հերոսները նրա մոտ մանկության հուշեր էին արթնացրել։ Ու դա միակ դեպքը չէր, որ իմ խաղալիքները գնում են մեծահասակները։ Մեկ ուրիշ անգամ էլ մի ռուս կին է «Դե սպասիր»-ի հերոսներին գնել ու էլի ոչ թե երեխայի, այլ հենց իր համար»,-դիմացինին հաճույք պատճառելու առիթների մասին մեծ բավականությամբ է պատմում տիկին Ալինան։

Փոքրիկ բիզնեսի վերածված նախասիրության հիմքերը Ալինա Գանջալյանի մոտ դրվել են դեռևս 40 տարի առաջ։ Իր ու բարեկամների համար հագուստ, տան ինտերիերի պարագաներ էր գործում և նվիրում։ Հոգեկան բավարարվածություն պատճառող զբաղմունքը երկու տարի առաջ, կարելի է ասել, ակամայից, վերաճեց փոքրիկ բիզնեսի. «2016թ. քանի որ կապիկի տարի էր, որոշեցի կապիկ գործել ու բարեկամներիս նվիրել։ Այդպես էլ արեցի ու մինչև Նոր տարի համարյա բոլոր բարեկամներիս համար գործեցի։ Հենց այդ ժամանակ էլ ծագեց միտքը՝ իսկ ինչո՞ւ նաև վաճառքի համար չգործել։ Սկսեցի խաղալիքներ գործել մուլտֆիլմերի հերոսների, կենդանիների կերպարներով»։ Սեփական ձեռքի գործերը մարդկանց ներկայացնելու համար անուն էր պետք մտածել, բայց դրա համար երկար ժամանակ չի պահանջվել։ Երեխաներին ուրախություն պատճառող խաղալիքները հեղինակի մանկության հետ անմիջական կապի մեջ մտան։ Բրենդի համար ընտրվեց «Ալյոնկա» անունը. այդպես տիկին Ալինային մանուկ ժամանակ էին կոչում։

Տնտեսագետ-ինժեների մասանագիտությունն Ալինա Գանջալյանին շատ է օգնել թե´ փոքրիկ բիզնեսը ճիշտ կառավարելու, թե´ կրկնակի պատասխանատվություն պահանջող հաճախորդների՝ փոքրիկների համար անվտանգ ապրանք արտադրելու գործում։ «Թելի ընտրությունը շատ կարևոր է։ Քանի որ հիմնականում երեխաների համար են նախատեսված իմ գործերը, ուստի պետք է թելը, որով խաղալիքի արտաքին մասն եմ գործում, մաքուր, անվնաս թել լինի, չգունաթափվի։ Դրա համար էլ բացառապես բարձրորակ ակրլիլով են աշխատում, միջուկն է սինտիպոնից եմ սարքում։ Տիկնիկների ու կենդանիների դեմքի մասերը կա´մ կարում, կա´մ էլ գործում եմ՝ նայած, թե հաճախորդն ինչպես է ուզում, սոսնձով ոչ մի բան չեմ կպցնում»,-աշխատանքի հիմնական սկզբունքները մանրամասնորեն ներկայացնում է տիկին Ալինան։ Նույնքան մանրակրկտորեն ծախսի ու շահույթի մատյաններն է վարում։ Մեծ թե փոքր՝ բիզնեսը թափթփված վիճակ չի սիրում. ամեն ինչ նպատակային պետք է արվի։

Ցուցահանդեսից սկսված բարեկամությունը

Տիկին Ալինայի հեղինակած գործերն առաջին քննությունը հանձնել են «Այբ» դպրոցում կազմակերպված ցուցահանդեսի ժամանակ։ Փափուկ խաղալիքների տաղավարի առաջացրած մեծ հետաքրքրությունը ոգևորեց նրան, ու խաղալիքների տեսականին կարճ ժամանակահատվածում 35-ից հասավ 120-ի։ Ոչ միայն սեփական նախընտրությամբ, այլև պատվիրատուների պատվերներով է աշխատում մեր զրուցակիցը։ Ով ինչ չափի ու ինչ գույնի խաղալիք ուզում է, Ալինա Գանջալյանը ստեղծում է։

Նրա հեղինակած գործերից շատերը երեխաների անբաժան ընկերներն են դառնում, երբեմն էլ՝ ինքը՝ տիկին Ալինան է երջանկություն ունենում դրան ականատես լինել. «Անցած տարի «Երազ» մանկական կենտրոնում կազմակերպված ցուցահանդեսի ժամանակ թոռան հետ տաղավարիս մոտեցավ մի պապիկ։ Մոտ քառասուն տեսակ խաղալիքների միջից փոքրիկն անմիջապես մատիկով ցույց տվեց մեծ կանաչ գորտը։ Պապը թոռան համար գնեց այն։ Մի քանի ամից անց նորից տեսա այդ երեխային՝ այս անգամ հոր հետ, ու այնպիսի հաճելի զգացողություն ունեցա, երբ տեսա, թե նա ինչպես էր ապուր գրկել այն նույն կանաչ գորտը…»։

Ցուցահանդեսներում հետաքրքիր ու հաճելի դեպքեր շատ են լինում, հիմնական վաճառքը ևս այդ ժամանակ է լինում։ «Երևան Մոլ»-ի իր տաղավարում պակաս հետաքրքիր գործեր չեն ներկայացված, հետաքրքրվողներն էլ քիչ չեն լինում, միայն թե ցանկացողների մի մասի ցածր վճարունակությունը թույլ չի տալիս ձեռք բերել նախընտրած ձեռքի աշխատանքը։ Ըստ այդմ՝ որոշ խաղալիքներ տիկին Ալինան նախատեսածից ցածր գնով է վաճառում։ Նման դեպքերում, թերևս, ամենամեծ մխիթարությունը սիրած մուլտֆիլմի հերոսին գրկած շողացող աչքերով մանուկն է լինում…

Լիլիթ ՊՈՂՈՍՅՍՆ

Լրահոս
Լարսը բաց է միայն բեռնատար տրանսպորտային միջոցների համար Այսօր Ապրիլյան քառօրյա պատերազմի չորրորդ տարելիցն է «Ժողովուրդ»․ Ինչո՞ւ չենք նկատում Երևանի քաղաքապետի ու Առողջապահության նախարարության համագործակցություն «Փաստ»․ Տնտեսական ճգնաժամը կարող է ավելի վտանգավոր լինել, քան բուն համավարակի տարածումը «Ժողովուրդ»․ Ապրիլյան պատերազմից 4 տարի անց․ ինչ ունենք այսօր «Փաստ»․ Տնտեսական բալանսը լիովին խախտվել է․ ի՞նչ քայլեր են անհրաժեշտ «Հրապարակ»․ Չնայած միջազգային կառույցների հորդորներին՝ Հայաստանում անշեղորեն նվազեցնում են ազատություններն ու իրավունքները «Հրապարակ»․ Բժիշկ-բուժքույրերի աշխատավարձը վերջին շրջանում բարձրացել է, դեռ ավելի է բարձրանալու «Փաստ»․ Կլուծվի աղետի գոտում շահառու ճանաչված 228 ընտանիքի բնակարանային խնդիրը «Փաստ»․ Մեկուսացումը հաղթահարելու ուղիղ ճանապարհը սեփական կայացած ավիացիա ունենալն է ՕՐՎԱ ԽՈՐՀՈՒՐԴԸ: Ապրիլի 2 Սորոսանմաններն այնտեղ շանս չունեն. հանգիստ եղեք... Հրանտ Մելիք-Շահնազարյան Իտալիայում կորոնավիրուսից մահացածների թիվը գերազանցել է 13 000-ը. ТАСС Պուտինն ու Էրդողանը հեռախոսազրույց են ունեցել Հայրենասերը կարող է ընտրվել, բայց միայն եթե շատ լավ խաբեբա է, իսկ Բալասանյանը էդ գործում շատ վատն է. Արթուր Դանիելյան Հայաստանում տեղի են ունենում աննորմալ երևույթներ. Երվանդ Վարոսյան Հայաստանից եկած Արցախի 2 քաղաքացիներ մեկուսացված են ՀՀ Գեղարքունիքի մարզ մուտք գործող ավտոճանապարհներին գործելու են հսկիչ կետեր «Նորք» ինֆեկցիոնում կորոնավիորւսով վարակված 89-ամյա քաղաքացի է մահացել Հայաստան-Արցախ ճանապարհները մինչև ապրիլի 12-ը քաղաքացիների համար փակ կլինեն Վլադիմիր Պուտինը Հայաստանի վերաբերյալ պրոտոկոլ է վավերացրել Սերժ Սարգսյանն ու Հրայր Թովմասյանը ներկա են եղել Արիաննե Կաոլինիի հոգեհանգստի արարողությանը Նախկին հանրապետական պատգամավորը նշանակվեց դատավոր Բելառուսը 3 ամսով արգելել է սոխի, սխտորի և հնձկաձավարի արտահանումը Մինչև մանրամասն չներկայացնեն, թե ինչ նպատակով է օգտագործվում այդ տեղեկությունը, դժվար է գնահատել դրա խելամտությունը․ Դ․ Հարությունյան Պաշտոնյաների աշխատավարձները բարձրացել է 500.000-ից մեկ միլիոն դրամով, իսկ թոշակառուների թոշակը՝ 3000 դրամով Պուտինը հրաժարվել է ձեռքսեղմումներից Պարսյան. Կազմակերպությունների համար բնական գազի սակագինը ավելանում է Թոքաբորբից օպերայի և բալետի ազգային ակադեմիական թատրոնի երգչուհի է մահացել Բակո Սահակյանը ՀՀ ՀՌՀ պատվիրակության հետ քննարկել է հեռահաղորդակցության ոլորտում փոխգործակցությանը վերաբերող հարցեր Ռուստամ Բադասյանը, ըստ էության, չբացառեց, որ քաղաքացիների մասին տվյալները կարող են հայտնվել հաքերների մոտ Ռուսաստանցի միլիարդատերը հիվանդանոցներ կկառուցի՝ կորոնավիրուսով վարակված պացիենտների համար Իրանում կորոնավիրուսի հետևանքով մահացածների թիվը գերազանցել է երեք հազարը. РИА Новости ՀՀ արդարադատության նախարար Ռուստամ Բադասյանի ասուլիսը՝ ուղիղ Արցախում ընտրությունները եղել են ժողովրդավարական չափանիշներին համապատասխան. «Իրավական կրթություն և վերահսկողություն» ՀԿ Արցախի նախագահի ընտրությունների երկրորդ փուլին մասնակցելու են Արայիկ Հարությունյանն ու Մասիս Մայիլյանը Չինացի գիտնականները գտել են կորոնավիրուսը բուժելու նոր միջոց: Gazeta.ru Տիգրան Ավինյանը նոր որոշում է ստորագրել ՀԱՊԿ գլխավոր քարտուղարը մտահոգ է կազմակերպության անդամ-պետության սահմանին զինված միջադեպով Ադրբեջանում կորոնավիրուսով վարակվածների թիվը ավելացել է. Minval.az
Խմբագրի ընտրություն
website by Sargssyan