AM | RU
USD
EUR
RUB

Հայաստանի ԱԳՆ-ում «միլիոններ բերող» Գրիգորյանին «մեծ կոմբինատոր» են անվանում և խորհուրդ տալիս լուրջ չընդունել նրա հայտարարությունները

 

ԵՐԵՎԱՆ, 4 ՀՈՒԼԻՍԻ, Times.am: «EU-ASIA Business Finance Centre» շքեղ անվանումով հոլդինգի նախագահ, Սլովակիայում բնակվող գործարար Աշոտ Գրիգորյանը, ով հայտնի է տարին մեկ-երկու անգամ Հայաստան ժամանելով ու «միլիոնների ներդրումներ» խոստանալով, արդեն սկսել է ակնհայտ նեղացկոտություն ցուցաբերել ՀՀ վարչապետ Նիկոլ Փաշինյանի նկատմամբ, ով, ըստ նրա, դեռևս չի «ընդունել իր ղեկավարած հզոր ներդրողների խմբին»:

Վարչապետին ամենայն հավանականությամբ զեկուցել են, որ «EU-ASIA Business Finance Centre» անունով ընկերություն պարզապես գոյություն չունի, իսկ Գրիգորյանն էլ այդ անունն օգտագործում է պարբերական գաստրոլներ տալու և այն իբրև շանտաժ օգտագործելու համար: Պարզ է, որ դրանից հետո հանդիպման մերժումները Գրիգորյանին դրել են անհարմար վիճակի մեջ, և վերջինս արդեն սկսել է անուղղակի կսմիթներ ուղղել նաև կառավարության ղեկավարի ուղղությամբ:

Ընդհանրապես, Գրիգորյանը հայտնի է իր ցեխարձակումներով տարբեր գործիչների նկատմամբ, ովքեր չեն ցանկացել դառնալ նրա ավանտյուրաների զոհը: Վերջին թիրախը դարձավ Չեխիայում Հայաստանի դեսպան Տիգրան Սեյրանյանը, ում Գրիգորյանը մեղադրեց «ՀՀԿ-ական գործիչների համար գույք ձեռք բերելու մեջ»: Դրանից առաջ նույն Գրիգորյանի «զոհն էր» նախկին վարչապետ Կարեն Կարապետյանն ու նրա տնտեսական թիմը, ովքեր շատ արագ պարզել էին, որ «Նաիրիտի» հարցով Գրիգորյանի խոստացած ներդրումները դասական փուչիկ էր:

Սլովակահայ «Օստապ Բենդերի» վոյաժներն այն աստիճան զզվեցրին Հայաստանի իշխանություններին, որ ՀՀ ԱԳՆ մամլո քարտուղար Տիգրան Բալայանը երկուշաբթի իր բրիֆինգի ժամանակ խորհուրդ տվեց լրագրողներին ընդհանրապես չլուսաբանել այդ անձնավորությանը, նրան անվանելով «մեծ կոմբինատոր»:

«Ես, կարծեմ, առիթ ունեցել եմ նաև այս ճեպազրույցների ժամանակ անդրադառնալու դրան առնչվող մի հարցի և մեծ կոմբինատորի համբավ ունեցող անձնավորության կողմից գրված կամ մատուցվող տեղեկատվությանը, նորից կրկնում եմ, լուրջ մի վերաբերվեք: Կարծեմ մայիսին էր, Աշոտ Խուրշուդյանը մի լավ ուսումնասիրություն էր հրապարակել իր ֆեյսբուքում կամ պարբերականներից մեկում այդ անձնավորության վերաբերյալ: Այդ նույն «հոդվածի» մեջ մարդը, եթե իր վրա է վերցնում, ասում է. «Իմ ջանքերով Սաֆարովը դատապարտվեց ցմահ ազատազրկման» արդեն հաշվի վերցրեք:

Ով Սաֆարովի դատավարությանն առնչվել է, փայլուն կարող է ներկայացնել այդ անձնավորության գործունեությունը կամ ցանկալին իրականության տեղ մատուցելուն ուղղված գործունեությունը և գործողությունները Սաֆարովի դատավարության ժամանակ, այդ մարդիկ հայտնի են, ես չեմ մանրանա ուղղակի մտնեմ մանրամասների մեջ։ Այդ մարդկանց, խնդրում եմ, հարցրեք, թե ո՞վ էր, այսպես ասած չակերտավոր Պանիկովսկին հեղափոխությունից առաջ, Ձեզ բավականին մանրամասն կներկայացնեն նրա գործունեությունը։ Գիտեք, այդ անձնավորությունը գալիս է, միլիարդավոր ինչ-որ ներդրումների հնարավորությունների մասին է խոսում և այլն, այդ անձնավորությունը գալիս է, ինչ-որ гостролер-ի տպավորություն է թողնում։ Ես նորից եմ խորհուրդ տալիս հատկապես նման անձնավորությունների տված տեղեկատվությանը լուրջ մի վերաբերվեք», - նշել էր Տիգրան Բալայանը:

Սա, բնականաբար, առաջին դեպքը չէ, որ Գրիգորյանի մասով նման հայտարարություններ են հնչում: Չնայած դրան, Հայաստանում կան լրատվամիջոցներ, ովքեր ջանասիրաբար լուսաբանում են «մեծ կոմբինատորին»: Նմանատիպ անձնավորությունների լցրած տեղեկատվական աղբը լուսաբանելն էլ, ինչ խոսք, լրագրողական էթիկայի ուղիղ խախտում է:

Գառնիկ ԳԱԼՍՏՅԱՆ

Լրահոս
Կալանավորումների ալիք՝ Թուրքիայի բանակում և արտգործնախարարությունում Ավարտվել է Բակո Սահակյանի և «Իմ քայլը» խմբակցության պատգամավորների հանդիպումը Ռոբերտ Քոչարյանի համար երաշխավորագիր ներկայացնելը լրացուցիչ լարվածություն առաջացնելու նպատակ չէր հետապնդում. Բակո Սահակյան (Տեսանյութ) Հայտնի է դարձել՝ ինչ հիմքով է դատավորը կասեցրել Մարտի 1-ի գործի վարույթը և դիմել ՍԴ Բացառում եմ, որ մենք ունենանք այդպիսի լարվածություն. Բակո Սահակյան ՀՅԴ-ն հանրահավաք է հրավիրում Ազատության հրապարակում Քոչարյանի և մյուսների գործով վարույթը կասեցվել է. այն ուղարկվել է Սահմանադրական դատարան Սորոսի «օգնությունը» Հայաստանին՝ անցումային արդարադատությամբ Միհրան Հակոբյան. Նիկոլ Փաշինյանն իր պատգամավորներին թույլ չի տալիս կայանալ Դավիթ Բալայանը դատարան մուտքին խոչընդոտելու փաստով հանցագործության մասին հաղորդում է ներկայացվել «Սվիտալ-Սիկ» սա է մեր մեսիջը. Արթուր Դանիելյան «Այդպիսի բան մի՛ արեք». Freedom House-ի ծրագրերի տնօրենը դատապարտել է Փաշինյանի՝ դատարանների մուտքերը փակելու կոչը Զելենսկին պաշտոնապես ստանձնել է Ուկրաինայի նախագահի պաշտոնը ԲՀԿ-ն Փաշինյանին հորդորում է չեղարկել իր կոչը Կոչ ենք ուղղում մեր ժողովրդի բոլոր զավակներին ցուցաբերել հանդարտություն, զերծ մնալ բռնություններից. Գարեգին Բ-ն ուղերձ է հղել «Հայաստանը օկուպացիայի տակ է». Ակցիա Եվրամիության գրասենյակի դիմաց (Տեսանյութ, լուսանկարներ) Երևանում կայծակի հետևանքով տրոլեյբուս է այրվել Ի՞նչ է կատարվում դատարանների դիմաց «Իմ քայլը» խմբակցության պատգամավորները վախենում են խոստովանեն իրենց մասնակցությունը Սահմանադրական դատարանի մոտ իրավիճակը լարված է Ահազանգ․ խառնամբոխն արդեն իսկ հասցրել է կոտրել դատարանների ապակիները. Ռուբեն Մելիքյան Դատավոր Բալայանն ընկել է պատուհանից ՈւՂԻՂ․ Երևանում արգելափակում են դատարանների շենքերը Սա պատերազմ է մեր պետականության դեմ ՕՐՎԱ ԽՈՐՀՈՒՐԴԸ: Մայիսի 20 ՀՀ մարդու իրավունքների պաշտպանը հանդես է եկել հայտարարությամբ Ինչու են ոստիկանները կանգնեցրել Վիտալի Բալասանյանի ավտոմեքենան. ՈՒՂԻՂ Արմեն Սարգսյանի հայտարարությունը Հայաստանի Հանրապետական կուսակցության Գործադիր մարմնի հայտարարարությունը Վարչապետի հրահանգը քրեաիրավական գնահատմամբ, Սահմանադրական կարգի տապալում է Արշավիր Ղարամյան. Լևոն Հայրապետյանի ծանր օրերին, նախագահ Սահակյանն արել է ամեն ինչ՝ հնարավորն ու անհնարինը. Տեսանյութ Ովքե՞ր են ատելություն տարածում արցախցիների դեմ Ազատության հրապարակում հարձակվել են Հրանտ Մարգարյանի վրա Դատարանը չբավարարեց Թվադյանին կալանավորելու վերաբերյալ քննիչի միջնորդությունը Աֆղանստանում պայթյունի հետևանքով հինգ երեխա է մահացել Առաջիկայում Ռոբերտ Քոչարյանը հնարավորություն կունենա հանդիպել իր աջակիցների հետ. Վիկտոր Սողոմոնյան ՀՅԴ ԳՄ. Գործադիր իշխանությունը պարտավոր է հետևողական միջոցներ ձեռնարկել Երկրաշարժ՝ Հայաստանում Ռոբերտ Քոչարյանի փաստաբանը մեկնաբանեց խափանման միջոցը փոխելու մասին դատարանի որոշումը Ռոբերտ Քոչարյանը ազատ կարձակվի
Խմբագրի ընտրություն
website by Sargssyan