Ադրբեջանում բռնկված խոշոր հրդեհը շարունակվում է
30/07/2018 13:52
Նմանատիպ
ԵՐԵՎԱՆ, 30 ՀՈՒԼԻՍԻ, Times.am: Ադրբեջանի բնապահպանության նախարարության հաղորդմամբ՝ դեռևս չի հաջողվում մարել Ալտիագաչի ազգային պարկում բռնկված հրդեհը:
Այս մասին հայտնում են ադրբեջանական ԶԼՄ-ները:
Հաղորդագրության համաձայն՝ հրդեհի մարման աշխատանքներին մասնակցում են բնապահպանության նախարարության, արտակարգ իրավիճակների նախարարության համապատասխան ստորաբաժանումները, ինչպես նաև ավիացիան:
Հրդեհի մարմանը խոչընդոտում են ինչպես լեռնային անհարմար տեղանքը, այնպես էլ շոգ և քամոտ եղանակը:
Ադրբեջանի իրավապահ մարմինների հաղորդմամբ, քայլեր են ձեռնարկվում հրդեհի բռնկման մեջ մեղավոր անձանց հայտնաբերելու ուղղությամբ:
Հետևեք մեզ նաև Telegram-ում