ԱԺ արտահերթ ընտրությունների անցկացման համար ԿԸՀ-ին, Ոստիկանությանն ու Արդարադատության նախարարությանը գումարներ կհատկացվեն
Նմանատիպ
ԵՐԵՎԱՆ, 8 ՆՈՅԵՄԲԵՐԻ, ԱՐՄԵՆՊՐԵՍ: ՀՀ կառավարության որոշմամբ դեկտեմբերի 9-ին կայանալիք ԱԺ արտահերթ ընտրությունների անցկացման համար Կենտրոնական ընտրական հանձնաժողովը, Ոստիկանությունն ու Արդարադատության նախարարությունը կառավարության պահուստային ֆոնդից դրամական միջոցներ կստանան:
«Արմենպրես»-ի փոխանցմամբ` այսպիսի որոշում կայացվեց նոյեմբերի 8-ին կայացած կառավարության նիստում:
«Առաջարկվում է 2018 թվականի դեկտեմբերի 9-ին կայանալիք Հայաստանի Հանրապետության Ազգային ժողովի արտահերթ ընտրությունների նախապատրաստման և անցկացման ծախսերը ֆինանսավորելու համար ՀՀ կենտրոնական ընտրական հանձնաժողովին 2018 թվականին հատկացնել 2 մլրդ 707 մլն 144 հազար դրամ, Արդարադատության նախարարությանը հատկացնել 10 մլն դրամ, Ոստիկանությանը հատկացնել 234 մլն 224.8 հազար դրամ»,- ասաց Արդարադատության նախարարի պաշտոնակատար Արտակ Զեյնալյանը:
Հետևեք մեզ նաև Telegram-ում