AM | RU
USD
EUR
RUB

Նյու Յորքի Արևելք-Արևմուտք ինստիտուտի հերթական տարեկան հանդիպումներից մեկը կանցկացվի Հայաստանում

 

ԵՐԵՎԱՆ, 8 ՆՈՅԵՄԲԵՐԻ, ԱՐՄԵՆՊՐԵՍ: Օրերս Հայաստանում էր Նյու Յորքում գտնվող Արևելք-Արևմուտք ինստիտուտի գլխավոր գործադիր տնօրեն և նախագահ Քեմերոն Մունթերը: Ինչպես հաղորդում է «Արմենպրես»-ը, Երևանում նա մի շարք հանդիպումներ է ունեցել վերլուծական և հետազոտական կենտրոնների ներկայացուցիչների հետ, այդ թվում՝ եղել է Երևանի պետական համալսարանի Եվրոպական հետազոտությունների կենտրոնում, Մարդկային զարգացման միջազգային կենտրոնում, «Գլոբալ դայլոգ ֆորում» կազմակերպությունում, քննարկել համագործակցության հնարավորությունները:

Խոսելով այցի և քննարկումների արդյունքների մասին՝ Քեմերոն Մունթերը տեղեկացրել է, որ հաջորդ տարի ինստիտուտի հերթական տարեկան հանդիպումներից մեկը կանցկացվի Հայաստանում: Նախկինում դրանք կազմակերպվել են Բեռլինում, Ամմանում: «Սա կլինի հնարավորություն ոչ միայն տեսնել Երևանն ու համտեսել աշխարհի լավագույն ուտելիքը, այլև դիտարկել տարածաշրջանի խնդիրները: Մեր քննարկման շրջանակում կարող են լինել Իրանը, Ռուսաստանը, Թուրքիան: Մեր տնօրենների խորհրդի կազմը, որի մեջ են հայտնի անձինք ողջ աշխարհից, մայիսին կլինի այստեղ: Մենք շատ անելիքներ ունենք ու հպարտ ենք համագործակցել Հայաստանի հետ»,-ասել է Արևելք-Արևմուտք ինստիտուտի գլխավոր գործադիր տնօրենն ու նախագահը:

«Մենք փնտրում ենք կամուրջներ, որոնք մշակութային ու աշխարհագրական տեսանկյուններից ավանդական չեն, այլ՝ խնդիրները կարգավորելու նոր տարբերակներ են: Մենք փնտրում ենք նորարարական ուղիներ՝ փորձելու լուծել խնդիրներն այնպես, ինչպես մյուսները չեն արել»,-նշել է Քեմերոն Մունթերը և հավելել. «Հայաստանի նախագահ Արմեն Սարգսյանն այն մարդն է, ով առաջ է քաշել քվանտային դիվանագիտության գաղափարը, որով մենք հետաքրքրված ենք: Քվանտային դիվանագիտության պարագայում դու զբաղվում ես դիվանագիտությամբ ոչ այն ավանդական ձևով, ինչպես մյուսները»:

Քեմերոն Մունթերի խոսքերով, իրենք զբաղված են նորարարական մոտեցումների մշակմամբ և շատ ուրախ են, որ այս հարցում կհամագործակցեն հայ գործընկերների հետ:

Արևելք-Արևմուտք ինստիտուտի գլխավոր գործադիր տնօրենն ու նախագահը համոզված է, որ 21-րդ դարի քաղաքականությունը հաստատապես միայն սև ու սպիտակ չի լինելու: «Սա է այս քվանտային էության ֆիզիկական իմաստը: Դու չես կարող երկրին պարզապես ասել՝ արա սա կամ նա: Դու պետք է հասկանաս, թե ինչ գոյություն ունի այդ երկուսի միջև, ինչ ճանապարհով կարելի է փորձել վերաիմաստավորել այս հարցը՝ գտնելու ստեղծարար ուղիներ այն լուծելու համար:

Երկրորդը. պետք է գտնել այլ գործող անձանց: Այսինքն, նրանք արդեն միայն դիվանագետներն ու կառավարությունների ներկայացուցիչները չեն: Հասարակական կազմակերպությունները, համալսարանները մեր ժամանակների նոր դիվանագետներն են: Քաղաքացիական հասարակության առաջնորդները, երկրի երիտասարդությունը նոր դիվանագետներն են, ովքեր սկսում են մտածել նախկինից տարբերվող հարցերի շուրջ»,- ասում է Քեմերոնը:

Քեմերոն Մունթերն անդրադարձել է նաև Հայաստանի Հանրապետության Արմեն Սարգսյանին Արևելք-Արևմուտք ինստիտուտի՝ Էդվին Մրոզի անվան մրցանակի արժանացնելու հարցին. «Արմեն Սարգսյանը մեզ համար մեկն է, ով երկար տարիներ աշխատել է որպես կամուրջներ կառուցող՝ ինչպես Լոնդոնում դիվանագետ լինելու, այնպես էլ կառավարությունում իր գտնվելու տարիներին: Մենք երկար տարիներ ճանաչել ենք նրան և նրա կատարած աշխատանքը: Նա այն մարդն է, ով միավորում է, և դա ապացուցեց այս տարի ավելի վաղ տեղի ունեցած իրադարձությունների ժամանակ, երբ Հայաստանում լարվածություն կար: Նա ամեն ջանք գործադրեց՝ պահպանելու մարդկանց հանգստությունը: Այս վիճակը ինձ հիշեցրեց այն հերոսական անձանց, ում որպես դիվանագետ հանդիպել եմ 1989 թվականին Կենտրոնական ու Արևելյան Եվրոպայում: Իրադրությունը կարող էր հանգել բռնության, սակայն որոշ մարդիկ, ինչպիսին է նաև Արմեն Սարգսյանը, հանդարտեցրին իրավիճակը:

Կան երկու տարրեր՝ պատմությունը, կամուրջներ կառուցելը և տվյալ անհատը, ով կարողանում է պահպանել հեղինակությունն ու խաղաղությունը: Սա մեր ինստիտուտում մշտապես հարգանքի է արժանանում: Ովքեր նախկինում արժանացել են այս մրցանակին, այդ թվում՝ Հելմութ Քոլը, Քոֆի Անանը, Բան Կի Մունը, Հենրի Քիսինջերը, նրանց շարքում նաև՝ Արմեն Սարգսյանը, մարդիկ են, ովքեր պահպանել են խաղաղությունը և հնարավորությունը՝ խոսել հարցերի մասին գիտակցված, տրամաբանված ձևերով, այլ ոչ թե բռնության միջոցով:

Արմեն Սարգսյանը մշտապես փորձել է կապել երկրներն ու ժողովուրդները, հենց սրա համար էլ արժանացել է մրցանակին: Մեզ համար մեծ պատիվ է հնարավորություն ունենալ շարունակել աշխատանքը նրա հետ»:

 

 

Լրահոս
«Հրապարակ». Հարցազրույցից հետո ԱԺ նախկին նախագահին հրավիրել են ՀՔԾ՝ բացատրություն տալու «Փաստ». Մսի սակավությունն ազդել է նաև մսամթերք արտադրող ընկերությունների արտադրության վրա Մահացել է ՊԲ պայմանագրային զինծառայող «Փաստ». Փոխատեղումներ՝ դիվանագիտական կորպուսում «Հրապարակ». ՀՔԾ-ն երկուշաբթի օրվանից սկսել է գաղտնալսել Հրայր Թովմասյանին «Հրապարակ». ՍԴ նախագահին վերագրվող գույքի իրական սեփականատերը ժամանել է Հայաստան՝ հարցաքննվելու ՕՐՎԱ ԽՈՐՀՈՒՐԴԸ: Հունվարի 22 Հայտնի է ՌԴ նոր կառավարության կազմը. վարչապետ Միշուստինը 9 տեղակալ կունենա Պուտինը լուծարել է նախարարություններից մեկը Տեղի է ունեցել հայաստանյան եպիսկոպոսների և թեմակալ առաջնորդների ժողով 2020 թ. գնաճը կլինի 4.5%, բնակչությունը զգալի կորուստներ կունենա. Սուրեն Պարսյան (տեսանյութ) Իրանի դեղին քարտը Փաշինյանին. Արմեն Աշոտյան Սերգեյ Շոյգուն կմնա Ռուսաստանի նոր կառավարության կազմում Գարիկ Սարգսյանը բողոքի ակցիայի մասնակից մսավաճառներին խոստացավ, որ իրենց խնդրի լուծումը կտա վարչապետը Դոնալդ Թրամփը չգիտի, որ Հնդկաստանը սահման ունի Չինաստանի հետ Իսպանիայի իշխանություններն արտակարգ կլիմայական իրավիճակ են հայտարարել երկրում Չէ տղերք, դուք նակխինների վերադարձից չեք այդքան վախենում... Եթե Սահմանադրության փոփոխություններ լինեն, առաջին հերթին պետք է վարչապետի լիազորությունները կրճատվեն. Իշխան Սաղաթելյան ՀՀ-ում սորոսական արդարադատության նշանակությունը ոստիկանական զորքերն են Անասնաբույծները և մսավաճառները հանդիպում են Արարատի մարզպետ Գարիկ Սարգսյանի հետ․ ուղիղ Եթե մեր խնդիրը չլուծվեց, երեխաներին դպրոցից կհանենք ու դուրս կգանք պայքարի. անասնապահներ (տեսանյութ) Մարիամ ջան, պապային տանը հարց տուր` ինչո՞ւ այսպես եղավ, ո՞վ է ստեղծել այս գռեհիկ ալիքները ԱԺ-ում հայտարարությունների ժամ է․ ուղիղ Արմեն Թավադյանը կմնա կալանավորված Կիսանախագահական կառավարման համակարգի անցնելու մտադրություն չկա․ Ռուստամ Բադասյան Խորհրդակցություն՝ Նիկոլ Փաշինյանի մոտ Նիկոլ Փաշինյանը 4 նոր նշանակում է արել Նիկոլ Փաշինյանը համալրում է մեր շարքերը. Լևոն Քոչարյան (լուսանկար) Դատարանը թույլ չտվեց Մանվել Գրիգորյանին տեղափոխել Ֆրանսիա Սերժ Սարգսյանի նկատմամբ իրականացվում է քաղաքական հետապնդում. Ս. Սարգսյանի փաստաբանական թիմ Հորդորում եմ Գորգիսյանին իշխանություններին հաճոյանալու համար նրանցից ոչ մեկին այլևս ինձ հետ չհամեմատել Առաջիկա օրերին հանրապետության տարածքում ջերմաստիճանը կբարձրանա, այնուհետև կնվազի Կեսարիայի հայկական ժայռափոր եկեղեցին ավերվել է գանձագողերի կողմից (լուսանկարներ, տեսանյութ) Կարեն Քոչարյան. Պետք է նստել սեղանի շուրջ ու բանակցել «Մեդիա Պաշտպան»-ը կոչ է անում լրատվականներին մնալ բարոյականության սահմաններում Գազի գնի թանկացման համար վճարվելու է սպառողի գրպանից Ռոբերտ Քոչարյանի և Արմեն Գևորգյանի փաստաբանները հրաժարվել են մասնակցել այսօրվա դատական նիստին Անասնաբույծները և մսավաճառները փակել են Էջմիածին-Աշտարակ ճանապարհը. բողոքի ակցիան՝ ուղիղ Ասուլիս՝ ԱԱԾ նախկին տնօրեն Գեորգի Կուտոյանի մահվան դեպքի վերաբերյալ․ ՈՒՂԻՂ ՀՀ երկրորդ նախագահ Ռոբերտ Քոչարյանի և մյուսների գործով հերթական նիստը. ՏԵՍԱՆՅՈՒԹ
Խմբագրի ընտրություն
website by Sargssyan