Պուտինը համաձայն է ԻՊ-ին հաղթելու Թրամփի հայտարարության հետ

Պուտինը համաձայն է ԻՊ-ին հաղթելու Թրամփի հայտարարության հետ

ԵՐԵՎԱՆ, 20 ԴԵԿՏԵՄԲԵՐԻ, Aysor.am: ՌԴ նախագահ Վլադիմիր Պուտինը համաձայն է ԱՄՆ-ի առաջնորդ Դոնալդ Թրամփի այն գնահատականին, որ ընդհանուր առմամբ «Իսլամական պետություն» (Ռուսաստանում արգելված) ահաբեկչական խմբավորումը Սիրիայում հաղթված է: Այս մասին նա ասել է ամենամյա մեծ ասուլիսի ժամանակ::

«Ինչ վերաբերում է ԴԱԻՇ-ի նկատմամբ հաղթանակին, ընդհանուր առմամբ ես համաձայն եմ ԱՄՆ ղեկավարի հետ, – ասել է Պուտինը: –Մենք զգալի փոփոխությունների ենք հասել այդ տարածքում ահաբեկչության դեմ պայքարի գործում և Սիրիայում լուրջ հարվածներ ենք հասցրել ԴԱԻՇ-ին»:

Պուտինը նաև նախազգուշացրել է Սիրիայից այլ երկրներ ահաբեկչական ակտիվության տեղափոխման վտանգի մասին:

Մամուլի ասուլիսի ընթացքում Պուտինը նաև հայտարարել է, որ ճիշտ է համարում Սիրիայից զորքերը դուրս բերելու ամերիկյան վարչակազմի ղեկավար Դոնալդ Թրամփի որոշումը:

Հետևեք մեզ նաև Telegram-ում