Մերժվեց դատավորի ինքնաբացարկի վերաբերյալ Ռոբերտ Քոչարյանի պաշտպանական խմբի միջնորդությունը

Մերժվեց դատավորի ինքնաբացարկի վերաբերյալ Ռոբերտ Քոչարյանի պաշտպանական խմբի միջնորդությունը

Դատարանը մերժեց ՀՀ երկրորդ նախագահ Ռոբերտ Քոչարյանի՝ պաշտպանական խմբի ինքնաբացարկի վերաբերյալ միջնորդությունը։

«Պատճառաբանվեց, որ Արամ Օրբելյանի հետ դատավոր Արթուր Մկրտչյանի կապերն այնքան մտերիմ չեն, որ դա ազդի իր անաչառության վրա», – լրագրողների հետ զրույցում ասաց Ռոբերտ Քոչարյանի փաստաբան Հայկ Ալումյանը։

Հիշեցնենք, որ այսօր պաշտպանական խումբը ինքնաբացարկի միջնորդություն էր ներկայացրել գործը քննող դատավոր Արթուր Մկրտչյանին։

«Ինքնաբացարկի միջնորդություն ենք ներկայացրել՝ հիմք ընդունելով նախագահող դատավորի ու իմ, իր ընտանիքի ու իմ միջև առկա որոշակի կապը», – լրագրողներին ասել է Քոչարյանի պաշտպաններից Արամ Օրբելյանը։

ՀՀ երկրորդ նախագահ Ռոբերտ Քոչարյանի նկատմամբ խափանման միջոց ընտրված կալանավորումն այլընտրանքային խափանման միջոց գրավով փոխարինելու վերաբերյալ պաշտպանական խմբի ներկայացրած միջնորդությունը, ինչպես նաև ՀՔԾ քննիչի կողմից Ռոբերտ Քոչարյանի նկատմամբ խափանման միջոց կալանավորումը ևս երկու ամիս ժամանակով երկարացնելու վերաբերյալ միջնորդությունը կքննվի վաղը։

 

Հետևեք մեզ նաև Telegram-ում