Էդմոն Մարուքյանն առաջարկում է Ոստիկանությունն ու ԱԱԾ-ն դարձնել նախարարություններ
Նմանատիպ
ԵՐԵՎԱՆ, 17 ՀՈՒՆՎԱՐԻ, ԱՐՄԵՆՊՐԵՍ: ՀՀ ոստիկանությունն ու Ազգային անվտանգության ծառայությունը պետք է դառնան նախարարություններ:
«Արմենպրես»-ի փոխանցմամբ` հունվարի 17-ին Ազգային ժողովում լրագրողների հետ զրույցում այսպիսի կարծիք հայտնեց «Լուսավոր Հայաստան» խմբակցության ղեկավար Էդմոն Մարուքյանը:
«Կառավարության կառուցվածքը փոփոխելու հարցը շրջանառելիս հասարակության ուշադրությունը բևեռել են Սփյուռքի և Մշակույթի նախարարության վրա, բայց այստեղ կարևոր է Ոստիկանության, ԱԱԾ-ի ու հարկահավաք մարմնի հարցը, որոնք պիտի լինեն խորհրդարանական վերահսկողության տակ: Մեծ հաշվով ինձ մյուսներն ավելի քիչ են հետաքրքրում պետականաշինության տեսանկյունից, քան մյուսները, եթե ուզում ենք ունենալ ժողովրդավարական երկիր: Ոստիկանությունն ու ԱԱԾ-ն պետք է դառնան նախարարություններ, Սահմանադրությունը թույլ է տալիս ունենալ մինչև 18 նախարարություն»,- ասաց Մարուքյանը:
Նա նշեց, այդ փոփոխություններից հետո էլ դրանք, միևնույն է, մնալու են վարչապետի ենթակայության տակ:
Հետևեք մեզ նաև Telegram-ում