Փարիզում ոստիկանությունը ցուցարարների նկատմամբ արցունքաբեր գազ է կիրառել

Փարիզում ոստիկանությունը ցուցարարների նկատմամբ արցունքաբեր գազ է կիրառել

ԵՐԵՎԱՆ, 9 ՓԵՏՐՎԱՐԻ, ԱՐՄԵՆՊՐԵՍ: Ֆրանսիայի իրավապահ մարմինների աշխատակիցները ստիպված են եղել պաշտպանվել «դեղին բաճկոնավորներ»-ի գործողություններից: Վերջիններս իրավապահների ուղղությամբ քարեր և շշեր են նետել:

«Արմենպրես»-ի հաղորդմամբ, ՏԱՍՍ գործակալությունը տեղեկացնում է, որ Փարիզում ոստիկանությունը մի քանի անգամ կիրառել է արցունքաբեր գազ ցուցարարների նկատմամբ, որոնք հավաքվել էին Ելիսեյան պալատի հարևանությամբ գտնվող հրապարակում:

Նշվում է, որ միևնույն ժամանակ մեծ թվով ցուցարարներ շարժվում են Մոնտեն պողոտայի ուղղությամբ: Ակցիան անցնում է խաղաղ, ընթացքը կարգավորում են ոստիկանության աշխատակիցները:

Ֆրանսիայում մի խումբ ապրանքների գների բարձրացման դեմ «դեղին բաճկոնավորներ»-ի շարժումը Ֆրանսիայում սկսվել է 2018 թվականի նոյեմբերի 17-ից:

Հետևեք մեզ նաև Telegram-ում