Թալանել են Մանվել Գրիգորյանի որդու առանձնատունը
26/02/2019 11:14
Նմանատիպ
ԵՐԵՎԱՆ, 26 ՓԵՏՐՎԱՐԻ, Panorama.am: Թալանել են Մանվել Գրիգորյանի որդու՝ Էջմիածնի նախկին քաղաքապետ Կարեն Գրիգորյանի առանձնատունը։ Panorama.am-ը ոստիկանության լրատվական ծառայությունից տեղեկացավ, որ դեպքը տեղի է ունեցել փետրվարի 23-ին։
«Ոստիկանություն դիմել են փետրվարի 24-ին։ Դիմել է Կարեն Գրիգորյանի կինը։ Օգտվելով իրենց՝ տանը չլինելու հանգամանքից, Արշալույս գյուղի 17-րդ փողոցում գտնվող առանձնատան առաջին հարկի խոհանոցի պատուհանի ճաղավանդակը տեխնիկական միջոցների գործադրմամբ կոտրելու և պատուհանը բացելու միջոցով մուտք են գործել բնակարան, գողացել են տարբեր տեսակի առարկաներ»,- հայտնեցին ոստիկանությունից։
Նաև հավելեցին, որ դեպքի վայր են մեկնել Հայաստանի քննչական կոմիտեի Արմավիրի մարզային քննչական վարչության Վաղարշապատի քննչական բաժնից։
Հետևեք մեզ նաև Telegram-ում