«Հրապարակ». Վոլոդինի հետ հանդիպումը՝ հաջորդ անգամ

«Հրապարակ». Վոլոդինի հետ հանդիպումը՝ հաջորդ անգամ

«Հրապարակ» թերթը գրում է. «ԱԺ նախագահների առաջին այցը, ավանդաբար, դեպի Մոսկվա է եղել: Այդպես է նաև Արարատ Միզոյանի դեպքում, սակայն վերջինիս այցն ուշագրավ արարողակարգային-բովանդակային նյուանս ունի. մինչ այժմ ԱԺ նախագահների` Հովիկ Աբրահամյանի, Գալուստ Սահակյանի, Արա Բաբլոյանի այցերը կազմակերպվում էին այնպես, որ վերջիններս համաժամանակյա հանդիպեն ՌԴ Պետդումայի երկու պալատների ղեկավարների հետ` և՛ Դաշնային խորհրդի վերին պալատի, և՛ սենատի, այն է` Պետդումայի սփիքեր Վյաչեսլավ Վոլոդինի հետ։

«Սակայն Վոլոդինի հետ Արարատ Միրզոյանի հանդիպում նախանշված չէ. հաշվի առնելով ռուսաստանյան բարդ, կայսրական պրոտոկոլը, սա հաստատապես պատահական չէր կարող լինել։ Հիշենք, որ Վոլոդինը համարվում է ուժայինների ներկայացուցիչը Պետդումայում, առավել սարթ գործչի համարում ունի, ի տարբերություն Մատվիենկոյի, և ակնհայտ է, որ այդ օրերին Մոսկվայում գտնվող Վոլոդինի հետ չհանդիպելն ուրույն մեսիջ է հայաստանյան իշխանություններին, որ` «սիրում» ենք ձեզ, բայց փայտը ձեռներից ցած չենք դնում. շատ չենք վստահում սիրո ձեր խոստովանություններին»,- ասաց ԱԺ մեր աղբյուրը:

Ինչո՞ւ նման հանդիպում չի նախատեսվել։ «Իմ քայլի» պատգամավորներից մեկն ասաց. «Ոչ մի խնդիր չեմ տեսնում` գուցե ևս մեկ այց էլ լինի` առանձին Վոլոդինի հետ հանդիպելու համար»:

Մանրամասները թերթի այսօրվա համարում:

Հետևեք մեզ նաև Telegram-ում