AM | RU
USD
EUR
RUB

Տիգրան Աբրահամյան. Միջնորդները փորձում են կանխել Ադրբեջանի հնարավոր ագրեսիան

 

ԵՐԵՎԱՆ, 11 ՄԱՐՏԻ, Panorama.am: Ադրբեջանն անցկացնում է լայնածավալ զորավարժություններ։ Դրանից երկու օր առաջ ԵԱՀԿ Մինսկի խումբը հանդես է գալիս հայտարարությամբ։ Դրան հետևում է Հայաստանի ու Արցախի Ազգային անվտանգության խորհուրդների համատեղ նիստ անցկացնելու մասին տեղեկատվությունը։

Արցախի շուրջ կատարվող իրադարձությունների, հնչած հայտարարությունների մասին Panorama.am-ը զրուցել է Արցախի նախագահի խորհրդական Տիգրան Աբրահամյանի հետ։

Panorama.am- Ադրբեջանը լայնածավալ զորավարժություններ է մեկնարկել։ Ձեր գնահատմամբ, դա իր մեջ ի՞նչ վտանգներ է պարունակում։

Տիգրան Աբրահամյան- Ամենամեծ վտանգն այն է, որ մասշտաբային զորավարժությունները կարող են վերածվել մասշտաբային գործողությունների:
2015 թվականից սահմանի արդիականացման ուղղված պրոցեսները բերել են նրան, որ հակառակորդի բոլոր հիմնական շարժերը, կուտակումները մեր դիտարկման առանցքում են: Այս պարագայում հակառակորդի կողմից անկանխատեսելության գործոնը գրեթե զրոյացվել է:

Տարբերակներից մեկը, որում կարող է անկանխատեսելիության գործոնը «աշխատել» հետևյալն է. Ադրբեջանը որոշակի պարբերականության զորավարժություններ է ձեռնարկում սահմանի տարբեր հատվածներում: Եթե կորցնենք զգոնությունը և յուրաքանչյուր դեպքում այսպիսի մասշտաբային քայլերին ամենայն լրջությամբ չվերաբերվենք, ապա Ադրբեջանում դա կգնահատեն որպես զգոնության թուլացում, ինչը մասշտաբային զորավարժությունը մասշտաբային հարձակման կբերի:Զորավարժությունները մի քանի նպատակի են ծառայում, թերևս ներկայացրեցի ամենավտանգավորը:

Panorama.am- Հայկական կողմը հայտարարեց, զորավարժությունների մասին ծանուցում չի ստացել։ Ըստ Ձեզ, ինչո՞վ է պայմանավորված։

Տիգրան Աբրահամյան-Ես չեմ էլ հիշում, թե վերջին անգամ երբ են զգուշացրել: Ադրբեջանը մեկ անգամ չէ, որ ցույց է տվել, որ թքած ունի ցանկացած պայմանավորվածության կամ միջազգային պայմանագրի վրա, սա հերթականներից է, ուրիշ ոչինչ:

Panorama.am- Ադրբեջանի ՊՆ-ն զորավարժությունների մասին հայտարարեց Մինսկի խմբի հայտարարությունից անմիջապես առաջ։ Հայտարարությունից հետո հայտնի դարձավ Հայաստանի վարչապետը մեկնում է Արցախ՝ անվտանգության խորհրդի նիստին մասնակցելու։ Ինչպե՞ս կգնահատեք այս զարգացումները։ Կա կարծիք, որ պատերազմի նախաշեմին ենք։ Դուք համամիտ եք։

Տիգրան Աբրահամյան- Որքան ես գիտեմ, անվտանգության խորհրդի նիստն ավելի վաղ էր պլանավորվել, որովհետև այդպիսի աշխատանքների անցկացումը երկար ժամանակ է պահանջում: Մյուս կողմից, չեմ կարծում, որ այսօր այնպիսի աննախադեպ իրավիճակ է ստեղծված, որ մեկ օրվա մեջ Արցախում անվտանգության խորհրդի նիստ անցկացնելու անհրաժեշտություն է ստեղծվել:Ինչ վերաբերում է այն գնահատականներին, թե պատերազմի նախաշեմին ենք՝ այսպես ասեմ, դեռ ոչ, չեմ ուզում գնահատական տալ՝ մոտ ե՞նք, թե՞ հեռու, իրավիճակը կարող է շատ արագ փոխվել:Չեմ բացառում, որ Արցախի գործընթացի շուրջ ստեղծված իրավիճակը նման իրավիճակի կբերի, բայց այսօրվա դրությամբ առկա վիճակն այդ հուն չտեղափոխելու ջանքերը դեռևս սպառված չեն, հուսով եմ՝ միջնորդներն այս ուղղությամբ իրենց աշխատանքները կակտիվացնեն:

Panorama.am- Ինչպե՞ս եք գնահատում ԵԱՀԿ Մինսկի խմբի հայտարարությունը, փաստորեն Արցախը բանակցություններում չի ներգրավելու։

Տիգրան Աբրահամյան- Համանախագահները փորձում են կանխել Ադրբեջանի կողմից հնարավոր ագրեսիան, ինչը պայմանավորված է վերջին շրջանում պաշտոնական Բաքվի կողմից հնչեցվող կոշտ, իրավիճակը փակուղի տանող հայտարարություններով և պատահական չէ, որ համանախագահները իրենց տեքստում ընդգծված խոսում են ուժի չկիրառման սկզբունքի մասին:

Մյուս կողմից, համանախագահները հղում են անում առաջարկների, որոնց վերաբերյալ Հայաստանի իշխանությունների արձագանքն ինձ հայտնի չէ՝ նկատի ունեմ Հայաստանում նախորդ տարի տեղի ունեցած իշխանափոխությունից հետո, այս իրավիճակում զերծ կմնամ մեկնաբանություններից: Հայաստանի վարչապետը ընդհանուր գծերով ներկայացրել է այն սկզբունքներն ու մոտեցումները, որոնցով շարժվելու է, մասնավորապես Արցախի՝ բանակցությունների լիարժեք մաս կազմելու մասով: Նաև պարզ չէ, թե Ադրբեջանի՝ բանակցությունների սեղան վերադարձն ինչ օրակարգի ու առաջարկների շուրջ է:

Համենայնդեպս 2009-2012 թվականը Մադրիդյան փաստաթղթի գործընթացի մեկնարկից մինչ Կազանի տապալում ընկած ժամանակահատվածն է:

Լրահոս
Թուրքիայի մի շարք քաղաքներում հակակառավարական ցույցեր են Հազար ամոթ Փաշինյանի ծաղրածուի դերը ստանձնած Սեյրան Սարոյանին. Հրանտ Մելիք-Շահնազարյան ՊԲ հրամանատարն ընդունել է Անջեյ Կասպշիկին Վարչապետն ընդունել է ԱՄՀ Միջին Արևելքի և Կենտրոնական Ասիայի դեպարտամենտի տնօրենին Արցախի ԱԳՆ ղեկավարը դեսպան Անջեյ Կասպշիկի հետ քննարկել է Ադրբեջանում գտնվող Արայիկ Ղազարյանի հարցը Իրանի ԱԽ քարտուղարը սխալ է համարել միջուկային գործարքի կնքումը Կրեմլում գնահատել են Պուտինի ու Զելենսկու հանդիպման հնարավորությունը Աշխատանք՝ հանուն «մաքուր» էներգիայի (Տեսանյութ) Դատարանը մերժեց Գրիգորյանի կալանքը գրավով փոխարինելու վերաբերյալ միջնորդությունը Եղանակը Հայաստանում առաջիկա օրերի համար Այսուհետ դադարեք ինձ համարել առողջապահության նախարարության ուռուցքաբանության գծով խորհրդատու Նիկոլ Փաշինյանը մարդկանց ուղեղն ուտելու մեծ մասնագետ է. Հրանտ Մելիք-Շահնազարյան Թուրքիան կյանքի որակի որոշ ցուցանիշներով ամենավատն է Եվրոպայում Մանսուրյանական երաժշտության տոն՝ Ստեփանակերտում, Երևանում և Գյումրիում ԿԽՄԿ ներկայացուցիչներն այցելել են Ադրբեջանում գտնվող հայազգի ռազմագերի Արայիկ Ղազարյանին Մակրոնը Պուտինի հետ հանդիպումից հետո վստահություն Է հայտնել Ռուսաստանի եվրոպական ապագայի հարցում ԵԱՀԿ-ն դիտարկում է անցկացնելու առաջնագծում՝ Օմարի լեռնանցքում «Ամուլսարում հանք չի՛ շահագործվելու». ստորագրահավաք է մեկնարկել Երեք ուրացում մեկ օրում «Պոբեդա»-ի ինքնաթիռը «Շիրակ» օդանավակայանում վայրէջք կատարելիս վնասվել է ՕՐՎԱ ԽՈՐՀՈՒՐԴԸ: Օգոստոսի 20 Նիկոլ Փաշինյանը թույլատրեց Ամուլսարի հանքի շահագործումը Ա.Աշոտյանը վատ հոտ է առել Գազամատակարարման պլանային ընդհատումներ Կոտայքի և Լոռու մարզերում Մեկ օրում Սիրիա է վերադարձել ավելի քան 1000 փախստական ԶՈւ գլխավոր շտաբի պետն այցելել է հյուսիսարևելյան սահմանագոտի Թրամփը վստահ է՝ Իրանը համաձայնագիր է ցանկանում ԱՄՆ-ի հետ Մասիս Մայիլյանն ու ԿԽՄԿ առաքելության ղեկավարը քննարկել են Ադրբեջանում հայտնված զինծառայողի հարցը Ժողովուրդն ասում է՝ ո՛չ, ուրեմն Ամուլսարը չպիտի շահագործվի. Նաիրա Զոհրաբյան Ամուլսարի հանքի շահագործման դեմ ակցիայի մասնակիցներից 6 անձ տարվել է ոստիկանություն Փաշինյանն այժմ հանդիպում է «Իմ քայլը» խմբակցության պատգամավորների հետ Բացարձակորեն դեմ եմ. Արամ Ա Կաթողիկոսը՝ Ստամբուլյան կոնվենցիայի մասին (Տեսանյութ) Սպասվում է բավականին շոգ եղանակ Ամուլսարի հարցով քննարկում և բողոքի ակցիա՝ Բաղրամյան 26-ում. ՈՒՂԻՂ Նովոսիբիրսկում միկրոավտոբուսի վթարի հետևանքով մեկ հայ է մահացել Այսօր ապրիլյան պատերազմի հերոսներ Ադամ Սահակյանի և Գևորգ Վարդանյանի ծննդյան օրն է Թրամփը հաստատել է, որ հավանություն է տվել Թայվանին F-16 կործանիչների վաճառքի գործարքին Տ. Աբրահամյան. Սահմանին անընդհատ դիրքային տեղաշարժեր են «Թումանյան» կայարանից Օձունի խաչմերուկ հատվածը ժամանակավորապես փակ է լինելու երթևեկության համար Ջերմուկի բնակիչները ավտոերթով շարժվելու են Երևան
Խմբագրի ընտրություն
website by Sargssyan