«Իրատես». Ինչ է փոխվել «Լազարևի ակումբի» աշխատանքներում
Նմանատիպ
«Իրատես» թերթը գրում է. ««Գրիբոյեդովի ակումբին» փոխարինելու եկած «Լազարևի ակումբի» աշխատանքներում վերջին շրջանում որոշ ամրակայումներ են եղել։ Ի սկզբանե ընդդեմ հայաստանյան նոր իշխանությունների, ընդդեմ Փաշինյան` հանուն Ռուսաստան, հանուն Քոչարյան ստեղծված այս ակումբը մասամբ լոյալ դիրքորոշում է ունեցել երկրորդ նիստի ժամանակ` հատկապես Նիկոլ Փաշինյանի, շատ ավելի արմատական` «սորոսականների» հանդեպ։ «Ակումբում, այո, լուրջ խնդիր են երկու ուղղությունները` Հայաստան-Ռուսաստան կապերի ամրապնդումը, նաև` թույլ չտալ, որ որևէ մեկը սեպ խրի այդ հարաբերությունների մեջ, այո, նաև Քոչարյանի նկատմամբ մոտեցումների փոփոխությունը»,- ասաց մեր աղբյուրը:
Ի դեպ, ի սկզբանե մտահղացված է եղել, որ ակումբի հայկական կողմի համանախագահը պետք է լինի Արմեն Գևորգյանը, սակայն մեկ օրում ինչ-որ բան է փոխվել և որոշվել է, որ համանախագահ կդառնա Քոչարյանի երբեմնի խոսնակ Վիկտոր Սողոմոնյանը: Տեսակետ կա, որ Արմեն Գևորգյանը Հայաստանից դուրս գալու խնդիր ուներ նաև. նրա նկատմամբ նույնպես քրգործ է հարուցված»:
Մանրամասները թերթի այսօրվա համարում:
Հետևեք մեզ նաև Telegram-ում