Մեդիալաբը ձեռնարկում է հանրային ֆինասավորման արշավ

Մեդիալաբը ձեռնարկում է հանրային ֆինասավորման արշավ

ԵՐԵՎԱՆ, 26 ՄԱՐՏԻ, Irates.am: Արդյո՞ք այսօր արվեստի այլընտրանքային դպրոցի ստեղծումը, որը տրամադրում է անվճար ուսուցում, խենթ գաղափար չէ: Իհարկե, բայց այն երբեւէ դյուրին կլինի՞:

«Մեդիալաբ» արվեստի անվճար կրթական ծրագիրը ձեռնարկում է հանրային ֆինանսավորման արշավ: «Ֆոկուս» արվեստի ՀԿ-ն դիմում է հանրության եւ աջակիցների օգնությանը՝ շարունակելու «Մեդիալաբ» արվեստի ուսուցման ծրագիրը եւ ծրագրի հիման վրա ստեղծելու արվեստի դպրոց:

«Մեդիալաբը» «Ֆոկուս» արվեստի ՀԿ-ի երկարաժամկետ ծրագրերից է: Երիտասարդ արվեստագետները և արվեստով հետաքրքրվողները կիսամյա անվճար կրթական ծրագրի ընթացքում ուսումնասիրում են հետևյալ դասընթացները՝ Ժամանակակից արվեստի պատմություն, Լուսանկարչության պատմություն և լուսանկարի ընթերցում, Լուսանկարչության տեխնիկական հարցեր և մշակում, Լուսանկարի քիմիական տպագրության եղանակներ, Ստեղծագործական գրություն, Ձայնային արվեստ, Մոնտաժի տեսություն ու պատմություն, Գրաֆիկական ձևավորում, Անիմացիայի ներածություն, Օպերատորական հմտություններ, Կատարողական արվեստ:

Դասընթացները վարում են ոլորտում ակտիվ եւ փորձառու մասնագետները. տասը տարիների ընթացքում «Մեդիալաբ» ծրագիրն իրականացվել է ժամանակակից արվեստի ոլորտում գաղափարակից ընկերների խանդավառության և անշահախնդիր աշխատանքի արդյունքում: «Մեդիալաբի» ուսումնական ծրագիրը համալրվում է հանդիպումներով ու վարպետության դասերով Հայաստանի և արտերկրի արվեստագետների եւ ոլորտի մասնագետների հետ:

«Մեդիալաբ» ծրագրի եւ հանրային քարոզարշավի մասին ավելին իմանալու համար կարող եք այցելել այստեղ:

Հետևեք մեզ նաև Telegram-ում