«Փաստ». Աղաջանյան-Այվազյան կոնֆլիկտի պատճառո՞վ է վերջինս ազատվել պաշտոնից

«Փաստ». Աղաջանյան-Այվազյան կոնֆլիկտի պատճառո՞վ է վերջինս ազատվել պաշտոնից

«Փաստ» թերթը գրում է. «Ինչպես արդեն տեղեկացվել է, ապրիլի 1-ին վարչապետի որոշմամբ աշխատանքից ազատվել է տեսչական մարմինների աշխատանքների համակարգման գրասենյակի ղեկավար Հայկ Այվազյանը: Ազատման պատճառն իսկապես կոնֆլիկտն է եղել ՀՀ վարչապետի աշխատակազմի ղեկավար Էդուարդ Աղաջանյանի հետ: Դա Այվազյանն էլ չի թաքցնում:

Սակայն, «Փաստ» թերթի տեղեկություններով, այստեղ ուշագրավ շերտեր կան, ու իրականում պաշտոնին անհամապատասխանության ու անգործության մասին «սլիվներն» ընդամենը շղարշ են: Բանն այն է, որ Աղաջանյանը հանձնարարական է իջեցրել Այվազյանին, այնինչ հանձնարարականը որևէ կերպ չի առնչվել գրասենյակի գործառույթների հետ: Հայկ Այվազյանը գրությամբ պատասխանել է, որ իրենց լիազորությունները բացառապես խորհրդատվական ու մեթոդաբանական են, ուստի չեն կարող դրանցից դուրս որևէ գործառույթ իրականացնել: Աղաջանյանը նորից պնդել է, որ գրասենյակը պարտավոր է կատարել աշխատակազմի ղեկավարի հանձնարարականը, ու այդպես մի քանի անգամ: Արդյունքում Էդուարդ Աղաջանյանն իր օգնականի միջոցով Հայկ Այվազյանին տեղեկացրել է, որ այլևս չի ցանկանում աշխատել նրա հետ: Ուշագրավ է, որ Այվազյանի ազատման օրն իսկ նշանակվել է գրասենյակի նոր ղեկավար»:

Մանրամասները թերթի այսօրվա համարում:

Հետևեք մեզ նաև Telegram-ում