«Իրատես». Իշխանությունները ձեռնամուխ են եղել նոր իդեա-ֆիքսի իրականացմանը

«Իրատես». Իշխանությունները ձեռնամուխ են եղել նոր իդեա-ֆիքսի իրականացմանը

«Իրատես» թերթը գրում է. ««Պրպտուն», ոչ միայն Մեռելոցի, այլև սբ Ծննդյան և Հարության օրերը փոխող (ապրիլի 21-ին, զատկական սուրբ Ավետիսը տալիս, Փաշինյան Նիկոլը խառնեց Տիրոջ Ծննդյան և Հարության տոները) իշխանությունները ձեռնամուխ են եղել նոր իդեա-ֆիքսի իրականացմանը: Իշխանամերձ աղբյուրներն ասում են, թե առաջիկա «Եվրատեսիլում» Հայաստանը, ըստ ամենայնի, որոշակի միավորներ կտա Ադրբեջանի թեկնածուին, ելնելով Ղարաբաղյան խնդրում Փաշինյան-Ալիև, Մնացականյան-Մամեդյարով հանդիպումների «խաղաղության-հումանիտար» ծրագրերի պլատֆորմից։ «Սեփական երկրի նախագահին, պատերազմի հերոսին կալանքի տակ պահող իշխանությունը խաղաղության կամուրջներ է կառուցում թշնամու հետ, «հումանիզմի» մաստեր-կլասներ տալիս»,- հեգնանքով ասաց մեր աղբյուրը:

Ի դեպ, «Եվրատեսիլի» ադրբեջանցի ներկայացուցիչ Չինգիզի երգը եվրոպական բուքմեյքերները համարում են լուրջ ֆավորիտ, և Հայաստանն իր լուման կունենա այդ հաղթանակում: Հիշենք` «Եվրատեսիլն» այս տարի տեղի կունենա Իսրայելում` մայիսի 14-18-ին»:

Մանրամասները թերթի այսօրվա համարում:

Հետևեք մեզ նաև Telegram-ում