«Հրապարակ». «Գնալու եմ մինչև վերջ, ոչ մի բանի առջև չեմ կանգնելու»

«Հրապարակ». «Գնալու եմ մինչև վերջ, ոչ մի բանի առջև չեմ կանգնելու»

«Հրապարակ» թերթը գրում է. «Կիրակի օրը ԲՀԿ խորհրդարանական ֆրակցիան հավաքվել է Գագիկ Ծառուկյանի մոտ` Առինջի հայտնի այգում` մտերմիկ միջավայրում քննարկելու կուսակցության շուրջ տեղի ունեցող զարգացումները, կատարելիք քայլերը:

ԲՀԿ-ականները միահամուռ պնդել են, որ առաջին իսկ անհրաժեշտության դեպքում ողջ թիմով վայր կդնեն մանդատները, եթե իշխանության ճնշումները շարունակվեն, և կուսակցության առաջնորդից մանդատը վերցնեն: Իր հերթին Գագիկ Ծառուկյանն ասել է․ «Գնալու եմ մինչև վերջ, ոչ մի բանի առջև չեմ կանգնելու»:

Սակայն թիմում թերահավատությամբ են լսել այդ հավաստիացումները՝ չեն հակաճառել, բայց կարծում են, որ վճռական պահին նա կրկին «զադնի կդնի», իսկ իրենք կմնան անտեր ու անպաշտպան՝ իշխանության մեքենայի առաջ դեմ հանդիման»:

Մանրամասները թերթի այսօրվա համարում:

Հետևեք մեզ նաև Telegram-ում