Զելենսկին պաշտոնապես ստանձնել է Ուկրաինայի նախագահի պաշտոնը
20/05/2019 11:50
Նմանատիպ
ԵՐԵՎԱՆ, 20 ՄԱՅԻՍԻ, Tert.am: Շոումեն Վլադիմիր Զելենսկին, որն ապրիլի 21-ին կայացած նախագահական ընտրությունների երկրորդ փուլում ստացել էր ձայների մեծամասնությունը, Գերագույն ռադայում կայացած երդմնակալության արարողության ժամանակ պաշտոնապես ստանձնել է երկրի նախագահի պաշտոնը:
Ինչպես հայտնում է ria.ru-ն, իր խոսքում երիտասարդ ղեկավարը պարտավորվել է պաշտպանել երկրի ինքնիշխանությունը, անկախությունը, աշխատել Ուկրաինայի և դրա ժողովրդի բարօրրության համար, պաշտպանել քաղաքացիների իրավունքներն ու ազատությունները, հետևել երկրի սահմանադրությանը, ամբողջ աշխարհում բարձրացնել երկրի հեղինակությունը:
Այնուհետև Զելենսկիին են հանձնվել պետության ղեկավարի պաշտոնական խորհրդանիշները:
Հետևեք մեզ նաև Telegram-ում