Ի՞նչ խմբերի և խմբակների շահեր է սպասարկում Պյոտր Սվիտալսկին Հայաստանում

Ի՞նչ խմբերի և խմբակների շահեր է սպասարկում Պյոտր Սվիտալսկին Հայաստանում

ԵՐԵՎԱՆ, 22 ՄԱՅԻՍԻ, FacebookԴատարանների անկախությանը խոչընդոտելուն միտված Փաշինյան Նիկոլի գործողությունների վերաբերյալ ԵԽԽՎ համազեկուցողների հայտարարությունը կարդացել եք, Եվրախորհրդարանի հայտարարությունը կարդացել եք, իսկ կարդացե՞լ եք Հայաստանում ԵՄ դեսպան Պ. Սվիտալսկու մեկնաբանությունը:

Քանի որ սահմանադրություն, ժողովրդավարություն, մարդու և քաղաքացու իրավունքներ, անկախ դատարան հասկացությունները՝ թե բովանդակության և թե ժամանակակից ձևի համատեքստում բնիկ, զտարյուն եվրոպական արժեքներ են, ապա իրական Եվրոպան իր գնահատականը հնչեցրեց: Այ թե ի՞նչ խմբերի ու խմբակների շահեր է սպասարկում Սվիտալսկին, դա մեծ հարց է, որը պարզաբանման ու մաքրաջրման կարիք ունի:

Ակնհայտ է, որ սվիտալսկիների գործունեության հետևանքով է «գեյրոպա» իմիջը ձևավորվել, որովհետև տրանսգենդերի հարցը սվիտալսկիների օրակարգում առաջնային է, իսկ անկախ դատարանի հարցը, փաստացի, երրորդական-չորրորդական է: Իսկ այն թեզը, համաձայն որի «Հայաստանում դատարանները ժողովրդի վստահությունը չեն վայելում», ուստի և դեսպան Սվիտալսկին չի ցանկանում անդրադառնալ անկախ դատարանի խնդրին, ուղղակի չի դիմանում ոչ մի տեսակի քննադատության: Որովհետև հակառակ պարագան նշանակում է, որ տրանսգենդերը վայելում է ժողովրդի վստահությունը, դրա համար էլ դեսպան Սվիտալսկին ԵՄ անդամ պետությունների դեսպանատներին կայծակնային արագությամբ համախմբում և հայտարարություններ է տարածում: Հետևանքը «գեյրոպա» իմիջն ու ընկալումն է:

Չեմ կասկածում, որ իրական եվրոպական արժեքները ստորադասած, կասկածելի շահեր սպասարկող, կասկածելի խմբերի ու խմբակների ներկայացնող սվիտալսկիների հարցը մոտ ժամանակներս քննարկվելու է եվրոպական ամենաբարձր քաղաքական շրջանակներում և մենք իրական Եվրոպայի հետ ենք գործ ունենալու, այլ ոչ թե Աստված գիտի թե ում:

Մարինե ՇԱՀՆԱԶԱՐՅԱՆ

Հետևեք մեզ նաև Telegram-ում