Զոհրաբ Մնացականյանը հանդիպել է Ջոն Բոլթոնին

Զոհրաբ Մնացականյանը հանդիպել է Ջոն Բոլթոնին

ԵՐԵՎԱՆ, 20 ՀՈՒՆԻՍԻ, Panorama.am: Հայաստանի արտաքին գործերի նախարար Զոհրաբ Մնացականյանը Վաշինգտոնում հանդիպել է ԱՄՆ նախագահ Դոնալդ Թրամփի անվտանգության հարցերով խորհրդական Ջոն Բոլթոնին։

Հանդիպումից հետո թվիթերում ԱԳ նախարարը գրել է, որ Բոլթոնի հետ ունեցել է դրական, ընդարձակ ու ընդգրկուն քննարկումներ՝ Լեռնային Ղարաբաղի խաղաղ կարգավորման գործընթացի, Հայաստանի ու տարածաշրջանային խաղաղության ու անվտանգության օրակարգի շուրջ, ինչպես նաև Հայաստան-ԱՄՆ երկկողմ համագործակցության վերաբերյալ:

«ԱՄՆ-ը կարևոր դերակատարություն ունի որպես ԵԱՀԿ Մինսկի խմբի համանախագահ երկիր`Ռուսաստանի ու Ֆրանսիայի հետ միասին»,-գրել է ԱԳ նախարարը։

Նշենք, որ Ջոն Բոլթոնը հանդիպելու է նաև Ադրբեջանի ԱԳ նախարար Էլմար Մամեդյարովի հետ։ Այսօր տեղի կունենա նաև Հայաստանի և Ադրբեջանի ԱԳ նախարարների հանդիպումը։

Հետևեք մեզ նաև Telegram-ում