Զոդի կամրջի վրա տեղի ունեցած վթարի վայրում հայտնաբերվել է 6 այրված դի. Հարուցվել է քրգործ (Լուսանկարներ)
Նմանատիպ
ԵՐԵՎԱՆ, 6 ՀՈՒԼԻՍԻ, Aysor.am: Արարատի մարզում տեղի ունեցած վթարի հետևանքով 10 անձ տեղափոխվել է հիվանդանոց, Aysor.am-ը տեղեկանում է Քննչական կոմիտեի լրատվական ծառայությունից:
Դեպքի վայրի զննությամբ այս պահին հայտնաբերվել է 6 այրված դի:
Դեպքի առթիվ Քննչական կոմիտեի Արարատի մարզային քննչական վարչությունում հարուցվել է քրեական գործ՝ ՀՀ քրեական օրենսգրքի 242-րդ հոդվածի 3-րդ մասի հատկանիշներով` ճանապարհային երթևեկության և տրանսպորտային միջոցների շահագործման կանոնները խախտելը, որն անզգուշությամբ առաջացրել է մարդու մահ:
Ըստ աղբյուրի, կատարվում է նախաքննություն:
Ավելի վաղ տեղեկլացրել էինք, որ Արարատի մարզում Զոդի կամրջին տեղի է ունեցել ճանապարհատրանսպորտային խոշոր պատահար. բախվել է երեք ավտոմեքենա: Մասնավորապես, բախվել էինն Toyota մակնիշի, ВАЗ 2106 մակնիշի և մարդատար «Գազել» մակնիշի ավտոմեքենաները։
Բախման հետևանքով «Գազել»-ում հրդեհ է բռնկվել, և այն վերածվել է մոխրակույտի։
Հետևեք մեզ նաև Telegram-ում