AM | RU
USD
EUR
RUB

Արցախյան ազատամարտ․ պատմում է Արթուր Աղասյանը

 

Voskanapat.info լրատվական֊վերլուծական կայքն ու Times.am գործակալությունը ընթերցողների ուշադրությանն են ներկայացնում Արցախյան ազատամարտին վերաբերող պատմությունների և հարցազրույցների շարք։ Նոր խորագրի հիմնական նպատակն ընթերցողների լայն շրջանակին մեր հերոսների հետ ծանոթացնելն է։ Կփորձենք բացահայտել հետաքրքիր և ձեր ուշադրությանը ներկայացնել հերոսամարտի ամենահետաքրքիր պատմություններն ու դիպվածները։

Եվ այսպես, պատմում է Արթուր Աղասյանը

Ապրիլյան պարտերազմն ինձ համար մեկ օր շուտ սկսվեց։ Ապրիլի մեկին հակառակորդի դիպուկահարի կրակոցը խլեց ծառայակից ընկերոջս կյանքը։ Վլադիմիր Մելքումյանը Գյումրիից էր։ Ես գրկել էի արյունաքամ լինող ընկերոջս և օգնելու անկարողությունից խելագարվում էի։ ժամացույցի ամեն թկթկոցը սովորաբար իր հետ տանում է մեր կյանքի ժամանակը։ Սա բոլորս գիտենք, իհարկե։ Բայց այդ միտքն առավել սուր զգացի, երբ տեսա, թե ինչպես է ամեն վայրկյանի հետ նվազում Վլադիմիրի կյանքի ժամանակը։ Ապրելու ժամանակը։ Նրա մարմնի տաքությունը դեռևս ափերիս մեջ էր, երբ լուր ստացանք, որ մինչև հիվանդանոց չի հասել։ Իմ կյանքը հենց այդ րոպեից բաժանվեց առաջի ու հետոյի միջև։ Հենց այդ պահից, այլ ոչ թե ժամեր անց սկիզբ առած ապրիլյան պատերազմի օրերին։

Մարմնիս ամեն մի բջիջը վրեժ էր պահանջում։ Կորուստի, դատարկության զգացողությունը, որ համակել էր դիրքի բոլոր տղաներիս, հնարավոր չէ բառերով նկարագրել։ Այնպես որ, երբ ժամեր հետո բռնկվեց պատերազմը, մենք հասկացանք, որ եկել է հատուցման պահը։ Դիրքի ավագը ես էի։ Մենք գրագետ մարտ վարեցինք ու առանց կորուստների հաղթեցինք թշնամուն։ Ինձ ու մեր տղաներից Հարություն Բադալյանին Մարտական խաչ երկրորդ աստիճան շքանանշանի արժանացրին։ Դա մեծ պատիվ էր մեզ համար։ Հատկապես այն, որ ինձ՝ ինն ամսվա ծառայողիս, նախարար Սեյրան Օհանյանի առաջարկությամբ հնարավորություն տրվեց ծառայությունս շարունակել որպես Հայոց բանակի սպա, իհարկե, շոյել էր ինքասիրությունս։ Բայց ես ինձնից գոհ էի մեկ այլ բանի համար։

Երբեք չէի կարծել, որ իմ մեջ այնքան ուժ կգտնեմ, որ կկարողանամ զսպել զգացմունքներս, տիրպետել ինքս ինձ։ Այն րոպեին, երբ արյան փոխարեն երակներովս վրեժխնդրությունն էր հոսում՝ փոթորկելով սիրտս ու հոգիս, ես կարողացա գործել հանգիստ, կշռադատված, այնպես, ինպես կգործեր իսկական զինվորականը։ Բանն այն է, որ ապրիլի երկուսի գիշերը մեր դիրքը չէր արկակոծվում։ Թշնամին հրետակոծում էր հարևան դիրքերը։ Բայց ես հասկացա, որ այդ հանգստությունը խաբուսիկ է և, որ շուտով նաև մեր ուղղությամբ գործի կանցնեն։ Դիրքի տղաներին առաջնորդեցի թաքստոց։ Այնպես, որ մեր դիրքի ուղղությամբ հետախուզության եկած թշնամական ԱԹՍ-ը չկարողացավ նկարահանել ու հայտնաբերել մեր տեղն ու դիրքը։ Որոշ ժամանակ անց սկսվեց հրետակոծությունը նաև մեր ուղղությամբ, բայց, ինչպես հետո պարզվեց, դա ոչ թե հրետանին էր, այլ ականազերծիչը։ Պայթյունների որոտը տևեց շուրջ քսան րոպե, որից հետո ադրբեջանական հատուկ ջոկատայինները սկսեցին առաջանալ։ Մենք ելանք մեր դիրքը՝ թշնամուն ընդառաջ։ Սկսվեց առճակատումը։ Մերձամարտ էր, նռնակներով պատերազմ։ Դիրքի մի քանի տղաներով մենք կռվում էինք շուրջ երեսուն հոգանոց ջոկատի դեմ։ Մարտը չեզոք գոտում էր, նրանք չէին կարողանում առաջ գալ։ Մենք զինատեսակների բազմազանություն չունեինք և ոչ էլ հարմար տեղանքով էինք պաշտպանված, պարզապես գործում էինք գրագետ ու սառնասրտորեն։ Հետո հակառակորդը, ըստ երևույթին հասկացավ, որ ձախողման է դատապարտված, կապվեց ու հրետանային աջակցություն խնդրեց։ Հրետանին սկսեց աշխատել՝ ապահովելով նրանց նահանջը։ Նրանք հեռացան՝ մարտադաշտում թողնելով իրենց զոհերին։ Երբ ամեն ինչ ավարտվեց, մենք զոհերի հագուստից հասկացանք, որ գործ ենք ունեցել Յաշմա խմբավորման՝ ադրբեջանական հատուկ ջոկատայինների հետ։ 

Չգիտեմ ով է ասել, որ մարդու ամենամեծ հաղթանակը ինքն իր նկատմամբ տարած հաղթանակն է։ Ճիշտ է ասել։ Ես հաղթել եմ ինքս ինձ։ Իսկ մարտից հետո ուրախությունից գոռում էի։ Այլևս չէի կարողանում զսպել ինձ։ Զգացմունքներս դուրս էին ժայթքում։ Ես երջանիկ էի։ Բայց ոչ նրա համար, որ հաղթել ենք, որ ողջ ու առողջ ենք, որ ընդամենը մեկ թեթև վիրավոր ենք ունեցել, այլ որովհետև Վլադիմիր Մելքոնյանի հոգին կարող է հանգիստ հանգչել։ Նրա վրեժն արդեն լուծված է։

Պատմությունը գրի առավ Յուլիա Վանյանը:

 

Լրահոս
«Ժողովուրդ»․ Արագածոտնի մարզում կրքերը թեժանում են «Իրատես». Փնտրվում է իրական ընդդիմություն «Փաստ». Նոր գաղտնի «քաղաքական» շարժում. ինչ նպատակով է ստեղծվում այն «Իրատես». Փաշինյանը հիմա էլ իրեն Հիսուսի հետ է համեմատում «Փաստ». Փաշինյանը դժվար է կողմնորոշվում արտաքին հարաբերությունների հարցում «Հրապարակ». Առաջիկայում ԱԺ նախագահի՝ ԱԽ նիստերին մասնակցելու օրինագիծը կընդունվի. Արման Բոշյան «Փաստ». Եթե այսպես շարունակվի, վարչապետի վարկանիշը շարունակաբար անկում է գրանցելու ՕՐՎԱ ԽՈՐՀՈՒՐԴԸ: Նոյեմբերի 22 ԵՄ-ն 15 մլրդ եվրո է տրամադրել Ուկրաինային հինգ տարվա ընթացքում «Ժամանակը կգա և ես անպայման կխոսեմ». Արթուր Վանեցյան «Գուցե Նիկոլ Փաշինյանն ուզում էր գնալ Վատիկանի նկուղներում մեղքերի թողությո՞ւն ստանալ». Միհրան Հակոբյան Նիկոլ Փաշինյանը հանդիպում է Իտալիայի Սենատի նախագահի հետ Առաջիկայում նախատեսվում է Ադրբեջանի նախագահի այցը Թուրքիա Դուք դեռ անիծելու եք էն օրը, որ ընդհանրապես քայլել սովորեցիք... Ռուս-ուկրաինական երկխոսության համար «կամուրջ» հանդիսանալու մեր հավակնություններն այժմ իրատեսական չեն. փորձագետ ԿԳՄՍ նախարարի հրաժարականը պահանջող ցուցարարները շարունակում են նստացույցը. ՏԵՍԱՆՅՈՒԹ Ես այլ առաքելություն ունեմ. Արթուր Վանեցյանը հիշեցրեց իր խոսքերը, երբ ընտրվեց ՀՖՖ նախագահ Արթուր Վանեցյանը հրաժարական տվեց. գործկոմն ընդունել է այն Ստեփանծմինդա-Լարս ավտոճանապարհը բաց է բոլոր տեսակի ավտոմեքենաների համար Արթուր Վանեցյանի և ՀՖՖ գործկոմի անդամների ճեպազրույցը լրագրողների հետ ԼՂ հակամարտության կարգավորման հարցում պետք է հաշվի առնել տարածաշրջանի ողջ բնակչության կարծիքը Հրապարակվել է Երևանում այսօրվա սարսափելի ավտովթարի տեսանյութը Անհոգ եղեք, ուժերը բավարար են, ջրի մատակարարումը բավարար է. անպայման կմարենք. Վրեժ Գաբրիելյան (Տեսանյութ) Վալենտինա Մատվիենկոն կարևորել է ԼՂ հակամարտության կողմերի միջև ագրեսիվ հռետորաբանության բացակայությունը Վահե Էնֆիաջյանի կոշտ պատասխանը ադրբեջանցի պատվիրակներին. ՏԵՍԱՆՅՈՒԹ Սերժ Սարգսյանը Զագրեբում մասնակցել է ԵԺԿ գագաթնաժողովին 2020-ի բյուջեն հեղափոխական անվանելը գեղարվեստական գրականության ժանրից է. Հրանտ Բագրատյան (տեսանյութ) Ոստիկանները բաժանմունք են տեղափոխել նստացույց անող երիտասարդների փայտի վառարանը. Տեսանյութ Կոնդ թաղամասի, Եկմալյան փողոցի և Ֆիրդուսի բնակիչները բողոքի ակցիա են անում Կառավարության դիմաց. Ուղիղ #Կոֆե_եմ_խմում. Գիտնականների պատասխանը Փաշինյանին Արսեն Թորոսյանը շարունակում է մնալ ամենաքննադատվող քաղաքական գործիչներից մեկը․ «Մեդիա պաշտպան» Մտավախություն ունենք՝ չի ընդունվի որոշումը. փախստականները կառավարության դիմաց սպասում են բնակարան ձեռք բերելու հավաստագրերի տրամադրման որոշմանը Համաներմամբ ազատ արձակվածներից 99-ը կատարել են 210 նոր հանցագործություն Տեղի է ունենում Կառավարության հերթական նիստը. Ուղիղ «Հրապարակ». Մենք պետք է չմոռանանք, թե ինչ արժեհամակարգ ունի հայ ժողովուրդը «Փաստ». 2020 թ. հունվարի 1-ի թանկացումներին կարող է հաջորդել գնաճի 2-րդ ալիքը «Փաստ». Ամուլսարի «խմորը շատ ջուր կվերցնի» «Հրապարակ». «Սանիթեք»-ը կարո՞ղ է դիմել արբիտրաժ «Հրապարակ». Մարուքյանը պարզաբանում է պահանջել Մակունցից «Փաստ». Դեկորացիաներն իշխանությունների համար երկարաժամկետ խնդիր չեն կարող լուծել
Խմբագրի ընտրություն
website by Sargssyan