AM | RU
USD
EUR
RUB

Հանրությունը պետք է տեղեկանա հարցի բոլոր նրբություններին և լուրջ վերաբերմունք ցուցաբերի. Արցախի ԱԺ փոխնախագահ

 

ԵՐԵՎԱՆ, 16 ՀՈՒԼԻՍԻ, Aysor.am: Կարծում եմ, որ երկրի կայունության և զարգացման համար լավագույն ձևը ընտրությունների միջոցով իշխանություն ձևավորելն է, որովհետև եթե այդ իշխանությունն ուժի դիրքերից է ձևավորվում, ապա նման երկիրը որևէ ձևով ապագա ունենալ չի կարող: Այս մասին Aysor.am-ի թղթակցի հետ զրույցում ասաց Արցախի խորհրդարանի փոխնախագահ, «Դաշնակցություն» խմբակցության անդամ Վահրամ Բալայանը՝ անդրադառնալով Արցախի ներքաղաքական իրավիճակին և սպասվող զարգացումներին:

- Օրեր առաջ կայացավ ՀՅԴ Արցախի մարմնի շրջանային ժողովը, որից հետո հնչեց պաշտոնական հայտարարություն: Ըստ էության, հենց այդ հայտարարությունով ՀՅԴ Արցախի կառույցը ներգրավվեց 2020 թ. համապետական ընտրություններին ընդառաջ տեղի ունեցող զարգացումներում, այն դեպքում, երբ որոշ քաղաքական ուժեր և անհատներ արդեն ամիսներ է, ինչ այդ պրոցեսների մեջ են: Այս ֆալստարտը կարո՞ղ է իր ազդեցությունը ունենալ, արդեն բուն ընտրական գործընթացների վրա:

- Վաղաժամկետ քարոզարշավին ես բացասաբար եմ վերաբերվում, որովհետև դա ինչ-որ տեղ հակասում է Սահմանադրությամբ կյանքի կոչված իրավակարգավորումներին:

Եթե նկատել եք, վաղաժամ մեկնարկած ընտրարշավը նաև պատճառ է դարձել մարդկանց կողմից տեղեկատվական հարթակներում միմյանց նկատմամբ անհարգալից վերաբերմունքի դրսևորմանը և այս ամենը չի նպաստում որպեսզի մենք կայուն երկիր ունենանք:

- Արցախի արդեն նախկին դատախազ Արթուր Մոսիյանը, ընտրվելով ՀՅԴ Արցախի կենտրոնական կոմիտեի անդամ, հրաժարական ներկայացրեց՝ ելնելով դատախազի պաշտոնի և քաղաքական ու կուսակցական աշխատանքի անհամատեղելիությունից: Տեղեկություններ կան, որ հենց նա է լինելու ՀՅԴ թեկնածուն՝ Արցախի նախագահական ընտրություններում:

- Մենք նման հարց չենք քննարկել: Պարզապես Արթուր Մոսիյանը դարձյալ վերադառնում է քաղաքական գործունեության և այս քաղաքական գործընթացներին ավելի ակտիվ մասնակցություն ունենալու նկատառումով նա նույնպես ընտրվել է ՀՅԴ կենտրոնական կոմիտեի անդամ:

- Բնականաբար տեղյակ եք, որ ՊԲ նախկին հրամանատար Սամվել Բաբայանը կողմնակիցների հետ նախաձեռնել է սահմանադրական փոփոխությունների գործընթաց՝ մասնավորապես Սահմանադրության 48-րդ հոդվածի 2-րդ և 3-րդ կետերի փոփոխություն, որոնք սահմանում են քաղաքացիությանը և բնակության վայրին վերաբերող դրույթները: Փորձագետների կարծիքով, այստեղ առաջանում են իրավական խնդիրներ՝ կապված և Արցախի և ՀՀ Սահմանադրության հետ: Ի՞նչ տեսակետ ունեք այս նախաձեռնության վերաբերյալ:

- Այս հարցում մենք պետք է բավականին զգույշ լինենք: Այստեղ խնդիրը Սամվել Բաբայանը չէ, կամ որևէ այլ անհատ: Նախ՝ խնդիրն այն է, որ նման փոփոխության դեպքում հակասություն է առաջանում Սահմանադրության հենց առաջին հոդվածի առաջին մասի հետ:

Բացի այդ խնդիրներ կարող են առաջանալ նաև բանակցային գործընթացում, քանի որ նման պարագայում Ադրբեջանը կարող է մեղադրանքներ ներկայացնել Հայաստանին: Արդյո՞ք այս պահին նման փոփոխությունը հնարավորություն կտա ապահովել խաղաղության պահպանման և բանակցային գործընթացն իր հունով տանելու շարունակականությունը:

Այնպես որ այստեղ բազմաթիվ իրավական հարցեր կան, որ կարող են խնդիրներ առաջացնել Արցախի համար: Հանրությունը պետք է տեղեկանա հարցի բոլոր նրբություններին և լուրջ վերաբերմունք ցուցաբերի:

- Տեղեկություններ են շրջանառվում, որ Սամվել Բաբայանն իր կողմնակիցների միջոցով ընդհուպ զանգվածային անկարգությունների միջոցով ցանկանում է հասնել նախաձեռնության իրականացմանը: Նման տարբերակը, ըստ Ձեզ, ի՞նչ հետևանքներ կարող է ունենալ:

- Դա ինքնին նշանակում է երկիրը կանգնեցնել քաղաքացիական պատերազմի շեմին, այսինքն՝ հակամարտություն առաջացնել հասարակության տարբեր շերտերի միջև: Այս պահին հասարակության շրջանում կան տարբեր մոտեցումներ և այս պարագայում նման միտումներն անչափ վտանգավոր է՝ մանավանդ Արցախի պես երկրի համար: Պետք խոհեմ է գտնվել և այս երեսուն տարիների ընթացքում ստեղծած պետականության հիմքերին մի նոր բան ավելացնել՝ ճանաչման գործընթացը ակտիվացնել, տնտեսությունը զարգացնել, ժողովրդավարական ինստիտուտներն ամրապնդել և այլն: Մենք չենք կարող այս փոքրաթիվ հասարակության մեջ բաժանարար գծեր տանել:

- Նախընտրական զարգացումների փուլում ի՞նչ ուղենիշներով է շարժվելու ՀՅԴ Արցախի կառույցը: Օրակարգում կա՞ն այլ քաղաքական ուժերի հետ համագործակցության հնարավոր տարբերակներ:

- Դաշնակցության համար ամենագլխավորը պետականությունն է և այդ ընտրությունները պետք է ծառայեն դրա ամրապնդմանը: Սա է մեր հիմնական մոտեցումը և պատահական չէ, որ օրեր առաջ շրջանային ժողովում երկու հիմնական գաղափար է շոշափվել: Առաջինը՝ մենք առաջարկում ենք համազգային օրակարգ ձևավորել և այդ համազգային օրակարգի շուրջ փորձել հավաքել քաղաքական ուժերին, խորհրդակցել և արդյունքում նախագահական ընտրություններում առաջադրել միասնական օրակարգը արտացոլող թեկնածուի: Սա իհարկե բավականին բարդ գործընթաց է, բայց մենք ցանկանում ենք այն նախաձեռնել և քաղաքական ուժերի հետ քննարկել: Երկրորդ գաղափարն այն է, որ եթե մեզ չհաջողվի այդ օրակարգի շուրջը հասնել արդյունքի, ապա մենք աշնանը կգումարենք արտակարգ ժողով և արդյունքում Դաշնակցությունը կառաջադրի իր թեկնածուին: Այսինքն սա ինչ որ տեղ կոչ է մեր քաղաքական ուժերին, որ պետք է կուսակցական և անձնական շահերից վեր կանգնել և հանուն Արցախի ապագայի փորձել միասնական ճակատով գնալ ընտրությունների:

Լրահոս
Դավիթ Տոնոյանը` կոմայի մեջ գտնվող փոխգնդապետի մասին Մենք բոլորս երջանիկ ենք, որ մեզ բախտ է վիճարկվել վայելելու անկախության բերկրանքը. Վիտալի Բալասանյան «Հեղափոխական» տենդով քանդվում են պետության ինստիտուցիոնալ հիմքերը. ՀՀ երկրորդ նախագահ Անկախության 28-ամյակը՝ Գյումրիում Սինգապուրի վարչապետը պաշտոնական այցով կժամանի Հայաստան Առաջնագծում հայ դիրքապահների ուղղությամբ արձակել է շուրջ 1000 կրակոց Սեփական հասարակության մեջ բաժանարար գծեր քաշելը թշնամու կրակոցից վտանգավոր է. ես լավատես եմ. Սերժ Սարգսյան Վարչապետն ու նախագահը Եռաբլուրում զրուցում են իրենց դիետայի մասին, Փաշինյանը պատմեց, թե քանի կիլո է չաղացել Մտքեր անկախության մասին ՀՀ 28 տարիների անկախությունը հնարավորություն է ընձեռել դառնալ միջազգային հարաբերությունների լիիրավ սուբյեկտ. ՍԴ նախագահ Գարեգին Երկրորդ. Արդար ու բարի, հայրենաշեն գործերով պիտի վկայենք, որ արժանի ենք անկախ պետականությանը Հայաստանը վստահորեն քայլում է պետականության ամրապնդման ճանապարհով. Ալեքսանդր Լուկաշենկո Յուրաքանչյուր հայի պարտքն է՝ անել հնարավորը հայոց անկախ պետականության ամրապնդման համար. Բակո Սահակյան Անկախության տոնի առթիվ քաղաքական վերնախավն այցելել է «Եռաբլուր» (տեսանյութ) «Ժամանակ». Ովքեր են հովանավորում ՌԴ-ում ՀՀ ոստիկանության ներկայացուցիչ Միհրան Դավթյանին «Փաստ». Հրայր Թովմասյանի լիազորությունները դադարեցնելու հարցով փաստաթուղթը կազմողները «Ժողովուրդ». Գլխավոր դատախազի մորաքրոջ տղան ընկել է ԱԱԾ թակարդը «Հրապարակ». Ի՞նչ խնդիր ունի Փաշինյանը Թագուհի Թովմասյանի հետ «Ժողովուրդ». Պուտինը կգա Հայաստան «Փաստ». ԱՄՆ կա­տա­րե­լիք այցն ըն­դա­մե­նը ֆոր­մալ բնույթ է կրե­լու «Ժողովուրդ». Կառավարությունն այլևս չի աջակցի գյուղացուն «Հրապարակ». Ո՞վ է ոստիկանապետի ԺՊ-ի հովանավորը «168 ժամ». Դավիթ Բաբայանը՝ գերիների փոխանակման մասին «Հրապարակ». Նաիրա Զոհրաբյանը նախապատրաստվում է Ջերմուկի դիրքերում հերթապահությանը ՕՐՎԱ ԽՈՐՀՈՒՐԴԸ: Սեպտեմբերի 21 «Վանաձոր» ՔԿՀ պետը նշանակումից մեկ ամիս անց աշխատանքից ազատվելու դիմում է ներկայացրել Ադրբեջանական հակերները ակտիվ աշխատում են հայկական տիրույթում Սուպեր Ոստիկանապետություն դարձած իմ «Նոր Հայաստան».Մարինե Շահնազարյան Մոսկվայում տեղի կունենա Սերգեյ Փարաջանովի արվեստի գործերի առաջին վիրտուալ ցուցահանդեսը ՀՀ ԱԳ նախարար Զոհրաբ Մնացականյանը հանդիպել է Ավստրալիայի խորհրդարանական պատվիրակության հետ ՀՀ և Արցախի ԱԳ նախարարները հստակեցրել են դիրքորոշումները Մնացականյան- Մամեդյարով հանդիպումից առաջ Քրեակատարողականներից բժիշկներին ստիպում են դուրս գալ աշխատանքից Լուկաշենկոն որոշել է դյուրացնել Եվրամիության հետ այցագրային ռեժիմը Խոնարհվում ենք ազատամարտիկ Կարեն Սուքիասյանի հիշատակի առաջ. Արմեն Սարգսյան (տեսանյութ) Ինչպես է Պուտինն անցկացնում հանգստյան օրերը Թրամփը պատժամիջոցներ է սահմանել Իրանի ազգային բանկի նկատմամբ Հրապարակվել է բանտում օրենքով գողերի կազմակերպած բունտի տեսանյութը ՀԲՃ-ն կազմակերպել է բնապահպանական մոբիլիզացիայի օր. ուղիղ Սեյրան Օհանյանը կբացակայի Հայաստանից Չինաստանում բացվել է ծովաստղի տեսքով աշխարհի խոշորագույն օդանավակայաններից մեկը
Խմբագրի ընտրություն
website by Sargssyan