AM | RU
USD
EUR
RUB

Փաշինյանի արցախյան պարտիան. Արայիկ Հարությունյան + Սամվել Բաբայան

 

ԵՐԵՎԱՆ, 5 ՕԳՈՍՏՈՍԻ, Times.amՍամվել Բաբայանի գրասենյակը հայտարարություն է տարածել այն մասին, որ նրա թիմն ու համակիրները մասնակցելու են այսօր Ստեփանակերտի Վերածննդի հրապարակում կայանալիք հավաքին, որտեղ ելույթ է ունենալու ՀՀ վարչապետ Նիկոլ Փաշինյանը։ Ավելի վաղ նման հայտարարությամբ է հանդես եկել նաև արցախյան «Ազատ Հայրենիք» կուսակցության ղեկավար Արայիկ Հարությունյանը՝ կոչ անելով համակուսակից հայրենակիցներին, համակիրներին և, առհասարակ, բոլոր արցախցիներին՝ ակտիվորեն մասնակցել հանրահավաքին։ Սամվել Բաբայանը և Արայիկ Հարությունյանը միևնույն քաղաքական ծրագրի մասնիկներն են, և այս փաստն արդեն ավելի քան ակնհայտ է։

Կիրառվում է 1992թ. փորձարկված տեխնոլոգիան։ Այն ժամանակ էլ ՀՀ իշխանությունները ցանկանում էին կոտրել Արցախում ձևավորված և իրենց կամքին ընդդիմացող քաղաքական թիմը։ Այն ժամանակ էլ, որպես գործիք ընտրվեց Սամվել Բաբայանը, ով անկասկած շատ խարիզմատիկ ու տարբեր բաների ընդունակ անձնավորություն էր։ 1992թ. «Սամվել Բաբայան» նախագծի հեղինակները Բաբկեն Արարքցյանն ու Լևոն Տեր-Պետրոսյանն էին։ Թվում է՝ այս ողջ սխեմայի մեջ այսօր ընդամենը մի երկու ազգանուն է փոխվել. Արարքցյանին փոխարինել է Փաշինյանը, իսկ Քոչարյանի ղեկավարած թիմին՝ Արայիկ Հարությունյանն ու նրա կողմնակիցները։ Թե ինչ զարգացումներ հետևեցին դրան Արցախում, բոլորին է հայտնի։ Նախագծի քաղաքական թևը հաջողեց, իսկ ահա ուժային հատվածը չդիմացավ իշխանության փորձություններին։ Քոչարյանը տեղափոխվեց Հայաստանի Հանրապետություն, իսկ Արցախն ընկավ Սամվել Բաբայանի բռնատիրական իշխանության տակ, որի մասին Արցախում մինչ օրս գերադասում են շշուկով խոսել։

Ծրագիրը նույնն է, իսկ միջավայրն ու գործող անձինք, իհարկե, արդեն ոչ։ Բայց այս կարևոր հանգամանքը, կարծես, դուրս է մնացել Փաշինյանի ուշադրությունից։ Վերջինիս, օրինակ, չի անհանգստացնում այն փաստը, որ ի տարբերություն Քոչարյանի, ով արցախյան շարժման կարևոր գործիչներից ու ամենահարգված և սիրված առաջնորդներից մեկն էր, Արայիկ Հարությունյանի վարկանիշն Արցախում աննկարագրելի ցածր է։ Ստեփանակերտում և հարակից գյուղերում չգտա գեթ մեկ մարդու, ով բացասական վերաբերմունք չարտահայտեր նրա մասին։ Բոլորը խոսում են Հարությունյանի արտերի, խանութների, բիզնեսների և մտերիմներին տրված արտոնությունների մասին։ Իհարկե, սա նոր իրողություն չէ Արցախում, բայց եկող գարնանը սպասվող նախագահական և խորհրդարանական ընտրությունների ֆոնին այդ դժգոհություններն ավելի են սրվել տեղի բնակիչների շրջանում։ Խնդրի մասին տեղյակ էի նաև մինչ Արցախ այցելելս, բայց չէի պատկերացնում, որ ամեն ինչ այդքան լուրջ է։

Արայիկ Հարությունյանի բացասական վարկանիշը տարածվել է նաև իշխանական ողջ թիմի վրա՝ լուրջ խնդիրներ ստեղծելով Արցախի նախագահի՝ հնարավոր այլ թեկնածուների համար։ Դա է նաև պատճառը, որ տարբեր ծայրահեղ ծրագրեր ունեցող բախտախնդիր ուժեր ակտիվ գործելու պարարտ հող են գտնում Արցախում։ Իհարկե, չի կարելի ասել, որ հասարակական դժգոհությունների միակ մեղավորը Հարությունյանն է, բայց փաստն այն է, որ իր դերը բավական մեծ է, ուստի և թիրախում նույնպես ինքն է։

Երկրորդ կարևոր հանգամանքը, որը փորձում է շրջանցել Նիկոլ Փաշինյանը, այն է, որ 92 թվականի ձևերն ու մեթոդները այլևս կիրառելի չեն մեր ժամանակներում։ Չկա պատերազմի պատճառով առաջացած թույլ վերահսկելի, անգամ քաոտիկ նախկին իրավիճակը։ Չկան նաև այդ իրավիճակից բխող սպառնալիքները, անհասկանալի ու չբացահայտված զարգացումները և այլն, և այլն։ Հայաստանն ու Արցախը շատ հեռու են գնացել 1992 թվականին տարածված մի շարք արատավոր երևույթներից և փառք Աստծո, որ դա այդպես է։

Եվ երրորդ խնդիրն ինքը՝ Սամվել Բաբայանն է, որը, կարելի է ասել, մեկ մարդ էր 1992-ին և մեկ այլ մարդ՝ հիմա։ Այն ժամանակ նա սիրված հրամանատար էր, լավ զինվոր, իսկ հիմա՝ «շատերին չոքցրած» վատ քաղաքական գործիչ։ Մարդ, ում ռեսուրսները (թե՛ մարդկային, թե՛ ուժային և թե՛ իրավիճակային) շատ ավելի շատ էին անցած դարի վերջում, քան հիմա։ Էլի շատ բաներ կարելի է ասել 1992-ի և 2019-ի Սամվել Բաբայանների տարբերությունների մասին, բայց դեռևս բավարարվենք այսքանով։ Մի բան միայն ավելացնեմ, որ նշված տարբերությունների հետ մեկ տեղ, Բաբայանն ունի մի առանձնահատկություն, որը չի փոխվել անցած՝ գրեթե երեք տասնամյակների ընթացքում՝ նա շատ բաների ընդունակ մարդ է։ Երևի չեմ սխալվի, եթե ասեմ, որ հենց այս հանգամանքն է առաջին հերթին հաշվի առել Փաշինյանը՝ կրկին անգամ Բաբայանի օգնությանը դիմելուց առաջ։

Ինչևէ, ՀՀ իշխանությունների քաղաքական շահի տեսանկյունից իրավիճակը բավական պարզ է։ Այսօր էլ մենք կդառնանք այդ իրավիճակի խաղարկման սկզբնամասի ականատեսը. Փաշինյանի, Արայիկ Հարությունյանի և Սամվել Բաբայանի կողմնակիցներն առաջին անգամ կմասնակցեն համատեղ քաղաքական ակցիայի, որոշ բաներ կքննարկեն, հնարավոր է անգամ «դմփ-դմփ-հու» անեն։ Սպասենք տեսնենք։

Այս իրավիճակում ավելի հետաքրքիր են Արցախի իշխանությունների որոշումները։ Կհակադրվի՞ արդյոք Բակո Սահակյանի թիմը Փաշինյանի վերոնշյալ ծրագրին։

Մինչ այս պահը, Արայիկ Հարությունյանից բացի, նախագահական ընտրություններին որպես թեկնածու մասնակցելու հայտ են ներկայացրել նաև Արցախի ԱԺ նախագահ Աշոտ Ղուլյանն ու հերոս Վիտալի Բալասանյանը։ Վերջինս, արդեն պարզ է, հանդես է գալիս ընդդիմադիր գործչի դիրքերից։ Եվ դա սպասելի էր։ Չհաշված Արցախի ԱԽ քարտուղարի պաշտոնում իր աշխատանքը՝ Բալասանյանը մշտապես քննադատել է նախագահ Բակո Սահակյանի քաղաքականությունը, մրցակցել նրա հետ անցած նախագահական ընտրություններում։ Աշոտ Ղուլյանին նույնպես չի կարելի դիտարկել որպես իշխանական թեկնածու։ Համենայն դեպս, հիմա։ Նա թերևս տեղավորվում է Արցախի իշխանությունների և ընդդիմության մեջտեղում և ապագայում կարող է դիտարկվել, որպես երկրի զարգացման այլընտրանքային ուղու առաջնորդ։ Արցախում անցկացրած որոշ հանդիպումներիս ընթացքում լսել եմ այդ հնարավորության մասին։ 

Չի բացառվում նաև այլ թեկնածուների ի հայտ գալը։ Օրինակ, խոսվում է Արցախի արտաքին գործերի նախարար Մասիս Մայիլյանի, Մարատ Մուսայելյանի և այլոց մասին։

Փաստը սակայն այն է, որ Բակո Սահակյանը դեռևս չի հնչեցրել իր դիրքորոշումն այն մասին, թե ում կցանկանար տեսնել Արցախի նախագահի պաշտոնում իրենից հետո։ Եվ դա պայմանավորված է այն հանգամանքով, որ Արցախի իշխանությունները դեռևս չեն ցանկանում բացել բոլոր խաղաքարտերը՝ սպասելով, որպեսզի սկզբում իրենց նպատակները բացահայտեն ՀՀ իշխանությունները։ Ուստի, պետք է սպասել, որ Նիկոլ Փաշինյանի այսօրվա ելույթից հետո, քաղաքական պրոցեսներն Արցախում նոր թափ կհավաքեն և հայկական երկրորդ պետությունը կմտնի լիարժեք նախընտրական փուլ։

Հրանտ ՄԵԼԻՔ-ՇԱՀՆԱԶԱՐՅԱՆ

Լրահոս
Ամուլսարի հանքը սպեցիֆիկ է և այս առումով վտանգը շատ մեծ է․ Կարինե Դանիելյան Լիբանանի առողջապահության նախարարությունը հայտնել է Բեյրութում պայթյունի հետևանքով 30 զոհի մասին Սամվել Մարտիրոսյանը՝ ադրբեջանական հաքերների հերթական հարձակման մասին Վահագն Վարագյանն ու Ռաֆայել Հովհաննիսյանն ազատ արձակվեցին․ իրավապաշտպան Բեյրութում պայթյուններ են որոտացել. նախնական տվյալներով՝ 10 մարդ զոհվել է, հարյուրավոր մարդիկ՝ վիրավորվել (տեսանյութ) Քաղաքացիական հագուստով մարդիկ մոտեցել են շարժման անդամներին ու բռնի գործողությունների կիրառմամբ ձերբակալել. «Կանաչ ապագա» բնապահպանական շարժում Փաշինյանը զուրկ է ռազմավարական մտածողությունից. Վահան Իշխանյան Խոշոր ավտովթար Գեղարքունիքի մարզում Ո՞ւր է Նիկոլ Փաշինյանը, ինչի՞ համար եք եկել այս թուրքերին պաշտպանում, երեխեքին ջարդում․ Ամուլսարի ակցիայի մասնակիցը՝ ոստիկանապետին (տեսանյութ) Մեսչյանը շատ դեպքերում ստորագրում էր նրա տակ, ինչն իր համար ընդունելի չէր. Դավիթ Խաժակյան (տեսանյութ) Նիկոլ Փաշինյանի նման վախկոտ ղեկավար Հայաստանը երբեք չի ունեցել․ Արմեն Աշոտյան Ամուլսարում քաղաքացիներին բերման ենթարկելու վերաբերյալ ահազանգով ՄԻՊ արագ արձագանքման խումբ է գործուղվել Ջերմուկ Ամուլսարի տարածքից տասը քաղաքացի բերման է ենթարկվել ոստիկանություն. Էդգար Ջանոյան Սա անհետևանք չի մնալու, խոսքս լավ հիշեք. Պանդորայի արկղ էր, որ պետք չէր բացել. քաղաքագետ Բնապահպան Վահագն Վարագյանը բերման ենթարկվեց (տեսանյութ) «300.1 հոդվածով չի կարող լինել տուժող»․ Ռոբերտ Քոչարյանի պաշտպանը միջնորդեց դադարեցնել տուժողների դատավարական կարգավիճակը Ճգնաժամը՝ որպես բիզնեսի զարգացման նոր հնարավորություն Ամուլսարում Ջերմուկ տանող ճանապարհը բացվեց, բողոքի ակցիան կշարունակվի վաղը (տեսանյութ) «Հայրենիք» զարգացման հիմնադրամը սկսում է հակաճգնաժամային տնտեսական ռազմավարության մշակումը Դրական միավորներով բուհ չընդունված դիմորդները հանդիպել են դդումի հետ Ամուլսարը հանքի վերածելը խիստ վտանգավոր է ՀՀ բնակչության առողջության համար. «Կանաչ ապագա» բնապահպանական շարժում Ամուլսարի շահագործման ռիսկերի մասին. ՏԵՍԱՆՅՈՒԹ Դատարանը հետաձգեց Ռոբերտ Քոչարյանի և Արմեն Գևորգյանի գույքի վրա դրված կալանքը վերացնելու միջնորդության լուծումը. ՈՒՂԻՂ Կառավարությունը ինչ որոշում է կայացնելու, կերկարացվի՞ արդյոք արտակարգ դրությունը Աննա Դանիբեկյանը հետաձգեց Ռոբերտ Քոչարյանի ու Արմեն Գևորգյանի գույքի վրա դրված արգելանքը վերացնելու միջնորդությունները ՀՀ նախագահը ՍԴ դատավորի պաշտոնում առաջադրել է Արթուր Վաղարշյանի թեկնածությունը Ամուլսարի հանքարդյունաբերական ծրագիրը պետք է փակվի. Հայտարարություն Եթե այս պնդումը հաստատվեց, ապա մենք խորը, համապարփակ և բուրավետ բանի մեջ ենք․ Աշոտյան ԿԳՄՍՆ-ում որոշել են գնալ ավելի լուրջ քայլերի և շրջանցել ԵՊՀ կանոնադրության 31-րդ կետը․ «Մեդիա պաշտպան» Ադրբեջանական հաքերները կարողացել են ներթափանցել կառավարական ներքին ցանց և տանել 55 տերաբայթ տեղեկատվություն. Մարտիրոսյան Նոր պաշտոնանկություն ու նշանակում՝ Արմեն Սարգսյանի հրամանագրերով Մոսկվաբնակ գործարարից գումար շորթելու գործով դեռ որևէ մեկին մեղադրանք չի առաջադրվել. Տուժողը վախեցա՞ծ է Ջերմուկցիները խիստ բարկացած են. Ռուբեն Մելիքյան Երևանի քաղաքապետ Հայկ Մարությանի մամուլի ասուլիսը՝ Մաշտոցի պուրակում հատվող ծառերի մասին. ՈՒՂԻՂ Կամ այս խեղկատակների ռեժիմը քոքահան կարվի, կամ Հայաստանի Հանրապետություն ընդհանրապես չի լինի. Միհրան Հակոբյան Արսեն Թորոսյանը սորոսական ՀԿ-ի ղեկավարին Նորքի ինֆեկցիոնի տնօրեն է նշանակում. ԼՈՒՍԱՆԿԱՐՆԵՐ Ամուլսարում հասունանում է արյունահեղություն. Շիրակ Բունիաթյան Թուրքիայի հետ խաղաղ, երջանիկ ապրելու հեքիաթը Հայաստանում փողով տարածողներին ասելիք չկա. Վարոսյան Քաղաքականության զրոյացումն ու քաղաքական զրոն Հայաստանում հաստատվել է կորոնավիրուսով վարակվելու 196 դեպք
Խմբագրի ընտրություն
website by Sargssyan