AM | RU
USD
EUR
RUB

Իմ չափ երևի ոչ մեկ չի ցավում բուհի համար. ՀՊՏՀ դասախոս

 

ԵՐԵՎԱՆ, 12 ՕԳՈՍՏՈՍԻ, Aysor.am: Հայաստանի պետական տնտեսագիտական համալսարանի (ՀՊՏՀ) դասախոս Արմեն Կարախանյանը պնդում է, որ բուհի դասախոսների մրցույթն անցկացվել է օրենքի ու կարգերի խախտումներով։

«Եթե նայեք այդ մրցույթի մասնակցության համար նախատեսված չափանիշները, կտեսնեք, որ դրանց մեծ մասը սուբյեկտիվ են, և ընտրությունը կատարվել է սուբյեկտիվ։ Այդ չափանիշների մի մասն էլ մասնագիտական հմտությունների հետ կապ չունեն», - Aysor.am-ին ասաց Կարախանյանը։

Նրա խոսքով, եթե այդ մրցույթը սուբյեկտիվ չէր, թող փակ դռների հետևում չանցկացնեին։

Հիշեցնենք՝ Հայաստանի պետական տնտեսագիտական համալսարանի (ՀՊՏՀ) մի խումբ դասախոսներ դատի են տվել բուհի ռեկտորի պաշտոնակատար Ռուբեն Հայրապետյանին՝ պնդելով, թե Հայրապետյանի նախաձեռնությամբ բուհում թափուր դասաժամերի համար մրցույթի հայտարարումը հակասում է «Բարձրագույն կրթության մասին» օրենքին: ՀՊՏՀ ռեկտորի պաշտոնակատար Ռուբեն Հայրապետյանն էլ իր հերթին հայտարարում է, որ մրցույթներ նախկինում նույնպես անցկացվել են, սակայն կրել են ձևական բնույթ։ Ավելին՝ նախկինում բուհում գործել են խմբավորումներ, որոնք գործունեություն են ծավալել ելնելով սեփական նեղ խմբային շահերից։

Դիտարկմանը, թե ՀՊՏՀ ռեկտորի պաշտոնակատարն ասել է, որ նախկինում գոյություն ունեցած ընտրության համակարգն առավել սուբյեկտիվ էր՝ այս կամ այն ամբիոնից դասախոսներին ասել են՝ «դու այսքան ժամ ունես, մյուսն՝ այսքան», Կարախանյանն արձագանքեց.

«Ոչ մեկ չի ասում՝ նախկին համակարգը լավն էր, կատարյալ էր, թերություն չուներ։ Զարգացումը միշտ էլ գնում է, բարեփոխումներն անհրաժեշտ են, մենք բազմիցս նշել ենք, որ այդ բարեփոխումները պետք է լինեն օրենքի սահմաններում»։

Կարախանյանն ինքը չի մասնակցել մրցույթին և հիմա հույս ունի, որ սեպտեմբերից կշարունակի աշխատել բուհում։

«Ես հույս ունեմ, որ մենք սեպտեմբերից աշխատելու ենք բուհում, ինքը (նկատի ունի ՀՊՏՀ ռեկտորի պաշտոնակատար Ռուբեն Հայրապետյանին-խմբ.) չի աշխատի բուհում։ Այդքան կեղծիքներ, որ արել է՝ ինչպե՞ս կարող է աշխատել», - ասաց Կարախանյանը։

ՀՊՏՀ ռեկտորի պաշտոնակատարը Կարախանյանի ուսանողն է եղել, ավելին՝ նրան սիրել ու հարգել է և այժմ թշնամական վերաբերմունք չունի նրա նկատմամբ։ Բայց, ասաց, ռեկտորի պաշտոնակատարի վերջին գործողությունները «օրենքի սահմաններից դուրս են»։

«Ես մտել եմ իր մոտ ու ասել եմ՝ հակաօրինական բաներ ես անում, ինքն էլ ասել է՝ անում եմ, որ դուք բողոքեք», - նշեց Կարախանյանը։

Անդրադառնալով Հայրապետյանի ատենախոսության թեմային, որի մասին նա այսօր խոսել էր ասուլիսում, Կարախանյանն ասաց.

«Այսօր տարածվել էր ռեկտորի պաշտոնակատարի գաղտնի ընդդիմախոսների մի հայտարարություն, որտեղ նշվում է, որ Հայրապետյանն իր ատենախոսության մեջ ոչ միայն տեսական հատվածն է պարունակում այլ նյութեր, այլ նաև գիտական արդյունքն է վերցված եղել»։

Կարախանյանի խոսքով, եթե բուհի մասին մտածող մարդ լիներ ռեկտորի պաշտոնակատարը, այս ամենից ելքը կգտներ, քանի որ դա նրա պատասխանատվությունն է։

«Իմ չափ երևի ոչ մեկ չի ցավում բուհի համար, քանի որ ես իմ կյանքի 25 տարին անցկացրել եմ այդ բուհում՝ չհաշված ուսանողական տարիներս։ Այնտեղ զբաղեցրել եմ վարչական պաշտոններ ու մեծ ներդրում եմ ունեցել բուհի զարգացման գործում։ Մի քանի տարի աշխատողը ու միայն սեփական ամբիցիաներ բավարարողը պիտի մտածի հենց բուհի մասին։ Ինձ համար դա ցավալի խնդիր է։ Ես ամենասկզբից ասել եմ՝ այստեղ հաղթող ու պարտվող չի լինելու, այստեղ հաղթողը մեկն է՝ համալսարանը», - ասաց դասախոսն՝ ընդգծելով, որ թույլ չի տա ոմանք ոտնահարեն իր իրավունքները։

Լրահոս
Հնդկաստանում ոսկու խոշոր հանքավայր է հայտնաբերվել Նիկոլ Փաշինյանը եւ Բակո Սահակյանը Զինված ուժերի ղեկավար կազմի մասնակցությամբ անցկացրել են խորհրդակցություն Աշխատանքային խումբ է գործուղվել Մեղրիի բժշկասանիտարական հսկիչ կետ Աշոտ Ղուլյանն ու Արարատ Միրզոյանը քննարկել են երկու խորհրդարանների համագործակցությանն առնչվող հարցեր Իտալիայում կորոնավիրուսից մահվան երկրորդ դեպքն է գրանցվել. ԶԼՄ-ներ Իշխանության համար կարևոր է ընտրատուրիստների մասնակցությունը հանրաքվեին, ոչ թե ՀՀ քաղաքացիների անվտանգությունը. Նարեկ Մալյան Իրանում կորոնավիրուսով վարակման դեպքերը ավելացել են Փնտրվում է «բովանդակություն» Samsung-ը 2 օրով կփակի իր գործարանը կորոնավիրուսով վարակված աշխատակցուհու պատճառով Կորոնավիրուսի ներթափանցումը կանխելու համար պետք է փակել Իրան-Հայաստան սահմանը. Արմեն Մինասյան Հայտնի են Իրանի խորհրդարան անցած հայ պատգամավորների անունները Ի՞նչ է տեղի ունեցել Արցախի «էլիտար» զորամասում զինծառայող Վահրամ Ավագյանի զոհվելուց առաջ. մանրամասներ միջադեպերից Ազգային ժողովում 174 մլն դրամի պարգևավճարներ են բաժանվել հունվարին աշխատած 17 օրերի համար Քուվեյթը կորոնավիրուսի պատճառով դադարեցրել է ավիահաղորդակցությունն Իրանի հետ Ադրբեջանի տարածքում երկրաշարժ է տեղի ունեցել Առանց Արցախի հետ բանակցությունների` հնարավոր չէ ԼՂ հարցի կարգավորում. Ն. Փաշինյան Մալայզիայի 94-ամյա վարչապետն իրավունք է ստացել որոշել, թե երբ է լքելու պաշտոնը Ադրբեջանը մեկ շաբաթում հրադադարի պահպանման ռեժիմը խախտել է շուրջ 190 անգամ Բրազիլիայում նորածինը խոժոռ հայացքով նայել է իրեն «լացացնել» փորձող բժշկին (լուսանկարներ) Հիմա ո՞վ ա ավելի շատ խանգարում հանրությանը` գողերը թե զրպարտողներն ու ասենք տռանսերը. Արթուր Դանիելյան Կորոնավիրուսը մոտեցավ Հայաստանի սահմաններին. արդյո՞ք Հայաստանը վերահսկում է իրավիճակը. Արման Սաղաթելյան Համացանցում հայտնվել են երիտասարդ Պոզների լուսանկարները «Վերնատուն» ակումբը հայտարարություն է տարածել հանրաքվեի վերաբերյալ Հայ Առաքելական եկեղեցին կտոնի Բուն Բարեկենդանը Բակո Սահակյանի և Նիկոլ Փաշինյանի մասնակցությամբ Անվտանգության խորհուրդների համատեղ նիստ է տեղի ունեցել «Ոստիկանության բարեփոխումների 2020-2022 թթ. ռազմավարության թույլ և ուժեղ կողմերը» թեմայով քննարկումը՝ ուղիղ Մյունխենից հետո մենք եւս մեկ քայլով մոտեցանք պատերազմին. Հրանտ Մելիք-Շահնազարյան Երբ ձյուն կգա Հորդոր՝ Իրանում գտնվող հայաստանցիներին Պուտինն իր անհանգստությունն է հայտնել Էրդողանին Լիբանանում գրանցվել է կորոնավիրուսով վարակման առաջին դեպքը Երևանի 51-ամյա բնակչի ավտոմեքենայի ուղղությամբ 35-ամյա տղամարդը կրակոցներ է արձակել Վարդենյաց լեռնանցքը բեռնատարների համար փակ է, մյուս տրանսպորտային միջոցների համար՝ դժվարանցանելի «Ժողովուրդ»․ Դեռևս ստացվում է միայն «բռնել-բաց թողնելը» «Ժողովուրդ»․ Հրամանատարներին նոր կարգադրություն է տրվել. մանրամասներ «Հրապարակ». Փաշինյանի կողմից ոչ մի նոր ու համոզիչ փաստարկ «Ժողովուրդ». Ծրագրեր են փոխվել․ մանրամասներ սահմանադրական փոփոխությունների մասնագիտական հանձնաժողովի փակ նիստից «Փաստ». Իսպանիայի Թագավորության դեսպանատունը Մոսկվայից Երևա՞ն կտեղափոխվի «Փաստ». Երբ սուպերվարչապետական «կոստյումն» իր հագին է, արդեն լավն է ու չխանգարող «Հրապարակ». «ԱՅՈ»-ի թիմն արդեն մշակել է ստրատեգիան. պատկառելի գումարներ են ծախսվելու
Խմբագրի ընտրություն
website by Sargssyan