AM | RU
USD
EUR
RUB

Քոչարյանի պաշտպաններն արդեն 7-րդ գանգատն են ներկայացրել ՄԻԵԴ (Տեսանյութ)

 

ԵՐԵՎԱՆ, 14 ՕԳՈՍՏՈՍԻ, Aysor.am: Հունիսի 27-ին Ռոբերտ Քոչարյանի պաշտպանական խումբը միջնորդություն է ներկայացրել դատարան իրենց պաշտպանյալի խափանման միջոց կալանքը գրավով փոխարինելու մասին։ Այսօր լրագրողների հետ հանդիպման ժամանակ Քոչարյանի փաստաբան Հայկ Ալումյանը հայտարարեց, որ դատարանը, սակայն, մինչ այժմ չի քննել ներկայացված միջնորդությունը, մինչդեռ ըստ օրենքի, դատարանը միջնորդությունը քննում է ներկայացնելուց անմիջապես հետո։

«Մենք արդեն այդ կապակցությամբ դիմել ենք Մարդու իրավունքների եվրոպական դատարան։ Թվով յոթերորդ գանգատն ենք ներկայացրել և այդ գանգատի առարկան է արդարադատություն իրականացնելուց հրաժարվելը։ Բացի այդ, մենք որոշել ենք պարբերաբար ներկայացնել ՄԻԵԴ-ին, որ գրավի վերաբերյալ միջնորդությունը չի քննվում», - ներկայացրեց Ալումյանը։

Նրա փոխանցմամբ, Երևանի ընդհանուր իրավասության դատարանի պատճառաբանությունն այն է, որ գործը քննող դատավոր Դավիթ Գրիգորյանի լիազորությունները ժամանակավորապես կասեցված են մեկ այլ քրեական գործի շրջանակներում, իսկ մեկ այլ դատավորի Քոչարյանի և մյուսների վերաբերյալ քրեական գործը դեռ մակագրված չէ։

«Սա օրենքից ու Եվրոպական կոնվենցիայից չբխող պատճառաբանություն է։ Հուսով ենք Եվրոպական դատարանից լսել տեսակետ այս հարցի կապակցությամբ», - նշեց Ալումյանը։

Քոչարյանի փաստաբանը նաև անդրադարձավ Սահմանադրական դատարանի մասին օրենքում և հարակից մի շարք օրենքներում Արդարադատության նախարարության նախաձեռնած փոփոխություններին ու հայտարարեց, որ այդ փոփոխություններով շահագրգռում են Սահմանադրական դատարանի դատավորներին հրաժարական տալ ժամկետից շուտ։

Ալումյանը կարծում է, որ այս նախաձեռնությունը բխում է Քոչարյանի վերաբերյալ քրեական գործի շուրջ զարգացումներից։

«Այդ նախաձեռնությունն ուղղակիորեն նպատակ է հետապնդում պարոն Քոչարյանի գործի հետ կապված Սահմանադրական դատարանում ստեղծել այնպիսի մի իրավիճակ, որ այդ գործով Սահմանադրական դատարանը չիրականացնի արդարադատություն», - ասաց Ալումյանը։

Հիշեցնենք՝ Արդարադատության նախարարության ներկայացրած օրենսդրական նախաձեռնությունների փաթեթով առաջարկվում է, որ եթե 2019 թվականի օգոստոսի 1-ից մինչև հոկտեմբերի 31-ը Սահմանադրական դատարանի դատավորը հրաժարական տա, մինչև իր պաշտոնավարման ժամկետի լրանալը կշարունակի աշխատավարձ, հավելավճար ստանալ։ Հնչած տարբեր քննադատություններին ի պատասխան, արդարադատության նախարարությունը պարզաբանում էր ներկայացրել՝ հրապարակելով եվրոպական մի քանի երկրների փորձը, որտեղ կիրառվել է դատավորների վաղ կենսաթոշակի անցնելու պրակտիկա, օրինակ՝ Հունգարիայում, Լեհաստանում, Բելգիայում, Դանիայում:

Լրահոս
Վայոց ձորի մարզպետ. Փորձում են որևէ կերպ ինձ ներգրավվել այդ գործի մեջ Հայկական թավիշը չգայթակղեց արտաքին աշխարհը։ Ի՞նչ սպասել Փաշինյանից այս տարի Մենք նպատակ չունենք մարդասպաններին վերադարձնել. Դավիթ Բաբայան Հայաստան է ժամանել Բելառուսի զինված ուժերի գլխավոր շտաբի պետը ՀՀ վարչապետ Նիկոլ Փաշինյանի ուղերձը Անկախության տոնի առթիվ Հայաստան, բոլոր մեր մտահոգությունները, երազներն ու ծրագրերը քեզ համար են. Վանեցյան Դիվերսանտներին ռազմագերիներով փոխանակելու հարցում Մնացականյանն ու Տոնոյանը նույն կարծիքն ունեն Թրամփն ու Փաշինյանն այսպես թե այնպես հանդիպելու են. Զոհրաբ Մնացականյան Ուկրաինան հրաժարվել է մասնակցել ԵԽԽՎ նստաշրջանին Ես Արցախ եմ հրավիրելու այս մրցանակներին արժանացած մեր հայրենակիցներին և նորից մեծարելու եմ նրանց. Բակո Սահակյան (տեսանյութ) Արցախի հերոս, գեներալ֊լեյտենանտ Մանվել Գրիգորյանի շնորհավորանքը Օդի ջերմաստիճանը կնվազի այնուհետև աստիճանաբար կբարձրանա Դավիթ Տոնոյանը` կոմայի մեջ գտնվող փոխգնդապետի մասին Մենք բոլորս երջանիկ ենք, որ մեզ բախտ է վիճարկվել վայելելու անկախության բերկրանքը. Վիտալի Բալասանյան «Հեղափոխական» տենդով քանդվում են պետության ինստիտուցիոնալ հիմքերը. ՀՀ երկրորդ նախագահ Անկախության 28-ամյակը՝ Գյումրիում Սինգապուրի վարչապետը պաշտոնական այցով կժամանի Հայաստան Առաջնագծում հայ դիրքապահների ուղղությամբ արձակել է շուրջ 1000 կրակոց Սեփական հասարակության մեջ բաժանարար գծեր քաշելը թշնամու կրակոցից վտանգավոր է. ես լավատես եմ. Սերժ Սարգսյան Վարչապետն ու նախագահը Եռաբլուրում զրուցում են իրենց դիետայի մասին, Փաշինյանը պատմեց, թե քանի կիլո է չաղացել Մտքեր անկախության մասին ՀՀ 28 տարիների անկախությունը հնարավորություն է ընձեռել դառնալ միջազգային հարաբերությունների լիիրավ սուբյեկտ. ՍԴ նախագահ Գարեգին Երկրորդ. Արդար ու բարի, հայրենաշեն գործերով պիտի վկայենք, որ արժանի ենք անկախ պետականությանը Հայաստանը վստահորեն քայլում է պետականության ամրապնդման ճանապարհով. Ալեքսանդր Լուկաշենկո Յուրաքանչյուր հայի պարտքն է՝ անել հնարավորը հայոց անկախ պետականության ամրապնդման համար. Բակո Սահակյան Անկախության տոնի առթիվ քաղաքական վերնախավն այցելել է «Եռաբլուր» (տեսանյութ) «Ժամանակ». Ովքեր են հովանավորում ՌԴ-ում ՀՀ ոստիկանության ներկայացուցիչ Միհրան Դավթյանին «Փաստ». Հրայր Թովմասյանի լիազորությունները դադարեցնելու հարցով փաստաթուղթը կազմողները «Ժողովուրդ». Գլխավոր դատախազի մորաքրոջ տղան ընկել է ԱԱԾ թակարդը «Հրապարակ». Ի՞նչ խնդիր ունի Փաշինյանը Թագուհի Թովմասյանի հետ «Ժողովուրդ». Պուտինը կգա Հայաստան «Փաստ». ԱՄՆ կա­տա­րե­լիք այցն ըն­դա­մե­նը ֆոր­մալ բնույթ է կրե­լու «Ժողովուրդ». Կառավարությունն այլևս չի աջակցի գյուղացուն «Հրապարակ». Ո՞վ է ոստիկանապետի ԺՊ-ի հովանավորը «168 ժամ». Դավիթ Բաբայանը՝ գերիների փոխանակման մասին «Հրապարակ». Նաիրա Զոհրաբյանը նախապատրաստվում է Ջերմուկի դիրքերում հերթապահությանը ՕՐՎԱ ԽՈՐՀՈՒՐԴԸ: Սեպտեմբերի 21 «Վանաձոր» ՔԿՀ պետը նշանակումից մեկ ամիս անց աշխատանքից ազատվելու դիմում է ներկայացրել Ադրբեջանական հակերները ակտիվ աշխատում են հայկական տիրույթում Սուպեր Ոստիկանապետություն դարձած իմ «Նոր Հայաստան».Մարինե Շահնազարյան
Խմբագրի ընտրություն
website by Sargssyan