Բանակցային գործընթացը չի կագնել. Զոհրաբ Մնացականյան

Բանակցային գործընթացը չի կագնել. Զոհրաբ Մնացականյան

ԵՐԵՎԱՆ, 22 ՕԳՈՍՏՈՍԻ, Aysor.am: Ադրբեջանի սահմանը հատած հայ զինծառայող Արայիկ Ղազարյանի հարցը շարունակում է բավական մտահոգիչ մնալ, լրագրողների հետ զրույցում ասաց ԱԳ նախարար Զոհրաբ Մնացականյանը։

«Այս պահին նորություն չունեմ ասելու այն առումով, որ և՛ Կարմիր խաչը, և՛ Պաշտպանության նախարարությունը, և՛ անմիջական առնչություն ունեցող մյուս կառույցներն առնչվում են այս հարցին։ Հարցը պահանջում է համակարգված մոտեցում», – ասաց նա։

ՀՀ արտգործնախարարը միաժամանակ ընդգծեց, որ Ադրբեջանի ԱԳ նախարարի հետ իր հանդիպումները շարունակվում են։

«Բանակցային գործընթացը չի կագնել։ Ադրբեջանի հետ օպերատիվ կապը գործում է բավականին կայուն», – ամփոփեց արտաքին գերատեսչության ղեկավարը։

Հետևեք մեզ նաև Telegram-ում