AM | RU
USD
EUR
RUB

Իշխանությունները հիմա լռում են մի հարցի շուրջ, որը ժամանակին դրոշակ էին դարձրել. փորձագետ

 

ԵՐԵՎԱՆ, 23 ՕԳՈՍՏՈՍԻ, Times.am: Օրերս Ֆինանսների նախարար Ատոմ Ջանջուղազյանը լրագրողների հետ զրույցում խոսեց Հայաստանի պետական պարտքի մասին: Նախարարը վստահեցրեց. պետական պարտքի մասով 2020թ.-ը շատ չի տարբերվի 2019թ.-ից: Ջանջուղազյանը միևնույն ժամանակ զգուշացրեց, որ անվանական արտահայտությամբ արտաքին պարտքը կաճի, սակայն հուսադրեց, որ դա դեռևս չի նշանակում, թե կավելանա պարտք/ՀՆԱ հարաբերակցությունը:

Հարցի շուրջ Times.am-ի լրագրողը զրուցել է «Հայացք» վերլուծական կենտրոնի փորձագետ Լիլիա Ամիրխանյանի հետ:

- Փաստացի հայտարարվեց, որ պետական պարտքը կավելանա: Ինչպե՞ս կգնահատեք այդ փաստը:

- Պետական պարտքի ինստիտուտն աշխարհում ընդունված պրակտիկա է և առհասարակ դեմ եմ պետական պարտքի աճող թվերից արվող բացասական հետևություններին, հատկապես եթե խոսքը վերաբերում է արտաքին պետական պարտքին: Ինչպես գիտենք նախարար Ջանջուղազյանը խոսել է հենց դրա մասին: Ասեմ ավելին, աճող արտաքին պետական պարտքը նաև որոշակիորեն ցուցիչ է տվյալ երկրի վճարունակության, գործընկերների կողմից ընկալելիության ու վստահության մասին և ի վերջո, ենթադրում է երկրի ներսում որոշակի զարգացումների ապահովում, որոնց նպատակուղղված են վարկային միջոցները: Զարմանալի ոչինչ չկա, բացառությամբ միայն այն հանգամանքը, որ ներկայիս իշխանություններն էլ փաստորեն աճեցնում են ՀՀ պարտքը:

- Ինքներդ եք ասում՝ բնականոն գործընթաց է:

- Ես՝ այո ասում եմ, բայց ներկայիս իշխանության ներկայացուցիչները դեռևս ըդդիմադիր դիրքերից բազմիցս են խոսել այդ երևույթի մասին բացասաբար, քննադատաբար, համարելով այդ գործընթացն ազգադավ և այս պարագայում սպասելի էր, որ ինչ-որ եղանակի են տիրապետում, որով կարելի է խուսափել, կրկնում եմ, ըստ իս շատ բնականոն գործընթացից: Բայց արի ու տես, որ չունեն ներկայիս իշխանությունները ոչ մի նոր եղանակ, նույնիսկ՝ վստահեցրած կախարդական փայտիկը չկա: Այսինքն իշխանությունները հիմա լռում են մի հարցի շուրջ, որը ժամանակին դրոշակ էին դարձրել:

- Նախարարը վստահեցրեց, որ քայլեր են արվում պարտք-ՀՆԱ հարաբերակցությունը նվազեցնելու ուղղությամբ:

- Պարտք –ՀՆԱ հարաբերակցությունն այն ցուցանիշներից է, որով որոշվում է՝ հատե՞լ է արդյոք պետական պարտքը վտանգի շեմը, թե՝ ոչ: Այս իմաստով նշեմ, որ նախորդ տարիներին այդ հարաբերակցությունը եղել է թույլատրելի շեմում՝ պակաս, քան ՀՆԱ 60% -ը: Հիմա, խոսելով պարտք/ՀՆԱ տարբերության կրճատման մասին, փաստորեն պետք է ի նկատի առնենք ՀՆԱ ցուցանիշի աճը, քանի որ նախարարն ինքն ասաց, որ պարտքի անվանական աճ կլինի: Իսկ դա կրկին տնտեսության բնականոն գործընթաց է և տնտեսական աճի մյուս կարևորագույն ցուցիչների հետ, ՀՆԱ-ն անընդհատ ենթարկվում է աճի: Հարցն այստեղ նրանում է, թե որքան կլինի պետական պարտքի և ՀՆԱ աճի արագությունների տարբերությունը ՀՆԱ/պարտք հարաբերակցությունը շահեկան դիրքերում պահելու համար:

Մյուս կողմից պետական պարտքի կառավարելիության մասին խոսում են նաև այլ ցուցանիշներ՝ օրինակ արտաքին պարտքի սպասարկում/ բյուջետային եկամուտներ հարաբերակցությունը կամ արտաքին պարտքի սպասարկում/ արտահանում հարաբերակցությունը: Սրանց մասին քիչ է բարձրաձայնվում, սակայն սրանք ևս ցուցանիշներ են, որոնցից կարելի է եզրակացություն անել՝ պետությունը ճի՞շտ պարտքային քաղաքականություն է վարում, թե՞՝ ոչ: Կապրենք, կտեսնենք:

 

Լրահոս
Ադրբեջանցիները տարբեր տրամաչափի զինատեսակներով կրկին թիրախային կրակ են բացել Երասխի ուղղությամբ Ովքեր կնշանակվեն հանձնաժողովների նախագահների պաշտոնում. Hraparak.am Ռուս խաղաղապահները 1 շաբաթվա ընթացքում ապահովել են ավելի քան 2000 ավտոմեքենայի անվտանգ տեղաշարժը. ՌԴ ՊՆ Էրդողանը նշել է Թուրքիայում անտառային խոշոր հրդեհների հավանական պատճառը Այսօրվանից մեկնարկել են Ֆրանկֆուրտ-Երևան-Ֆրանկֆուրտ երթուղով չվերթները ՌԴ-ում Սու-35Ս է կործանվել. ըստ նախնական տվյալների` կործանիչն ընկել է Օխոտի ծովը Ադրբեջանական բանակը կորուստ ունի Ադամ Շիֆը՝ Ադրբեջանի մասին Կարգալույծ է հռչակվել Տեր Պետրոս աբեղա Ազարյանը Պարգևատրումներ՝ Ազգային ժողովում Թուրքիայի երկնքում անհայտ ծագման բռնկում է երևացել. ՏԵՍԱՆՅՈՒԹ Պուտինն ու Էրդողանը հեռախոսազրույց են ունեցել ԱՄՆ կոնգրեսականը հորդորել է Ադրբեջանին անհապաղ դուրս գալ Հայաստանի տարածքից Արտակարգ դեպք՝ Երևանում Գնում եմ խորհրդարան, որ մեր երկրում օր առաջ փոխվի իշխանությունը. Գեղամ Նազարյան Լույս չի լինի Երևանում և 5 մարզերում Օդի ջերմաստիճանը կբարձրանա Նոր միջադեպ Նախիջևանի հետ Հայաստանի սահմանում. ՊՆ Այս նկարից ակնհայտ երևում է, որ մարդիկ ադրբեջանական ուղիղ նշանառության տակ են․ ՀՀ ՄԻՊ Իշխանությունն «ականապատել է» խորհրդարանը. «Հրապարակ» Գործող խորհրդարանից ուզում են մաքսիմումը «քամել». «Փաստ» «Ամունդի-ԱԿԲԱ Ասեթ Մենեջմենթ»–ի ակտիվների մեծությունը հատել է 212 միլիարդ դրամի շեմը Նոր փոփոխություն. ինչ պետք է ունենան գազաբալոններով մեքենաների վարորդները. «Ժողովուրդ» Իշխանությանը հայհոյողներին ի՞նչ պատիժ է սպառնում. «Փաստ» ՔՊ-ականները կհավաքվեն. որն է գլխավոր հարցը. «Ժողովուրդ» Ընդդիմադիր դաշինքները համաձայնության են եկել. «Հրապարակ» Տոկիո-2020․ Բաչկովը հաղթեց ադրբեջանցուն և դուրս եկավ քառորդ եզրափակիչ Ինչ վտանգներ կան հայհոյանքի քրեականացման տակ Խոշոր ավտովթար-հրդեհ Երևանում. Opel-ը վերածվել է մոխրակույտի Ադրբեջանը թաքցնում է հայ գերիների ճշգրիտ թիվը. Փաշինյան Ինչո՞ւ Թուրքիան հայտարարեց Ադրբեջանի հետ համատեղ բանակ ստեղծելու մասին Դեսպաններին սկսել են նշանակել երեք տարով Հայաստանի ժուռնալիստների միությունը հայտարարություն է տարածել ՔՊ-ական որ պաշտոնյաներն են հարվածել հպարտ քաղաքացիների գրպանին Իրանը Թուրքիային օգնություն տրամադրելու պատրաստակամություն է հայտնել Հայտնաբերվել է ևս մեկ զինծառայողի աճյուն Նոր նշանակում ԱԳՆ-ում ԱԺ-ն միաձայն ընդունեց հայհոյանքը քրեականացնող նախագիծը Փաշինյանը պաշտոնյաների է պարգևատրել ԵԽ–ում դատապարտել են Բաքվին
Խմբագրի ընտրություն
website by Sargssyan