AM | RU
USD
EUR
RUB

Նամակ համաքաղաքացուն։ Նոր աչքով նայենք մեր իրականությանը

 

ԵՐԵՎԱՆ, 28 ՕԳՈՍՏՈՍԻ, Times.am: Նախորդ երեկոյան որոշեցի մի քիչ զբոսնել քաղաքում։ Ամբողջ կիրակին հետաքրքիր ընթերցանության էի նվիրել, երեկոյան զգացի, որ օդափոխվելու, մի քիչ թարմանալու կարիք ունեմ։ Զանգեցի ընկերոջս, միասին իջանք Երևանի կենտրոնական փողոցներ՝ քայլելու։

Վաղուց նման բան չէի արել։ Սովորաբար երեկոներս անց եմ կացնում միևնույն սրճարանում, գրեթե միշտ նույն մարդկանց հետ։ Աշխատանքային օրվա ավարտին հավաքվում ենք այնտեղ, սուրճ խմում, քննարկում օրվա անցուդարձը ու գնում տներով։ Իսկ երեկ ահա քայլել ու մարդկանց տեսնել ուզեցի։ Ընտրեցի ամենամարդաշատ վայրերը և Սայաթ-Նովա - Թումանյան փողոցների խաչմերուկից գնացի դեպի «Ազատության» հրապարակ, հետո Հյուսիսային պողոտա, Հանրապետության հրապարակ, Վերնիսաժի այգի ու այդպես շարունակ։

Երկար ենք քայլել։ Հանգստանալ էի ուզում։ Չստացվեց։ Ցավոք չստացվեց։ Քաղաքն այլևս այն չէ, ինչ ես գիտեի։ Ինչպիսին սովոր էի տեսնել նրան այդ ժամերին։ Չեմ ուզում երկար պատմել, բայց կարճ կասեմ. ճանապարհին միասեռականների չորս (!) զույգ տեսանք` երկուսը արական սեռի, երկուսը՝ իգական։ Երեք տեղ հանդիպեցի փողոցը ռաբիզ երաժշտությամբ լցրած կլարնետ-դհոլչիների «անսամբլ»-ների։ Ամեն տեղ ադիբուդի, շաքարե բամբակ, արևածաղկի սերմեր ուտող կանանց ու աղջիկների, մարմնի զգալի հատվածները դաջվածքներով պատված ու նոր (երևի նորաո՞ճ) տիպի կարճ՝ ոտքերի ստորին հատվածները բաց թողնող տաբատներով տղաների։ Պարսիկ և հնդիկ զբոսաշրջիկներ (թե՞ արդեն բնակիչներ) ու նրանց սպասարկել ցանկացող մարմնավաճառներ… Ովքե՞ր են բոլոր այս մարդիկ։ Նրանք մի՞շտ էին ապրում այս քաղաքում։

Տեսած պատկերներից հոգնած՝ քայլեցինք դեպի Վերնիսաժի այգի՝ Գարեգին Նժդեհի արձանի շուրջը տեղադրված նստարաններին հանգստանալու։ Այստեղ մարդիկ քիչ էին՝ հեծանիվ քշող մի քանի երեխա, զբոսնող հատուկենտ զույգեր, որոշ զբոսաշրջիկներ ու… շուն պահողներ, որոնց կենդանիները վազվզում էին այգում մեջ, կեղտոտում գազոնների վրա, խմում մարդկանց համար նախատեսված պուլպուլակներից, միզում այգում տեղադրված խաչքարերի ու հուշարձանների վրա… Հա, մոռացա, նաև երիտասարդ՝ մոտ 20-22 տարեկան ոստիկաններ, ովքեր ծառերի մթի տակ երևի նստած դժբախտ պատահարների էին սպասում։ Այն, որ շները միզում են խաչքարերի վրա, նրանց քիչ էր հետաքրքրում։ Այսինքն՝ ընդհանրապես չէր հետաքրքրում։ Աչքները սովոր էին։

Սա արտաքին պատկերների նկարագրությունն էր։ Նույնը, բնականաբար, վերաբերվում էր նաև այս ամենի ներքին աշխարհին։ Եվ պետք է ասեմ, որ այդ ամենը չափազանց գարշելի է։

Հիմա հարց՝ ո՞վ է մեղավոր այս ամենի համար։ Քաղաքապետն ու քաղաքային իշխանությու՞նները։ Ոստիկանությու՞նը։ Կրթության նախարարությու՞նը։ Պարսկաստանի փակ համակա՞րգը։ Հայաստանում հասկի ցեղատեսակի շուն բազմացնողնե՞րը։ Խաչքար քանդակողնե՞րը։ Կլարնետ նվագողնե՞րը։ Ո՞վ։ Լուրջ հարց եմ տալիս՝ ո՞վ։

Ինչու՞ ենք մենք ապրում այսպիսի միջավայրում։ Երբևէ մտածե՞լ եք դրա մասին։ Ինչու՞ և ինչպե՞ս։

Համատարած այս անտարբերությանը պետք է վերջ տրվի։ Իհարկե, մենք հաճախ չենք մտածում այս ամենի մասին, բայց անթույլատրելի է, որպեսզի աչքներս սովորի վերոնկարագրված տեսարաններին ու երևույթներին։ Դա սպանում է մեզ նախ որպես քաղաքացի, հետո որպես քաղաքի բնակիչ, իսկ վերջում՝ որպես մարդ։ Համակերպվել չի կարելի։ Անգամ եթե այդ հիվանդությունը վաղուց է ապրում մեր մեջ։ Այն հաղթահարել է պետք ու այդ ճանապարհից մեզ ոչինչ չպետք է շեղի՝ ո՛չ օրվա խնդիրները, ո՛չ իշխանության գույնը, ո՛չ աղետներն ու դժբախտությունները։ Մարդն ամեն դեպքում պետք է բարեկիրթ մնա։ Ինչպես ասում էր Չեխովը՝ «Մարդու մեջ ամեն ինչ պետք է գեղեցիկ լինի. և՛ դեմքը, և՛ հագուստը, և՛ մտքերը»։

Մենք ունենք հրաշալի քաղաքներ, էլ ավելի լավ գյուղեր և այդ քաղաքների ու գյուղերի հիասքանչ բնակիչներ։ Պարզապես պետք է նմանվենք ինքներս մեզ։ Նոր աչքով նայենք մեզ շրջապատող իրականությանը, որպեսզի նկատենք այնտեղի բացասական երևույթները։ Մի օր որոշենք ու ապրենք այնպես, ինչպես վայել է բարեկիրթ, արժանապատիվ մարդուն։ Կարծում եք դժվա՞ր բան եմ ասում։ Հավատացեք՝ ոչ։ Մի օր պարզապես վերցրեք ձեր տան դիմաց հայտնված աղբը, կամ ջրեք այնտեղ աճող ծաղիկը և կտեսնեք, որ ամեն ինչ շատ հեշտ է ու հաճելի։


Հրանտ ՄԵԼԻՔ-ՇԱՀՆԱԶԱՐՅԱՆ

Լրահոս
Հունիսի 18-ից ՍԴ-ն որոշում չի կարողացել կայացնել. Արամ Վարդևանյան ՀՀ տարածքում ջերմաստիճանն աստիճանաբար կնվազի Հակառակորդի կողմից հրադադարի պահպանման ռեժիմը խախտվել է շուրջ 295 անգամ Իրանը մտադիր է վրեժ լուծել գեներալ Սուլեյմանիի սպանության մասնակիցներից Արձակուրդից վերադառնալուց հետո Հրայր Թովմասյանը մասնակցել է բոլոր նիստերին. ՍԴ Ինչից է ՁԵԶ փորձում զրկել «հեղափոխությունը». Արփինե Հովհաննիսյան «Պռոշյանի գինու գործարան»-ում պայթյունի հետևանքով տուժածներից մեկը մահացել է Արցախի Ազգային ժողովի նստավայրը Ստեփանակերտից կտեղափոխվի Շուշի Սպասվում են լրջագույն քաղաքական զարգացումներ, որտեղ «Հայրենիք» կուսակցությունն ունենալու է առանցքային դեր․ Արթուր Վանեցյան Հայաստանում կորոնավիրուսով վարակվելու հաստատված դեպքերը «Տեսողությունս կորցնելուց հետո եմ միայն իմացել, որ գարդասիլի պատվաստում եմ ստացել» «Ժողովուրդ»․ Շուտով կհայտարարվի նախաքննության ավարտի մասին «Հրապարակ»․ Երկրի վարչապետն ավելի կարևոր մտահոգություն ունի, քան մեր երկրի սոցիալ-տնտեսական վիճակն ու բյուր խնդիրները «Ժողովուրդ»․ Առաջիկայում Հայաստանում նոր թանկացումներ կլինեն և արդեն կան «168 ժամ». Քաղաքական բանավեճի ու մշակույթի մակարդակն իջել ու իջնում է՝ հասնելով անթույլատրելի ցածր կետի «Հրապարակ». Ձեր երկրում անասելի շատ քրգործեր են հարուցվում, որոնք ոչ մի հանգրվանի չեն հասնում․ ՀՀ-ում ՌԴ դեսպան «Հրապարակ». Խաչատուր Սուքիասյանը իշխանության փիարը նոր մակարդակի է հասցնում ՕՐՎԱ ԽՈՐՀՈՒՐԴԸ: Սեպտեմբերի 19 «Իմ քայլը» հիմնադրամը նորաստեղծ ՀԿ-ին մոտ 96 մլն դրամ էր տվել՝ նոյեմբերին Համալիրում կազմակերպված փառատոնի համար Նոր չարտերային չվերթներ Մոսկվայից Երևան Պաշտպանվել սեփական կառավարությունից Նիկոլ Փաշինյանի հրաժարականի պահանջով բողոքի ակցիա՝ Մատենադարանի դիմաց. ՏԵՍԱՆՅՈՒԹ Այլևս չենք զարմանում մեզ հարևան որոշ երկրների դրսևորած վանդալիզմից. Հայրապետյան «Հայրենիք» կուսակցությունը խորհրդի նիստ է անցկացրել «Մտքովդ չանցնի, որ պետութունն ու ժողովուրդը վճարելու են քո ճակատագրական սխալների գինը». Աշոտյանը՝ վարչապետին Հայաստանում կա էլիտա, որը կարող է փոխարինել այս իշխանություններին. Ռոբերտ Քոչարյան (տեսանյութ) Ճիշտ չէ, որ բանակում չծառայած մարդն ասի՝ բոլորդ պետք է ծառայեք. Գորգիսյան Թո՛ղ գան, խոսե՛ն մարդկանց հետ. Ամուլսարի հարակից համայնքի բնակիչները Կառավարությանը հրավիրում են համայնք (Տեսանյութ) «Qatar Airways»-ը դեպի Երևան թռիչքները հոկտեմբերի 5-ից կդարձնի ամենօրյա Ես ասել ու ասում եմ՝ եթե պետությունը քայլեր չանի, փոփոխություններ չկատարի, մենք օր օրի անդունդ ենք գնալու. Գագիկ Ծառուկյան (տեսանյութ) Արցախի նախագահն ընդունել է ՀՀ ԱԳՆ պատվիրակությանը Սորոսական շրջանակնե՞րն են Բաթոյանին ջրից չոր դուրս բերում․ «Մեդիա պաշտպանի» մշտադիտարկումները մամուլում ՀՀ տարածքում վաղվանից ջերմաստիճանն աստիճանաբար կնվազի Արմավիրի մարզում մի քանի գյուղերի բնակիչներ փակել են Էջմիածին-Մարգարա ճանապարհը Այս ամենի հետևում նկատելի է «Թուրքիայի մեծ ականջները». Տիգրան Աբրահամյան Երկու ստենդ սրտիս ոտքով եկել եմ ու ընտրել քեզ, ինչո՞ւ ես դուխներս կոտրում. Ակցիայի մասնակիցը՝ Նիկոլ Փաշինյանին Անթաքույց փորձում են կրթական բովանդակության մեջ նվազեցնել ազգային մշակութային և արժեքային տարրերը. Ավետիք Չալաբյան Հայաստանում կորոնավիրուսով վարակվելու հաստատված դեպքերը Հագուստ և կոշիկ ներկրող տնտեսվարողները բողոքի ակցիա են անում Կառավարության շենքի դիմաց. ՈՒՂԻՂ ԱԺ նիստը՝ ուղիղ
Խմբագրի ընտրություն
website by Sargssyan